2 Samuel 14:10 - Eipomek

¹⁰ Akil arye nyabukba, ninye deiyoknye Raja arye, akil ati tamubuka nyabuk. Yatanye birye do, an dam ton ap malye yupu yanuka nyapkilirye, ikin deipkilye ning ara, na dam bobuka yanulyame. Winipminyeura, dipkoprob elce, tonap tamubuka, anti kum boyanganamle. Na aryuk anti, kalikinamkine,” nyabuk.

2 Samuel 14:10 Referans Kwoze

2 Samuel 14:9

Nyabukura, aTekoa mutuku kil, elce tamubuka, Raja biti nyabuk. “Yo ura, na deiyoknye, anda ninye deiyoknye, ance winipnalam ning ara, na ap, na tam nang ap, na ni el tam nang ap, ance winipnamlame ati ara, ikin ning awaplyopura, nuncuk dopropnamabe. Ara, na deiyoknye Raja, an ap, an tam nang ap, anggunda ikin kum dopropnamlume. ‘Winipnamle,’ tenena ati, Allah morokunune,” nyabuk.

2 Samuel 14:11

Raja arye nyabukba, akil arye tamubuka, Raja ati nyabuk. “Na deiyoknye Raja ance, an ni koprop, Allah Yahweh ati, tuba tenepminyeura, na mi arye, el ka koprop obuk ning ati, ‘Anye el ining bikyuk ning ara, kwang daknamab,’ tenenyak nang arye, ‘Na mi tonok kam ulul mi obicak,’ tenen ati, moropkine nyabuk.” Nyabukba, Raja Daud birye, tamubuka akil ati, “Allah dipkoprob kam ulamle touk, na babye dipkoprop, yupu nyapkine. An mi el dam ara, ikin ning tonok babye, ton kum deipnamake. Telebuk unamle,” nyabuk.

2 Samuel 16:4

Ziba birye nyabukopura, Daud birye tamubuka, Ziba biti nyabuk. “Ati ara, wini talak aning nirya, Mefiboset el taleamuk ning nirya ara, arepkina anya arye, an ninguk unamkile,” nyabuk. Nyabukba, Ziba birye tamubuka, “Se na nio, an si erepkine,” nyabuka, Daud el si erena ati, Ziba el kisok kanupdongobukce, tukwak dinmok. “Na patapnil ning ara, ance nati, ‘Telebe,’ tenebuka, nati kanye deipnutume. Winipminba, an amu tamuk kipkinirye, antibuk pil donamkine. Anda na deiyoknye Raja ulyame,” Ziba birye Daud biti nyabuk.