Amsal 1:15 - Eipomek

¹⁵ Se, na ni mio, malye un nang arye nyabuka yukunamkiyak bukni, anda sik anang ap melibuka bana pia meme. Sik malye nang arye banamak bisik ara, neika kum banamlulume. Anda tonok yan aniryuk kum banamlyame. Sik anang arye nyabikce yupu kekepmince, sik ap melibuka dobolbana pia meme.

Amsal 1:15 Referans Kwoze

Mazmur 119:101

Nara, malye winin ning, ayala-yala nirya, ‘Mangkau kanye bobuka, malye winipnun’ tenen, amalye winin ning damak arye, kwarabuka leipropnirye, an nyaplum yupu uk, dukdongobuka wininune. Ara, ‘Allah ance nyapdeiamsulum yupu, moubuka kekenamne’ tenen, unune.

Mazmur 1:1

Malye winilamice ninye arye, sik nyabice yupu ap, malye wininyak ning ap, kekebuka kum wininyak ninye ara, Allah arye melilamliba, telebuk unamake. Tonda malye winin ning talibuka wininyak ninye arye malye weik winilamak touk, kum wininyakce, telebuk wininyak ninye ara, Allah arye melipliba, telebuk wininamake. Ati ara, Allah ati, dib tenenyak ninye ara, Allah ati like tenebuka, nalibuka akutunyak ninye ap, neika kum unamake.

Amsal 4:27

Aning ati ara, yu kibuka malye unyak ninye ara, sik kanye arye, ‘Nara diksukum bisikuk binun do? Kwalin bisik binun do?’ tenelalamak touk, pia kum wininamlyame. Tonda, an yan deice arye yanibuka, ‘Amalye ning dam binune,’ pia kum tenenamlyame. Teleb un bisik eibuka, akunum kel kipminyopura, ‘Kwanim bisik binun do, sirik bisik binun do?’ pia kum tenenamlyame. Bukni, an amalye ning winina kumopura, an adiparyuk, pia teleb diksukum ubuka, kam uk unamlame.

2 Korintus 6:17

Allah arye nyabuk. “Aning ati ara, talye ninye, dib kum tenenyak ninye kan-kan una batakuka, yukak kilonamlulume. Amalye wininyak nang ap, anggun ap neika ansinibuka una pia malye weik ati, anggun yuk-yuk unamlume. Na Allah arye nyapsine. Narye anggunti, ‘Aning ara, malye ning anya arye, talina meme,’ nyapdeiamsise ning, tonok ning babye kum talibuka winimunyopura, nara anggun dam yanuka dopdopsinirye neika unamabe. (Yesaya 52:11; Yehezkiel 20:34, 41)

Amsal 13:20

Kel pia weik biklirye, moubuka tenelulnye dam melibuka balamlanye bira, el babye pia weik kel bikna deiyok ning, kel kiplirye, telebuk unamle. Aning atonun, moubuka tenena kumce, walwal kanye uk bobuka, ululnye ap melibuka balulnye bira, el babye tuba walwal uk ulirye, el dam ara, ikin ning weik yanganamle.

Amsal 5:8

Sal arye talye-talye yolamak kilapu, sik dam arye leibuka, pia yuk sukumuk unamlulume. Tonda, el akil aik dam ara, pia kum unamlulume. Memepdakuka, pera sukumuk unamlulume.

Yeremia 14:10

Nyabukce, ayupu ton dukdongobuka nyabuk. Allah el si Yahweh arye nyapmasile. Anggun amutuku ululum Israel ninye ara, na dam arye batakuka, yukak tuba-tuba balulume. ‘Malye una ati, yukak bipyak’ tenen, anggun babye anggun bidamang ati, kel bikuka kum kalikildalulume. Talye luba kibuka, malyeuk winiluluma anya arye, anggunti, kanye kum deilisunune. Anggun malye winiluluma ati, lik unulula anya arye, na dam ton kum yanamlume. Ati ara, narye anggun malye winilulum ning nirya ara, namin kibuka kum batakdongopnamsine. Tuba tenenuna arye, anggun malye winimunye ning ati, wenebuka opnamsine. “Allah arye nyapdeipnuke,” Yeremia birye nyabuk.

Amsal 9:6

Ayupu ton nyalule. Na dam yamunce, pia weik kel bikna deiyok ning, akunum dopropmunyopura, aninguk moubuka talibuka upmunce, anggun walwal arye winilamlum ning nirya ara, adiparyuk bataknamlulume. Winibuka aning nirya batakmunyopura, pia weik kel bikna deiyok ninguk, talibuka umunce, teleb ubuka un ning nirya ara, kel kipra banamlulume. Aninguk talibuka umunce, pia teleb ubuka pia kam uk unamlume. Tonda pia diksukum un ninguk, kel bikmunyopura, abisikuk melibuka dobolbanamlume.

Amsal 1:14

Wininamaba ati ara, anda nun melipsiminba, an ap nun ap neika ubula don ning weika arye, doprakda nun aik delilbalamipaya ani, aminyan talak aning-aning nirya weik uplyopura, nun nirya arye, neiktoto uk aning bokuka dolanamabe,” nyabuka amalye un ning talibuka unyak nang arye, anti nyabuka yukunamkiyake.

Amsal 24:1

Tonda malye ulamlanye biti, ‘Se, el winilul ning ap, elce talilye ning ap ati, na babye talibuka uptinye’ tenen, kanye kum delinamlume. Aning atonun, ‘Anye ap neika utinimnye,’ kum tenenamlulume.

Amsal 3:31

Atonun, talima pum tam yu kanye bobuka, yu yupu nyanmalinye biti, ‘Se, el unmal touk, nun babye atonun unamabe’ tenen, tenena meme. Anggunce tonap tamubuka yu kilina kumce, batakuka namin kinamlulume. Tonda, aninye yu kanye bobuka unyak touk, anggun babye atonun, kum wininamlulume.

Yesaya 33:15

Na Allah arye nyasunune. Yata ninye do nirya, sikda teleb kibuka ubikirye, tilila yupu nyana kum diparyuk, dipkoprob yupu uk nyabuka, diksukumuk unamak ninye ara, amutuku noutamak unamtinge. Tonda, sikce, ‘Aning-aning nirya kum talinyakce, talye bona utotoa talina kum ninye ati, ‘Dauplye’ tenen, yaniltanyaka deice arye, nun dem aryuk amutuku ning nirya dobuka taleptibye,’ kum tenenyak ninye ara, amutuku noutamak unamtinge. Tonda, ninye yupu lipsisikuka bokolina talak ara, ‘Malye winipmakibuk, yo bok weik arepsitingba, aninye kum wenepnuyabe,’ kum tenenyak ninye ara, amutuku unamtinge. Tonda, yuk nang arye, ‘Ninye optibye,’ tenena ap, ‘Yuk malye ning winiptibye’ tenen, ning ap, yuk malye nang arye malye-malye wininyak ning ati, ‘Kum eipnuyabe,’ tenebikirye, sik bidamnye arye asing kulongonyak ninye ara, amutuku noutam unamtinge.