Tonda winipmanto ara, bai tam ulul ning, weik bai kam atonun bukni, el nong pia weik ning, el si ara beruang. Aberuang kil, el deiamye mi wangapmaliba, pia yu arye enmalye talak arye, ninye eiplirye, adiparyuk si tobuka obuka diplirye, bulubuka tang-tang alamle touk, na Allah arye anggunti, yu arye wenebuka opnamsine. Tonda, winipmanto ning ton, bai tam ulamle yu kus atonun ning, el si ara singa kus arye, talye bai tam ulamle ning oplirye, kwilyakuka diplirye, sekuka bataklamle touk, na Allah arye, anggun Israel ninye ati, yu arye wenebuka opnamsine.
2 Samuel 17:8 - Eipomek8 Husai birye, ayupu tonap nyabuk. “Amio tuba moubuka kel biknulyame. An kele, an ni koprop ap, el tam yin talin nang ap nirya ara, olana ati mikip ap, yu ap weik yin talin nang unyake. Sik nirya talima pia uk diliba, yua kil basam el mi obikiba, pia yu weik kilamle touk, unyake. Tonda, an ni koproba ara, yin talinanye weik kel bikamuknye ulule. Ninye olan ning nirya, weik arye kel bikamuk. Ati ara, el ap el amu tam unyak yin talin nang ap, neika kum mapnamale. El biyuk mapnamale.” Gade chapit la |
2 Samuel 17:8
20 Referans Kwoze
Nyabukopura, el pil donanye kekebukce, nyabuk. “Isai Betlehem mutuku ululnye, el sal mi ton ulule. Ami ara, na akunum eibuka, kel bikse. Ami ara, bilkong ona, el si ara kecapi (gitar atonun ning) talina ara, pia kel mi ulule. Tonda, elda mikip pia weiknye ulule. El ilil pia kum ululnye. Tonda, el yupu nyalula babye ara, teleb yupu uk nyalule. El urasin ara, urasin telebnye ulule. Tonda, Allah el si Yahweh arye, anye biti weika arye melilulce, el ap neika ulule,” nyabuk.
Kam ning bitinye ning, amek kwen pum tam panabuka laka kibukba, eipse ning ara, el nong urasin ara, weik yua basam atonun bukni, el urasin ara, bai kam atonun ubuk. Aning ara, el si beruang nyalamak touk ubuka ati, el potong ara, cang ubukba eipse. Eipse ning ara, el yan duk deice aniryuk, yanibuka tikmok. Tikmok talak ara, el si bam bol dam yace yok winilye, si arekdongobuka, bopmukak eipse. Ninye yupu atonun ton aning ati, yupu nyabukba, kekepse ning ara, ani. ‘An tikmince, teneplum touk, tup ning weika arye dinmalyame,’ nyanmokba kekepse.”
Teleb ning ara, bai tam noutamak, yu pia weik ulamle kam, el si beruang, kil beruang arye el mi tunim apliba, ‘Aning deiyok ati tunim apmale,’ teneplirye, pia yu weik upliba, anang ati olyanamale. Aning ara ikin bukni, weik ikin usilye ning ara nyapnusine. Bura tam beruang kil arye, ‘Ninye opnun’ tenen, olyangalamle touk, malye ubuka ulinye, malye upliba eipmunyopura, elti, “Amio, anda dipkoprob malye upmalame. Aning ara bataklyame,” nyabuka wenepmunyopura, anye birye anggunti, yu weik upliba, opnamsile. Aning ara, weik ikin upnamsile.
Ninye ton malye winin ninguk talibuka ulamlanye biti, ‘Nun ninye deiyoknye upnamsil’ tenen, wibuka erepdeibikiba, elce amutuku ninye nirya taliplyopura, aning ara pia malye weik ulule. Ayupu ara talye ati kum nyapne. Winipmanto ara, bai tam ulamle yu singa kus do, bai tam ulamlarye ninye olamle ning, kam ning el si beruang do, ninye ati talye lukparabuka obikirye dinyake. Aning atonun, sik malye ninguk talibuka unyak nang arye, ninye deiyok nang bikikirye, talibuka ubicopura, sik amu tam bona utotoa talina kum ninye ara, pia ikin weik ning dobuka, sik nong deice delinyake. Ati, bai tam kam ulamlirye ninye olamle ning arye, ninye malye unyak nang arye, deiyok nang ubikirye, sik amu tam unyak ninye deice, ikin ning delinyaka ara neiktoto uka. Abitinye ning ara, kanye imun usulule.
Nalinmek bukni, Elisa tamubukabukce, amapu dipdeyukce, amapu ati, ‘Yata deiyok ati nalinmaniyak do? Allah arye, anang wenebuka opnamle,’ tenebukce, Allah el si Yahweh, el si deice arye, malye yupu nyabuka ngalukuk. Winibuka ati ara, adiparyuk buru tam weik yu ning, el si ara beruang basam bitinye, yo noutamak tam arye, kutukuka yarikce, amapu empat puluh nang nirya yanuka obukaprikce sirya dakmanto kiprikopura, amapu 42 dipmanto unmek.
