Amsal 1:8 - Eipomek

⁸ Na mapu nirya ara, anggun ni yapu arye peteresikce yupu nirya ara, moubuka kekepmunce, talinamlulume. Aning atouk, anggun nin yapu arye, nyasinyak yupu nirya babye, moubuka kekepmunce, pia kum batakanamlulume. Ayupu nirya ara, talibuka unamlulume.

Amsal 1:8 Referans Kwoze

Amsal 6:20

Se, na mapuo. Na anggun ni birye yata wirin ning do nirya ati, ‘Aning ara wininamlulume, aning ara kum wininamlulume,’ nyapdeiamsise yupu ara, luba kina pia meme. Tonda, anggun nin yapu arye, yata wirin ning do nirya ati, ‘Aning ara wininamlulume, aning ara kum wininamlulume,’ nyalilamsik yupu ara, kum yaniptapnamlulume.

Amsal 30:17

Ninye ton el li koproba ap, el lin ap, sik akunum wisi dadikirye, aik bukdikce talak ara, sik bitinye ati, akutubuka malye yupu nyalulnye bira, aminyan talak Allah arye, anye bira wenebuka oploplirye, bai tam donokliba, Gagak maka ap, Rajawali maka ap arye, anye bira el asing ara, lukuka dipnamdake.

Amsal 2:1

Se, na mapu anggunda, narye nyanamsin yupu ara, anggun moubuka dolonamlulume. Winibuka dopropmunce, anggun kanye talima pum tam ara, ‘Aning ara wininamlulume, aning ara kum wininamlulume,’ nyabuka nyalinamsin yupu ara, pia moubuka kekenamlulume.

Amsal 31:1

Ayupu ara, ninye deiyok kibuka ulamuknye el si ara, Sisinanye Raja Lemuel birye nyabuk. Amambul yupu ara, el lin birye elti, peterelamukba, kel kiamukce sekdeipsuk.

Amsal 1:10

Se, na mio, malye un ninguk talibuka unyak nang arye, ‘Ami el kanye talima arukdeibiba, malye unamle’ tenen, an dam yanuka yukupdopkicopura, sik yupu pia kum kekenamlyame.

Imamat 19:3

Tonda, ninye nirya adiparyuk, anggun nin yapu ap, anggun ni yapu ap ati, ‘Sikda mambule’ tenen, kinamlulume. Winipmunyopura, tekbarye sum nirya ara, pil dona kumce, asum deice na Allah arye nyapdeamsi touk, na siuk erebuka, si erenamnululume. Nara, anggun ni Allah Yahweh unune. Anggun ni Allah, na tonok unune.

2 Timotius 1:5

Tonda, ila tonap, tenekunun ning ara, nyapnukine. Ara, an nu kopropa Lois ap, anin kopropa Eunike ap, sik bitinye arye, lik tenena pia kum aniryuk, weik arye dib tenyamrik touk, an babye, Yesus ati dib tenelyame. Na kanye bokoltona kum arye, anti, akunum kel bikamkise. ‘Anye Timotius bira, Yesus ati dipkoprop weik arye diba tenelule,’ tenekunune.

Amsal 7:1

Na mio, narye anti, “Wininamlyame,” nyalamkisirye, “Teleb una ara ani,” nyakunun yupu nirya ara, luba kina pia meme. An kanye talima pum tam arye, pia teninauk unamlyame.

Amsal 3:1

Se, na mapu, narye anggunti peterelamsise ning ara, luba kina meme. Narye, “Aning ara wininamlulume, aning ara kum wininamlulume,” nyapdeiamse ning nirya ara, anggun kanye talima noutam deipmunce, pia tuba tenebuka unamlume.

Amsal 1:15

Se, na ni mio, malye un nang arye nyabuka yukunamkiyak bukni, anda sik anang ap melibuka bana pia meme. Sik malye nang arye banamak bisik ara, neika kum banamlulume. Anda tonok yan aniryuk kum banamlyame. Sik anang arye nyabikce yupu kekepmince, sik ap melibuka dobolbana pia meme.

