3 Yohanes 1:12 - Eipomek

¹² Yuk ning ton nyapnune. Yuk ninye nirya arye, nun kwit Demetrius ati, “Elda telebuk ulule,” nyabuka nyanyake. Tonda, Allah yupu nyasilye touk ululnye anya arye, Allah yupu deice arye ton, ‘Demetrius bira, telebuk ulule,’ tenenyabe. Atouk ton, nun babye, elti, “Telebuk winilule,” nyanyabe. Aning ara, talye kum nyanyabe. Tonda, anggun kele, nunce nyalamap yupu nirya ara, dipkopropuk nyanyabe.

3 Yohanes 1:12 Referans Kwoze

1 Timotius 3:7

Tonda, Allah dib tenena kum ninye arye, anang ati, “Sik malye winin ning ara, ani,” nyabuka, ‘Lulupdakcak’ tenen, yuk talye nang arye, “Anang ara, pia telebuk unyake,” nyanyak nanguk apil doptinge. Yuk-yuk unyak ninye wibuka deipminyopura, aminyan Isa Mutuku Dongonye arye, el wena pum bisik wekikibuk, yupnamle. Ara, sik malye ubikibuk, ‘Dauplye’ tenen, Allah yupu aik deiyok nang pil dopnin bakcebuk, aminyan yuk nang arye, sik anang babye, Allah dib tenen nang nirya babye ati, “Anang ara, malyeuka,” ‘Nyapsikcak’ tenen, na Paulus arye sekeibkine.

Yohanes 21:24

Ara, ayupu noutamak “Anye,” nyapdeipmasinanye bira, na Yohanes ati nyapsine. Anyapmasin ning nirya ara, na asing arye elilamse. Na aryuk sekuka deipsine. Nun nirya kele. Narye sekeipmasin yupu ara, Yesus arye nyalamuk yupu ap, winilamuk ning nirya ara, dipkoprop ulule.

Rasul 22:12

Winipnikura, unmasi bukni, tonoknye, el si ara, Ananias na dam yayuk. Ananias ara, Allah arye nyapdeibukura, Musa sekamuk yupu, mem yupu ara, elce diba tenebuka pia moubuka talibuka ulamuka anya arye, Damsyik mutuku Yahudi yala nang ulamik nang nirya arye Ananias ati, ‘Ara pia telebnye,’ tenelamikce, elti, kisal dolamik.

Rasul 10:22

Asipdeyukura, sik ayayik nang arye tamubuka nyabik. “Kume, Roma mutuku yin deiyok nang, 100 nang yupu bokolin deiyoknye, el si ara, Kornelius arye nyapdeipmasil ati yanmabe. Kornelius ara, Allah nyalilamuk yupu nirya pia talibuka ulule. Ati, Israel nang nirya arye elti, kibuka si erenyakce kanye deilinyake. Tonda, Allah el im deice pil donanye malaikat arye Kornelius ati nyabuk. ‘Peterus arye an aik yangana ati, moropminyeura, an aik yalirye, el nyapdeipnamkil yupu, anyuk moubuka kekepnamlyame,’ nyabuka, Kornelius ati nyapdeibukura, Kornelius birye ayupu kekebukce dopdeipmasilba, nun ayanmabe,” nyabik.

Yohanes 19:35

Sikce winibikura, aning nirya eibuknye birye, akunum lakak laka nyapsuke. Elce, “Anang arye winibike,” nyabuka, laka nyapsuk yupu ara, dipkopropuk ulule. Anye birye, dib yupu nyapsuka ara, ‘Sik nirya kekebikirye, dib tenepnamak’ tenen, nyapsuke.

1 Tesalonika 4:12

Anyapmasiyap touk, asum-asum nirya winipnumunyopura, yuk diba tenena kum nang eipsikirye, ‘Anang ara, teleb asa unyak nang,’ tenebuka kipdopsikirye, anggun nirya ati, kanye deilinamsiake. Tonda, anggun bidamnye taruk aniryuk, pil dopmunyopura, ‘Yuk nang aniryuk melipnamsiak,’ kum tenenamlume. Anggun bidamnang pil dopmunya deice arye, anggun patan ning dolonamlume.

Rasul 6:3

Ati, nun kayapu, anggun akunum bikilulum nang ara, anggun noutamak arye tekbarye nang wipdeipnulume. Ara, Allah El Dib Kanye wekuka langdibukura, funguk kibuka unyak nang, sik yupu nyanyak ning ap, sik pil donyak ning ap, teleb-teleb kibuka wininyak nanguk wipdeipnulume. Wibdeipmunyeura, ‘Youwak kilapu dina bokuka arin pil donamak’ tenen, sik deiyok nang keipdeipnamabe.

1 Samuel 12:4

Samuel birye nyabukba, Israel ninye nirya arye, tamubuka nyabik. “Kume na nio, ance ton, nun dam anyapmalam ning, pia ton kum winyamsulume. Ikin ning, nun nong deice, pia kum deiamsulume. Kunusa don yupu deice arye, nun ning ubula pia kum dololamsulume. Tonok ning babye, yuk nang talilamik ning, ance ubula kum dololamsulume. Aning nirya ara, pia kume,” nyabik.