2 Samuel 18:6 - Eipomek

⁶ Kekebikopura, Daud el mapu, sik yin nang nirya ara, Israel nang olbana ati, biyik. Sik oldanmek mutuku si ara, Efraim mutuku bukni, yo noutamak bai tam olalbiyik.

2 Samuel 18:6 Referans Kwoze

Yosua 17:18

Anggunda, abukuk mutuku deice bukni, iknapye tam dopropmomce, weik tikuk yo webuka, cakukapmunce, asik dopmunyeura, amutuku dana-dana tam nirya ara, dopropnamlume. Ara, amutuku noutam ara, ninye una kum mutuku ara, tuba aulule. Amutuku noutam ara, anggunce binuka dopmunce, amutuku noutam nirya ara, anggun mutuku koproba, kipdopnamlulume. Tonda, Kanaan mutuku unyak ninye ara, anggunce obukapmunce, dopdopnamlume. Ara, sik Kanaan mutuku nang ara, mikip pia weik unyak nang ati, ninye mal olalbana ara, kereta perang pia kat ning besi arye deibuka, donyak ning talibuka unyak ninye unyakak babye, anggun Yusuf yala ninye arye, anang nirya ara, yakdonokmunce, sik mutuku alapdopnamlum,” Yosua birye, Yusuf yala nang ati nyabuk.

Yosua 17:15

Nyabuka morobikura, Yosua birye tamubuka, sik Yusuf yala nang ati nyabuk. “Anggunda, ninye pia weik ululuma ati, Efraim mutuku noutam ara, mutuku weik ubukbuk, anggun ninye weik ululuma ati, anggunce, ‘Nun unak ara, mitik kipsuke,’ teneplum ning ara, atalak arye anggun adiparyuk, Feris yala nang ap, Refaim yala nang ap, sik unyak mutuku binuka dipdeluma ara, sik mutuku noutam weik, yo kan-kan mutuku binuka, asik donak ati, olbinuka lokmunce, asik doplulume.”

2 Samuel 17:26

Absalom ap, Israel yala nang, el tam kipromik ninye nirya ap ara, Yordan mek koubuka wekelbiyikopura, Absalom ap, el neiktoto ulamik nang nirya ap, sik doltakne tenda aik ara, Gilead mutuku uk binuka dobik.

2 Samuel 18:7

Atalak ara, Daud el yin talin nang arye, Absalom el tam nang, Israel yala nang ati, pia weik obik. Dipkoprop atonok sum obikba dibik nang nirya ara, yupa weik, dua puluh ribu nang (20.000) obikba dibik.