1 Samuel 2:25

Tonda nyabuk. “Winipmanto, ninye tukwak nang ati, malye winilina ara, Allah arye dipkoprop, ‘Aning ara, malye wininyake’ tenen, bico tenebuka, namin kipturye lyepsutue. Bukni, Allah el si Yahweh ati, malye winibibye ning ara, yatanye birye lyepsutue do? Yatanye birye, amalye winin nang ati, Allah ap, ansinilina deiyoknye upturye, pil doptuba, teleb kibuka, neika uptibye do?” nyabuka wenebuke. Nyabuka wenebuk bukni, el mapu sik bitinye arye, anyamuk yupu ton, pia kum kekelamdik. Sik kum kekelamrik deiyok ara, Allah el si Yahweh arye, abitinye nang ati, ‘Anang wenebuka oplopnamne,’ akunum tenebuka atia.

Matius 9:22

‘Yesus el baju bolpipnun’ tenen, yayukce, Yesus el baju bol pibukba, Yesus arye tamubuka, ayanmok kil eibuk. Eibukce ayupu nyabuk. “Na ka kilo, an diba tenepmanilama deice arye kwetepmakine. An kanye imun wamkuk ning ara, akunum kweteipmakina ati, telebuk kanye deibuka binamlyame,” nyabuk. Yesus arye nyabukopura, atalak aryuk, akil el ining balamuk ning ara, kum dayukce, teleb ubuk.

Matius 9:2

Yesus wekuka bulbiyuk aik unmokce, peterenmok talak ara, dumbarye nang pala yo deice arye, nong nirya meiyal semuknye, binmanto kumnye, baya wibuka boyayik. Sikda, ‘Yesus arye anye kweteptue’ tenen, boyanmaka deice arye, Yesus ara, ‘Na ti dipkoprop diba tenepmaniyake,’ tenebuka kel kibukce, anye min kum kwetebuk talak arye, ameiyal semuknye biti nyabuk. “Na mio, an malye teneminye ning ap, malye winiminye ning ap, kum daneipkinirye, namin kipnamkine,” nyabuk.

Amsal 5:13

Tonda, ‘Nara yata ati na peteren nang arye nyapman yupu ara pia kum kekelamse do? Tonda, na peteren nang arye, nyapman yupu ara, amul deice arye pia moubuka kum kekelamse do?’ tenelamunce, engenamlume.

Amsal 23:22

Ton ara, na mapu, anggun nirya ara, anggun ni yapu koproba, anggun deipsik nang sikce anggunti, ‘Aning wininamlulume, aning ara kum wininamlulume,’ nyalisinyak yupu nirya ara, pia moubuka kekenamlulume. Anggun deipsik nang arye nyalisinyak yupu nirya, moubuka kekenamlulume. Aning atonun, anggun nin yapu koprop, anggun deipsik kilapu akunum wisi dalyopura, elce nyaplye yupu moubuka kekepmunce, el amu tam nimalye awinibuka unamlulume. Anggunce anggun nin yapu ati, ‘Sikda pia teleb kilapu,’ tenebuka kinamlume. Deiyok ara, anggun nin yapu kumopura, anggun kum ulamtuma ati nyapsine.

Yeremia 35:8

Ura na nio, nun apu koproba Rekhab birye deiamuknye, Yonadab birye, ayupu nyabuka sekuka ati, elce nyapdeiamsuk touk, nun ayala nang nirya arye, aninguk tuba talibuka wininyabe. Ati, nun ap, nunce donyap kilapu ap, nunce delinyap mapu ap, kilmapu ap nirya babye, anggur mek pia kum dinyabe.

Rut 3:6

Ayupu akunum sirya nyabukopura, Rut adiparyuk, gandum wa wiamikak sekuka, gandum kwekenmekce, kala kokon pil donmekak biyuk. Biyukopura, el yamal kil nyapdeipmok touk, aning nirya winibuk.