Amsal 11:16 - Eipomek

¹⁶ Kil ton talima teleb kibuka ulirye, yuk ninye ati, bico tenebuka melilul kil ara, pia teleb un ninguk, tabakuka upra banamle. Yuk ninye arye, akil eibikirye, ‘E, dipkoprob akil ara, talima teleb kil ulule,’ tenebikirye, akil ati kanye delinyake. Bukni, ninye ton, bico tenena kumce, yu weik unyakce, yuk ninye ati, ikin ning weik, sik nong deice delinyak nang ara, bona weik talin ning weik doproptinga babye, yuk ninye arye anang ati kanye kum delinamake. Yuk ninye arye anang ati, ‘E, sikda talima teleb nang unyake,’ pia kum tenekirye, anang ati kanye kum delinamake.

Amsal 11:16 Referans Kwoze

Lukas 10:42

Bukni, weik mambul patasilye ning ara, tonok ulule. Maria arye weik mambul ning, Allah yupu keken ning akunum wibmalce, na nyanmane yupu kekebuka unmala ati, aning yupu sekuka kum dopropnune.” Yesus arye nyabuk.

Rasul 9:39

Anang arye Peterus dobuka yarikopura, Dorkas deipmek aik, alip aik deibik. Alip aik noutamak, Peterus binuka tikukbuk, youwak kilapu weik arye el balye tam nirya tikuka antapdongobik akarya nyabik. Tikra antapdongobikce, Peterus ati, “Akain ara, Dorkas arye el kam ulamuk talak nun neika ulamubu talak arye wiyamsuk baju adipdelyame,” nyabuka engenmekce, laka nyanmek.

2 Yohanes 1:1

Na anggun deiyoknye birye, anggunti ayupu seksine. Anggunda Allah arye, melyamsukba, diba tenebuka, Allah yupu aik, neika wekelulum nang nirya babye, anggun diba tenelulum nang babye ati, ayupu seksine. Na ni Allah, el dipkoprop yupu talibuka unirye, kanye delisunune. Tonda, yuk mutuku nang bukni, Allah nyasulul yupu, el dipkoprop yupu ati, kanye delinyak nang nirya arye, anggunti bico tenenyake.

Lukas 8:3

Tonda, Herodes el aik pil dolamuknye Kusa, el kil Yohana ap, Susana ap, ton yuk kilapu weik ton ap neika balamik. Akilapu nirya arye, sik talilamik ning deice arye, Yesus ap, el mapu ap, sik patapne ning ara, dekuka arelamik.

Matius 26:13

Ati ara, dipkoprop nyapsine. Na lak teleb yupu bobuka peterelbinamak mutuku nirya ara, akil arye na nong deice nintong teleb mek dikeipmanil ning ara, ‘Akil elti, pia tenenamak’ tenen, pia peterelbanamake,” Yesus arye nyabuk.

Ester 9:25

Bukni, Haman tenelamuk ning kekebuk talak ara, Ester birye tamubuka, ninye deiyoknye Raja Ahasyweros dam binuka laka nyabuk. Nyabukura, ninye deiyoknye Raja, elce surat sekna deice, Haman birye nyabuk yupu sekdongobuk. Yupu sekuka deibukce nyabuk. “Haman elce yu kanye tenebuka, ‘Yahudi yala ninye nirya obuka sirya daknamabe,’ nyabuka sekamuk ning ara, elcuk ikin ning deipdanmale. Tonda, ‘El ap, el mapu koproba ap, ninye dobuka, tapu arye ngang kirikuka diripkwetepnamabe’ tenen, Haman birye ikuka, deiamuk cang yo dup diripkwetepnamabe,” Raja arye nyabuk.

Roma 16:6

Ton kil el si ara Maria, anggun Roma mutuku ululum ninye melina ati, pia pi dobuka weika arye pil dolamsuke. El ti, “Paulus arye telebe nyapdeipmakile,” nyabuka nyanamlulume.

Amsal 31:28

Winilya deice arye, el mapu arye sik nin biti, ‘Elda pia teleb kil ulula anya arye, Allah arye teleb kilinamle’ tenen, elti, teleb yupu uk nyakirye, weik arye kanye delinyake. Aning atonun, el akanye birye, el kil ati pia kanye delilule.

1 Samuel 25:40

Nyabukura, Daud el pil don nang adiparyuk Abigail dam, Karmel mutuku ulamikak, binuka nyalbiyik. Akunum el dam biyikopura, Daud nyapmok yupu nirya, yanuka nyabik. “Anda nun ni koproba, Daud birye, ‘Na dopnamakine,’ nyapdeipmakile. Ati, ‘Telebe,’ tenepminyopura, anda nun ap, neika binamabe,” nyabik.

Amos 3:9

Allah el si Yahweh arye, ayupu nyabuk. “Narye akunum nyapdeipnamasin yupu nirya ara, laka nyalbinamlume. Mutuku si Asdod mutuku deiyok talibuka unyak ninye ap, Mesir mutuku deiyok talibuka unyak ninye ap ati, nyapnulyame. Ara, sik nirya bulubukabikirye, Samaria mutuku tamuk ukirye, kalikuka dinamake. Ara, amutuku deiyok nang, Samaria mutuku dam yakirye, dinmaki bukni, Israel ninye arye, pia weik arye malye weik winilamik ning ap, malye wininyak ning ap, lakak kipnibuk eipnamake. Winipniba, amutuku unyak ninye arye eibikirye, ‘Se, dib aning ara, Israel ninye sik malye unyak ning weik wininyaka ara, atia,’ tenebuka kel kipnamake.

Amos 3:10

Allah Yahweh arye nyalule. Sik Israel ninye ara, pia dipkoprob teleb ton kum unyake. Teleb winin ning ara, akunum luba kibik. Bukni yu weik upliba, sik yuk nang ning nirya dalubuka dolonyake. Yu upliba, ninye ona ap, sik ning ubula dolona ap, ulamika deice arye, yuk mutuku ninye taleamik ning weik dopromik. Winilamikce, abona-bona nirya, sik keil arye deibuka, domik aik pum tam dongolamik. Ati, sik Israel ninye ara, pia diksukum winin ning ara, ton kum wininyake. Sikda pia malye-malye ninguk wininyake.” Allah arye nyabukba, Amos kekebukce sekuk.