Aning atonun, sik yin nang ilil tenena pia kum nang, sik si ati ara, “Kong ara, tiga puluh deiyok-deiyok nang” nyalamik. Ura, Yoab el weit koprop, el si Zeruya, elce deiamuknye, Abisai bira, akong tiga puluh deiyok nang ara, elce deiyok kipdobukce, sik deiyoknye ulamuk. Winibukopura, minop talak arye Abisai bira, sik mal olan nang, ninye yupa pia weik, tiga ratus nang (300) ton omuk. Aning winyamuka ati ara, Abisai el si ati, amutuku ulamik nang nirya arye, akunum bikamik.
Nyabukopura, sik weik deiyok nang, yupa 30 deiyok nang kan-kan arye, sik mikip weik nang, sik winilye nang ara, sik deiyoknye Raja Daud birye, nyanmok yupu nirya ara, kekebikcuk, yupu kum tabik. Bukni, atalak aryuk, awinilye nang arye, sik Pilistin yin talin nang, bisik kikin kalikna ati, unmek tam arye, leibuka biyik. Sik winilye nang arye biyikopura, nyanmok tuku lukne dam arye, mek kwebuka tamubuka, Daud dam boyayik. Amek akunum kwebuka boyayik bukni, Raja Daud birye, ‘Kume amek kum dipnune,’ tenebuk. Utenebuk ati ara, Raja Daud birye, ‘Amek ara, na ni koprop Allah Yahweh, el si erebuka kinyak nang ati, arepnune,’ tenebukce, Allah el si erena ati, amek tuku deice diklobuk.
Wekelbiyikopura, Raja Daud atekmokbuk, el pil melin nang ap, el yin talin nang ap arye, bisibuka banmek. Daud el yin talin nang, el damak banmek bukni, elce, ‘Sikda teleb unmak do, kum do?’ tenen, dildepnin banmokba, banmek. Akunum bisibuka banmekba, tonda yuk yala nang ton, sik aminyan tam banmek. Ara, sik Kereti yala nang ap, Peleti yala nang ap, Gata yala nang ap banmek. Sik Gata nang ara, sik yupa ara, enam ratus nang banmek. Anang ara, minop talak Gata mutuku arye, Daud ap yangalamik.
Ati ara, Daud el duknubuka, ulul keil deia nirya ara, anggunce moubuka dipdemunce, bikmunyopura, anggun adiparyuk tamubuka, na dam nyalyanamnulume. Yanuka, nyapnumunyopura, anggun melipsiniba, na ap neika binamabe. Winipmanto, Daud el Yehuda mutuku noutam, tuba unmalyopura, amutuku ninye pia weik ulamtinga babye, amutuku noutam ara, Daud el ululak moubuka, elbinamne.” Saul birye nyabuk.
Nyabukba, sik Dan yala nang arye tamubuka nyabik yupu ara ani. “Anda kanye moubuka tenipnalyame. Pia teleb ning ara, anda yupu tanabataknulyame. Ato yupu nyapminyeura, sik yu nang nun kan-kan unyak nang kekepkikcopura, an dobuka weik tonun wenepkikirye, opnamkiake. Winipsikceba, an ap, an aik ninye ap ara, dipnamlume yabik.
Dipkoprop elda, wini talak keil deiya pum bisik do, yuk bai tam do, dabinuka duknupmale. El ap el yin talin nang ap arye, an tam nang minopce olyasikirye, opsiceba, yuk nang arye kekebikcopura, ninye kekena ak, binuka nyabikiba, yuk nang ton kekenamake. Nyapnamake. ‘Se, Raja Daud birye, Absalom tam nang ati, yata wiribuka nang akunum opmak do? Kum nukmanto ati, weik arye akunum opmakce, sirya dakmake,’ nyanamake.
Ara, amot deice arye, amot deice arye nyapnamlume. Se winipmanto ara, anggun Israel nango, anggun capu kil, elda, pia teleb ulamuk. Yuk kilapu nirya ara, mitik teleb bukni, anggun capu kil ara, pia teleb kil ulamuk. Winipmanto ara, bai kam ulamle yu pus, el si singa kus, el mapu teleb kibuka kaleklamle touk, ulamuk. Tonda, asinga kus kil ara, yuk singa kus weike mapmana noutam malamuk. Tonda, elce deiamuk mitik mapu singa kus ara, pia mitik bukni, yuk singa atonun mapu unmana kan-kan noutam arye, el mapu kaleklamukba, teleb kibuka nelamikce, nong weik ubik.
Piblisite