Amsal 1:6 - Eipomek

⁶ Anyapnusin yupu nirya ara, pia weik arye kel bikmunyopura, domon yupu ikin weik ning ap, winipmanto yupu ap, deiyok ning aupmatu babye, moubuka kel bikinamlume. Tonda, pia weik kel bikamik nang arye, domon yupu nyanyak yupu ap, duknubuka nyanyak yupu ap ara, ‘E, ayupu deiyok ara, ani’ tenen, pia weik arye kel bikinamlume.

Amsal 1:6 Referans Kwoze

Mazmur 78:2

Narye, winipmanto yupu atonun bukni, el si ara amsal deice, ayupu nyapnusine. Narye nyapnusin yupu ara, minop talak arye nyalamnikba, kekelamsa ati, minop kanam asa aryuk, kum kekeplume. Moubuka kekepmunyopura, ‘E, deiyok ara ani,’ tenen, biknamlume.

Markus 4:11

Asipdeyikbuk, Yesus arye anang ati, winipmanto yupu nyabuk ning nong ara, lake nyabuk. Yesus arye nyabuk. “Allah arye ninye nirya talibuka unamle ning ara, minop talak kum laka nyalamuk bukni, wini talak ara, anggunda na yupu kekebuka talilulum nang ululuma anya arye, ayupu kel kina deiyok ning akunum arepsine. Allah yupu laka nyalamuknye, nabi Yesaya nyabuk touk ani.

Ibrani 5:14

Bukni, Allah yupu pia nong noutamak, tup ning atonun ning ara, talima akunum wisibuk ninye arye, kekebuka doproptinge. Aninye ara, atalak nirya, pia moubuka tenekirye, diksukum unyaka deice arye, ‘Aning malye, aning teleb’ tenen, dipkoprop teleb kibuka wibikirye, kel bikinyake.

Mazmur 49:4

Narye nyapnusin yupu ara, kel weik bikina deice arye nyapnusine. Ara, na kanye pum noutam arye, moubuka tenipse ning ara, nyapsiniba, kekepmunyopura, anggun babye, kel weik nang unamlume.

Markus 4:34

Ninye nirya ati ara, Yesus arye peterelamuk talak nirya ara, domona yupu deice ton peterelamuk bukni, elce wipdeibuk mapu 12 nang ap, sik yuk ulamik talak ara, peterelamuk ning nirya, lak deice arye laka nyabuka nong noutamak ning babye, peterelamuk.

Penghotbah 12:11

Weik kel kina deiyok ning, kel bikamikce nang arye, nyanyak yupu ara, pia telebuk ulule. Winipmanto ara, domba basam weina deiyok nang arye, pia tace kama bobikirye, sik domba basam ati, ‘Teleb bisikuk binuyak’ tenen, mitik ton yakuka tonokak kipnin bakibuk, teleb bisik balamak touk, sikce nyasinyak yupu babye, teleb kibuka delisinyake. Ara, sik nyasinyak yupu deice arye, ‘Dipkoprop bisik ani,’ tenen, kel kinyabe. Winipmanto ara, kat yo deice, pakudakuka deiamikba, tace belyamlya arye, yakakibuk, uk diplyopura, tenepmalye bisik balamle touk, sik weik kel nang arye, nyasinyak yupu uk kekebibirye, teleb bisikuk banyabe. Anya arye, anyasinyak yupu nirya ara, Allah elce nyalisilye touk, nyabuka peteresinyake. Ati, anye bira nun nirya ati, teleb bisik peterena deiyoknye ati ara, nun domba basam weina deiyoknye atonun usilirye, nunti, teleb yupu nyalisulule.

Bilangan 12:8

Winilula ati ara, Musa ap, na ap nun neika epdanimirye, yupu sisikinyame. El ti ara, narye yupu laka nyalinune. Musa biti, domona yupu ning ton kum nyalinune. Tonda, yuk nang nirya kum bukni, na yupu tanmanye talak ara, Musa el uk ara, na nong urasin kum dilinulul bukni, kanye dem ara, elinulule. Aning nirya ati ara, anggunce Musa elti, malye yupu nyapmarum ning ara, yata ati ilil kum upmasil do? Yata deiyok ati, el deice malye yupu nyarumunya arye yanirurum do? Musa ara, na pil dolulnye ulula atia, nyabuka, Allah el si Yahweh arye, Harun ap, Miryam ap ati wenebuk.

2 Peterus 3:16

Paulus arye Yesus tamubuka yalibuk, winipnamle ning yupu ati, weik kel kiyamukce sekeipsuk touk, el yuk surat sekeiyamsuk ning noutam babye, ayupu ati weik kel kiyamukce sekeiyamsuke. Ura, nun kele, asurat sekeipsuk ning noutamak ara, ninye ikine aryuk moubuka tenepting yupu ulule. Allah dipkoprop kum kel kibuka unyakce, kanye talima bokoltonauk unyak ninye ara, aikin yupu dobuka tamubikirye, tilila yupu ap, tabakdobikirye, tilila yupu uk laka nyabuka peterenyake. Wininyaka atonun, Allah el yupu yuk ning babye, tamubikirye, tilila yupu nyabuka peterenyake. Winibikcopura, Allah arye aninye nirya wenebuka oplopnamle.

Amsal 24:23

Aning atonun, weik kel bikna deiyok ning, akunum moubuka kel bikamik nang arye, nyalamkik yupu ton ani. Ninye yupu lipsisikuka bokolina talak ara, sik malye winipmace nang ati, ‘E, anye bira, malye upmal bukni, na kwit koprop ulula anya arye, kum wenepnamne,’ tenena kume. Aning atonun, ‘E, anye bira, na ka koprop pia kum ululnye anya arye, elce malye upmal ning ati, weik ikin ning deibuka wenepnamne,’ tenena kume.

Daniel 8:23

Adumbarye nang arye, ninye deiyok kibuka, Yunani mutuku taleamikca ani, sik talinamak mutuku noutam unamak nang ara, pia malye winin ning weik, talibuka winipnin banamake. Bukni, aminyan malye winin ning, sirya danamle talak dam uplyopura, yuknye ton tiknamle. Ara, adumbarye mutuku noutam, tonok mutuku talibuka unamlanye, elda pia weik mandipna ap, yu weik ululnye birye, ninye deiyok kiplirye tiknamle. Elda, tilila yupu nyana kel weiknye unamla ati, tilila yupu weik nyanamle.