2 Samuel 17:24 - Eipomek

²⁴ Atalak ara, Daud banmoka ani, mutuku si Mahanaim mutuku dam biyukopura, Absalom ap, Israel yala nang, el tam kipromik ninye nirya ap ara, Yordan mek koubuka wekelbiyik.

2 Samuel 17:24 Referans Kwoze

2 Samuel 2:8

Saul el yin talen nang, sik deiyoknye Nar, elce deiamuk mi ara, Abnar ulamuk. El anye birye, Saul el mi Isboset doprobukce, sik neika panabuka birikce, Yordan mek koubuka, otam Mahanaim mutuku binamrik.

Kejadian 32:2

Epdayikura, Yakub eibukce, “Se, amutuku ara, Allah el tia ulyak atia,” nyabukce, amutuku si ati, Mahanaim mutuku nyabuka sisibuk.

Yosua 13:26

Aning atouk, Hesyebon mutuku arye dipdongobuka, otam Ramat-Mizpa mutuku ap, Betonim mutuku ap, atouk Manahanaim mutuku tam arye, dipdongobuka, Lodebar mutuku wililamik sukum ap, amutuku noutam nirya ara, Musa birye, bokuka arebukba, sik Kat yala nang arye doprobikce, sik mutuku dem kipdobik.

Kejadian 32:10

Na nie, nara mambul kum, malye ninguk wininuna anya arye, ance bico tenyamnulumce, weika arye meliamnulum ning ap, tonda ance, ‘Winipnamkine,’ nyapdeipnulum touk, batakna kum, pia tuba pil melibuka dolamnulum ning ara, kum doproptinye bukni, urdemuk arenilyame. Minop talak amek koubuka, otam mutuku binamse talak ara, na kamauk taleamse bukni, wini talak ara, aning-aning weik upmanilba, bokuka yupa bitinye kipdeipmane.

Kidung Agung 6:13

Yerusalem wel kilapu arye nyabik ning ara ani. “Se, anda Sulam mutuku nang arye deiamkik wel kilo! Nun mutuku noutam tamubuka yatumba, eipkitibye! Ara, talye ati kum bukni, ‘Ara, nun nirya arye, Sulam mutuku kil, anda urasin pia teleb kil ara, tonap eipkitibyeʼ tenen, moropnukiabe! Ati, nun mutuku tamubuka yalyame, nun ka kilo!” nyabik. “Kume, anggun Yerusalem mutuku ululum wel kilapu arye, nara Sulam mutuku nang arye deipnik kil, yata ati nati eiptibye tenepnulum do? Winipmanto ara, anggunce nati tenepmanulum ning ara, ‘El Sulam mutuku wel kil ara, ninye olan talak ara, ton yin nang otam, ton yin nang atam tikuka dinmakiba, anoutam ara, tonok urasin teleb kil, mot nyapturye septuba, ‘Kanye deiptingʼ tenen, delinyak kil, ‘Aning atonun kil ulula ati, nunce tonap akil dinamabe,’ tenepnulumce, ayupu nyabuka moropmanulum do?” nyabuk.