2 Timotius 2:4 - Eipomek

⁴ Winira, winipmanto yupu nyapnukine. Talya-talya unyak ninye arye tenebuka, winilamak ning nirya ara, sik yin talin nang koprop arye, aning talibuka kum wininyake. Aning kum bukni, ‘Na weik deiyoknye birye kanye deipnamnil’ tenen, adeiyoknye birye nyalye yupu uk kekebuka pil donyake.

2 Timotius 2:4 Referans Kwoze

1 Tesalonika 2:4

Aning ara, kumde. Allah arye nunti, ‘Anang ara, pia diksukum unyak ninye anya arye, na yupu dobuka, peterepra binamake,’ tenelamsukce, wibuka deipsuke. Elce wibuka deipsukbuk unyaba deice arye, el yupu peterenyabe. Nunce, yuk ninye ati, ‘E anang arye nunti, teleb nang tenepsiting’ tenen, pil kum donyabe. Aning tenena kum bukni, ‘Allah arye nun kanye talima noutam winisilye ning ati winildesululnye, elcuk kanye deipsutue’ tenen, elti, tenebibirye, pil donyabe.

Lukas 8:14

Ton ninye ara, Allah yupu kekebuka dolonyak bukni, yala ning tirmangka weiyang-weiyanga kan-kan sakmok ning atonun wininyake. Allah yupu kekekirye, diba tenebuka dobolbanyak bukni, aminyan sik kanye kum wisilule. Yo duk kum moulamle touk, teleb ubuka kum wininyake. Ara, tukwak mutuku noutamak arye, ‘Aning arye teleb winiptinye do, aning arye teleb winiptinye do?’ tenen, tenelana deice arye batakanyake. Tonda, “Bona weik doproptinyeura, telebuk uptinye,” nyabuka, sikce talye nyaltakanyake. Tonda, aning-aning yala-yala weik teneplibuk, ‘Winiptinye, aning ton doproptinye,’ tenekca deice arye, Allah yupu batakanyake. Winikca ara, tirmangka weiyang-weiyanga arye papmok ning koupdongobukce, angkalung kipdongobukura, wen-wen anmok touk, aning-aning nirya pia tenelamaka deice arye, Allah yupu kekelamak ning ara, batakiceura, duk kum moulule. Ara, teleb ubuka kum kekekirye, Allah yupu pia kum dobolbanyake.

2 Peterus 2:20

Sikti lila yupu nyan nang ara, nun Deiyoknye Yesus Kristus, nun Lyenanye kel bikika deice arye, diba tenena kum ninye malye wininyak ning bataklamik bukni, ila tamubuka tonap aninguk talibuka, wininmacebuk, aning arye sik talima koupdongoplirye, bisibuka pia malye-malye wininyake. Ara, diba min kum teneabik talak ara, mitik malye winilamik bukni, wini talak ara pia weik malye-malye wininyake.

2 Timotius 4:10

Deiyok ara, na melipnuknye Demas ara, talye tukwak mutuku ulul ning nirya ati, ‘Aning ara ilil ulul. Na doproptinye’ tenen, kanye engelamuka ati, akunum bataknukce, Tesalonika mutuku biyuk. Kereskes ara, Galatia tam biyuk touk, Titus ara, Dalmatia mutuku akunum biyuk.

2 Korintus 5:9

Winibuka tenenyabe. Aning ati ara, ‘Nun ninye nong tuba ubirye, tukwak kam unyap talak do, aning batakuka, im deice mutuku unamap talak do, weik mambul tenenyap ning ara, Allah arye kanye deipsutue’ tenen, el tenesilye touk aninguk talibuka, diksukumuk wininamabe. Yuk ning ton patasiliba, kum wininyabe.

Galatia 5:1

Tapu kouamsuk ning noutamak arye, Kristus lyepsukce lopdeipsuke. Lyepsuka deiyok ara, ‘Musa sekamuk yupu mem yupu amu tam bukikirye, ayupu uk talibuka pia dobolbanamak’ tenen, kum lyepsuke. Aning kum bukni, ara, ‘Lyepnirye, mem pil dona kum arye, talye kanye bobuka diksukumuk unamak’ tenen, Kristus arye lyepsuke. Aning ati ara, yuk-yuk ning, mem yupu atonun ning tabakuka winina kum arye, dakeiyam asa mikip arye unamlulume. Yuk nang arye, “Aning-aning pil dopmunya deice aryuk, Allah el kanye deipnamsile,” nyasinyak yupu ara, kekena kume. Ara, ‘Tapu koubuka delilamaka atonun winisikirye, nun nong deice ikin ning tabakalinamsiyak’ tenen, moubuka kalikinamlulume. Ayupu atonun yupu ara kekebuka dobolbana meme.