2 Samuel 5:25 - Eipomek

²⁵ Aning-aning nirya ara, Allah arye Daud biti, ‘Winipnamlume,’ nyapmok touk, winibukce, Pilistin nang olbiyuk. Ara, Gibeon mutuku arye, deiyok koubuka, anyapce dipdongobuka, Geser mutuku dam, Pilistin ninye nirya obuka, sirya dakuke.

2 Samuel 5:25 Referans Kwoze

1 Tawarikh 14:16

Aning-aning nirya ara, Allah arye, el Daud biti, “Winipnamalyame,’ nyapdeipmok touk, Daud bira winibukce, sik Filistin nang nirya ati olbiyik. Olbiyikce, anang nirya ati, obuka malye kibik. Ara, Gibea mutuku arye bulubuka, anyapce dipdongobuka, Geser mutuku dam, Pilistin yala yin talen nang nirya ara, obuka sirya dakuk.

Yesaya 28:21

Aning ara talye ati kum nyapsine. Deiyok ara, ani. Minop talak Allah Yahweh arye Perazim mutuku dup ak, mikip weik arye pil melibuka dopsuka atonun, upnamsile. Tonda, Gibeon lu mutuku yanuka, elce, ‘Na tenen nang lyepdopnamneʼ tenyamukce, mambul weik pil dopsuka atonun, upnamle. Bukni, aminyan talak Allah arye mikip weik arye pil dopnamsil ning ara, pia yuke! Allah arye, ‘Wininamne,’ tenyamukce, mikip arye winipnamsil ning ara, nun ninye arye pia kum kel biktibye. Tonda Allah elce pil dopnamle ning ara, eibibirye, nunda malye nyabuka ngalukna uk unamabe. Nunce kum tenipmanto ning pil dopnamsila atia!

Yosua 16:10

Amutuku-amutuku ninye nirya obukce, tuku alabuka doprobik bukni, Efraim yala ninye arye, Kanaan mutuku ulamik nang, sik mutuku si Gezer nang ara, amutuku noutam ulamik nang, ton obuka kum yakdonokamik. Ati, minop talak arye diprongobuka, anoutam talak ap, akaren babye, sik Gezer mutuku ulamik nang ara, tuba aunyake. Efraim yala nang ap, sik neika dukdongobuka ulamik. Bukni, sik Efraim yala nang arye, Gezer yala nang ati, ‘Nun weik pil talye dopsululume,’ nyabuka aruklamikba, Gezer yala nang arye, ikin kanye bobuka, pil weik dobuka ulamik touk, wini babye tuba unyake.

Yosua 12:12

Eglon mutuku taleamuk ninye deiyoknye, Raja babye, tonoknye dem aryuk taleamuk. El ap, Geser mutuku ap ara, tonok ninye deiyoknye, Raja elcuk taleamuk. Aninye deiyok nang nirya ara, oltakana uk ulamik.

Yosua 21:21

Aninye sik duweit ati arebik mutuku noutam ara, Sikem asik ton bokuka arebik. Ura, Sikem mutuku ara, ninye mangkau arye, yuknye opman nang biknarye, teleb kibuka ulamik mutuku kintinip deiamik ning ton uamuk. Amutuku noutam ara, opman nang, el tam nang arye kwang dakalana ati, ninye mangkau arye opnanye, duknubuka un asik ton awamuk. Tonda, amutuku dam ara, sik sapi basam ap, domba basam ap, weina ati ara, tuku lo weik awamuk mutuku bokuka arebik. Amutuku tuku nirya ara, Gezer mutuku dam uamuk. Tonda, aning nirya ara, Efraim yala nang ulamik tam, iknapye mutuku dam uamuk.

Keluaran 12:28

Winibikopura, aminyan talak, sik Israel ninye biyikce, Allah el si Yahweh arye Musa ap, Harun ap ati, ‘Aning ara wininamlume’, nyapdeibukba, kekepdikce laka nyapdik touk, sik Israel ninye nirya babye, atonun winibik.

Yosua 10:33

Ura, Lakis mutuku tuba onmek talak ara, yuk mutuku nang, awininmek ning ati, Gezer mutuku taleamuka deiyoknye, Raja Harmon birye, el ap, el yin talin nang ap arye, ‘Lakhis mutuku nang melipnuyapʼ tenen, yanmek. Bukni, Yosua ap, el yin talin nang ap nirya arye, adeiyoknye ap, el yin talin nang ap nirya ara, oplobik. Tonoknye babye, ton kum batakik.

Yosua 18:24

Kefar mutuku ap, Hamomai mutuku ap, Ofni mutuku ap, tonda Geba mutuku bukamukba, amutuku noutam, asik dobuka ulamik. Amutuku nirya ara, dua belas mutuku (12) uamuk.

2 Samuel 8:1

Yata barye talak akunum ubukopura, ninye deiyoknye Raja Daud, elce Pilistin nang olbiyuk. Olbiyukce, sik anang nirya ara, akunum obukabukce, Pilistin nang ulamik mutuku nirya ara, eluk doprobuk.