Ninye ton teleb ubuka diksukumuk unyak nang ara, Allah arye, “Aning ara wininamlulume, aning ara pia kum wininamlulume,” nyapdeiamsuk yupu moubuka talibikirye, ninye deiyok ning talibuka, sik unyak mutuku talibikirye, deiyok nang unamak talak ara, yuk talye daunyak ninye nirya arye, ‘E, anang ara pia telebe,’ tenebikirye, kanye deibuka unamake. Bukni, malye winin ninguk talibuka ulamlinye bira, erepdeibikiba, elce ninye deiyok talibuka, el unamle mutuku uk taliplirye, ninye deiyoknye uplyopura, yuk talye daunyak ninye nirya arye, ‘Se, kanye imun ning nun dam yanuka upsilyak,’ tenebikirye, ninye kum unyakak bikbik abuka duknulbinamake.
Amsal 11:10 - Eipomek10 Dipkoprop ninguk, talibuka unyak ninye arye, pil dopra bakirye, sik winin ning nirya, teleb upra balyopura, amutuku noutamak unyak ninye nirya arye, kanye deibuka unyake. Aning atonun, sik malye ninguk, talibuka unyak ninye dibicopura, sik mutuku neika unyak ninye arye, kanye deibuka unyake. Ara, ‘Naie, nunti malye kililamsuknye bira, merekuka dipmale. Elda akunum kum danmala ati ara, wini talak ara, nunda telebuk upra banamabe,’ tenebikirye, kanye deibuka unamake. Gade chapit la |
Amsal 11:10
14 Referans Kwoze
Nun ni Allah, yuk talak ara, Allah an si Yahweh ati yu tenekinyak nang ara, Sisera ap, el mapu silip ap dibik atonun winipnamak. Bukni, anti diba tenyamkikirye, anti kanye delilamak ninye ara, keting yalirye, mutuku nirya deibuka bereklamla atonun, mikip weik unamake. Sik Debora ap, Abinoam el mi Barak ap, mot dobuka seprik. Ura, Sisera akunum obikopura, keting tamun yupa dumbarye deice ara, Israel ninye olana kum diparyuk, kanye deibuka telebuk ulamik.
Malye winin ninguk talibuka ulamice nang arye, tonok mutuku nirya talibikirye, ninye deiyok nang kibuka ulamice talak ara, sik amu tam unamak ninye nirya arye, ‘Se, ikin ning nun dam yasilyak’ tenen, duknulbanyake. Bukni, amalye ning talibuka unyak ninye dibicopura, teleb aryuk kanye talima lamapdongobuka, pia diksukumuk ulamice ninye, sik yupa weik tonap tabakuka upnin banamake. Winibikirye, ninye deiyok ning talibuka, unyak mutuku talibuka ukirye, diksukumuk ubuka, ninye yupu lipsisikuka bokolinamake. Winipnamak talak noutamak nirya ara, sik amu tam unyak ninye nirya arye, pia kanye deibuka unamake.
Anang sakuka poulbikcopura, winipmanto ara, weik buknak arye, el kanye deibuka, el taruk tatang boklirye, anang ati, nalibuka akutulule. Abona talin nang babye, dan tam banmacak nirya ara, amikip kumanya arye dopnamle deice arye, “Anggunda, pia malye ulamlum nanguk ululume,” nyabuka, yep-yep nyanamle.
Miryam birye deiyok koupmokba, sik senmek mot ara ani. “Nun ni koproba Allah, el si Yahweh ati, el si erebuka mot nyanamabe. Allah el mikip weik uplirye, aning-aning deice tam ulula ati, el si erebuka mot nyanamabe. Mesir mutuku yin talin nang ap, sik kuda deice bukuka balamik kuda ap, Allah arye dobuka, weik laut mekwen noutamak dopkwetebukba, mekwen arye dibuka siknibuke. Diprobukba, sik nirya dibike,” nyanmek.
Winibuka ati ara, amutuku noutam ulamik ninye nirya eibikce, weik arye pin-pin asa kanye deibuka aulamik. Ara, min talak amutuku taleamuka deiyok kil, ratu Atalye bira, el aik dam arye, akunum obikopura, aning deice arye, sik Yehuda mutuku noutam ulamik ninye nirya ara, weik kanye deibuka ulamikce, dakeiam asa telebuk ulamik.
Aning atonun, diksukumuk unyak ninye arye, sik mutuku noutamak ulamikca deice arye, amutuku unyak ninye nirya babye, teleb ning dolonyake. Yuk mutuku ninye arye, ateleb unyak ninye eibikirye, ‘Se, sikda pia teleb kibuka unyake. Sikda mambul weik unyake,’ tenenyake. Bukni, yu kanye uk tenebuka, ulinye birye nyalul yupu deice arye, el ap neika unyak ninye ati, pia malyeuk ulilule. El malye yupu nyalula deice arye, yuk ninye nirya ati, malye kililule. El malye ulul ning sik nong deice sakalongolule.
Teleb uk ukirye, talima darapdongobuka pia diksukumuk ulamice ninye arye, ninye deiyok nang ukirye, sik talibuka unamak mutuku ara, diksukumuk ubuka, ninye yupu lipsisikuka bokolinamak talak noutamak nirya ara, sik amu tam unyak ninye nirya arye, kanye deibuka unamake. Bukni, malye winin ninguk talibuka ulamice nang arye, tonok mutuku nirya talibikirye, ninye deiyok nang kibuka unamak talak ara, sik amu tam unamak ninye nirya arye, ‘Se, ikin ning nun damak yanganamsil ning ara, nun like’ tenen, imun kanye bobuka engenamake.
Biyukopura, dilamukak, Raja winiryuk wipdeibiknye Yoas bira, Allah el aik noutam wekelyangalamik bisik bublan dam, weik ayukumna yo dam tikmukak eibuk. El atikmuka dana-dana tam nirya ara, sik yin nang yupa yuk-yuk deiyok kibuka ulamik deiyok yin nang ap, lelim len ning terompet bolamik nang ap, sikcuk Raja warikdongobuka tikmek. Tonda, Raja si eren ati, amutuku noutam ulamikce, apil dolamik nang ara, anyaik dam bulubuka wekmek nang nirya ara, kanye weik deipmekce, terompet bobuka, si arye pulunmekce, si erenmek. Tonda, kanye delina mot sena deiyok nang arye, bung-bung an ning ap, alat-alat musik yuk yala nirya ap, bopmekba mot senmekce, weik yupu deice arye si erenmek. Atalak ara, Atalye binuka eibukce, el kanye pia malye ubuka ati, el kenekmuk baju adiparyuk kwilikuka batakukce, mikip yupu arye nyabuk. “Se, Se, dipkoprob na tonok arye amutuku talebuka, ninye deiyok kil unun ati, anggunce awinipmaluma deice arye, na yanipmanulume,” nyabuka, weik yupu arye malye nyabuk.
Aning nirya akunum winipnyopura, im deice ubuk ning nirya ap, tukwak mutuku sirya, im sirya nirya aubuk ning nirya ap ara, pia weik tonun kanye deibikirye, pin-pin kanye bobuka, weik yupu arye, ‘Telebe,” nyanamake. Ara, ‘Sik Babel mutuku noutam unmak nang opnamapʼ tenen, yanganamak nang ara, sik dabu tam mutuku nang arye olyanamake. Narye dobuka arepninyeba, anang arye yanuka, sik Babel mutuku ninye nirya, obuka malye kibikirye, sice buklopnamake.
Piblisite