2 Samuel 21:21 - Eipomek

²¹ Winyamuknye, elda Pilistinye ati, sik Israel yala nang nirya ati, malye kinmokak arye nyalamuk. Nyalamuk ati ara, Daud el weit koproba, el si ara Simea, elce deiamuknye Yonatan, elce Filistin mutuku weik nong ap, mikip weik ap, ulamuknye obuk.

2 Samuel 21:21 Referans Kwoze

1 Samuel 17:36

Ati ara, na an pil melinanye birye, bai ulamle kam do, weik yu kuse do, yuk yu ning do, naryuk aning nirya onune. Ati, anye Goliat bira, talye bai tam, yu ning oltakalamse atonun oploptinye. Elda, Pilistinye anya arye, sik den bam bol kum sekenyak nang ara, talye nang ati ara, elti, oploptinye. Deiyok ara, ani. Ara, elce aning-aning nirya, deice tam ulul Allah, Kam Una Deiyoknye ulirye, Israel sik yin talin nang nirya wiamukce, kalikuka melilule. Bukni, Goliat birye, Allah el ‘Naʼ tenen, ninye ati, malye yupu tanmalce, Israel yin talin nang ati, ‘Obuka, sirya daknamne’ tenen, yanmala ati ara, Allah melipnilaba, anye oploptinye.

1 Samuel 17:10

“Ati wini talak aniryuk, ‘Anggun Israel tamnye birye, nati kum obuka sirya daknutue,’ nyapsine. Israel ninye, anggun yin talin nang kan-kan arye, tonoknye wipdeipmunba, anye ap, opdanamaname,” Goliat birye nyabuk.

1 Samuel 16:9

Tonda atalakuk, Isai birye, el mi Syama biti, “Samuel dam yalyame,” nyapdeibukba yayuk. Bukni, Samuel birye, “Anye babye, Allah arye kum wipdeipmale,” nyabuk.

1 Tawarikh 27:32

Raja Daud, el li koproba, ap, tonda el kwit koproba arye deiamuknye, el si Yonatan bira, ninye deiyoknye Raja Daud biti, “Winina ara telebe, aning ara malye un ning ulule,” nyabuka, el yupu melina ati mal olana deiyoknye ulamuk. Yonatan bira, seken ning nirya ara, el pia kel weiknye ulamuk. Tonda, Teleb ning ara ani, malye ning ara aniʼ tenen, kel weik bikamuknye ulamuk. El ap, yuknye el si Yehiel ap, sik bitinye arye, Raja Daud elce deiamuk mapu nirya ati, “Teleb una ara ani,” nyabuka, kel bikina deiyok ning yuk-yuk ning nirya peterelamdik. Yehiel el li koprop ara, Hakmoni ulamuk.

1 Tawarikh 2:13

Isai bira, mapu tekbarye nang deiamuk. Sik si ara, ani. Min deiamuknye, el si ara Eliab, bitinye anye, el si ara, Aminadad, winilye anye el si ara, Simei, dumbarye anye el si ara, Netaniel, pamubarye anye el si ara, Radai, nakubnye el si ara, Osem, teknye el si ara, Daud deibuk. Ati, winibuka nang deiamuk.

2 Raja-Raja 19:13

Aning atonun, Hamat mutuku weik deiyoknye ap, Arpad mutuku weik deiyoknye ap, tonda weik asik si Sefarwaim mutuku weik deiyoknye ap, Hena mutuku weik deiyoknye ap, Iwa mutuku weik deiyoknye ap, sik nirya ara dan do? Raja-Raja nang nirya ara, nunce akunum oplobupu. Ati, an ton talye bataknamap do? Kume aning kum winipmanto. Asyur ninye deiyoknye birye, Raja Hizkia biti ayupu nyabuka surat sekeibukce, ninye dopdeibukba, lak nyalbiyik.

1 Samuel 17:3

Kintinibikopura, sik Pilistin nang ton, atam mutuku deice, Israel ninye ton, otam mutuku deice bulubuka lelebikce, yuk-yuk kibikce kintinibik. Tonda, amutuku noutamak ara, weik lo ton uamukce, lu pia weik uamuk.

2 Samuel 21:20

Aminyan talak ton, Israel nang arye, Kat mutuku noutam olalbana ton, deiyok koubuka biyik. Winibik talak ara, amutuku noutam nong weik cangnye ton, raksasa nyanyaknye, ayala nang arye deiamiknye ara, Kat mutuku ulamuk. Anye el taruk duk sirik tam babye, kwanim tam babye nirya ara, nakub barye uamuk. Atonun, anye el yan duk nirya babye, dana-dana tam nakub barye uamuknye ulamuk. El taruk duk ap, yan duk ap ara, nukuka 24 uamuk. Anye babye, sik minop talak ulamik nang, weik cang nong ap, mikip weik ap, ulamik nang, raksasa nyalamak nang arye, deiamikba, dadeipdanin yangalamik nang arye, anye ton deibikba, Kat mutuku ulamuk.

2 Samuel 21:22

Ninye deiyoknye, Raja Daud ap, el mapu yin talin nang nirya ap arye, sik nong weik cang ap, mikip weik ap ulamik nang, raksasa yala nang arye deiamik nang, dumbarye nang obik. Adumbarye obik nang nirya ara, sikda raksasa nyalamik nang ati, ayala nang danyapce deibikba, deipdanin yangalamika, Kat mutuku yanuka ulamik nang obik.

2 Samuel 13:3

Bukni, Amnon el kwit koproba, tonok weik kelnye ulamuka anya arye, dukunubuka malye ulamne ning ton, bikilinanye ulamuk. Anye, el si ara Yonadab, e li koproba, el si ara, Simea ulamuk. Simea bira, Daud el du ulamuk.