2 Samuel 10:17 - Eipomek

¹⁷ Atalak babye, ninye ton aning eibikce, laka nyalbiyikba, ninye deiyoknye Raja Daud birye, ayupu akunum kekebuk. Kekebuk ning ara, el yin talin nang, Israel mutuku noutam ulamik nang nirya ati, “Wini talak bulupnulume,” nyabuka deibukba, sik adiparyuk, el dam yayikce, sik nirya Yordan mek koubuka, otam banmika ani, Helam mutuku biyik. Abiyik mutuku ara, sik Siria mutuku yin nang babye, amutuku bulubuka yayikopura, ‘Raja Daud, el yin nang ap opdanamapʼ tenen, sik kintinibuka tikmikce, sik nirya anang ap, Daud tam nang ap arye, olana uk unmek.

2 Samuel 10:17 Referans Kwoze

1 Tawarikh 19:17

Efrat mutuku, eitam ulamik nang ap, sik Siria tam nang ap, tuba ton ap bulubuka kintinibik talak ara, ninye deiyoknye Raja Daud birye ayupu kekebuk. Ayupu akunum kekebukopura, Raja Daud adiparyuk el yin talen nang Israel mutuku noutam ulamik nang nirya ara, bulupdeibukba, sik adiparyuk Yordan mek koubuka otam, keting palanyangan tam olbiyik. Abiyik mutuku ara, sik Siria mutuku yin nang babye, ‘Raja Daud ap, el yin nang ap, opdanamapʼ tenen, sik lelebuka tikmekce, kintininmek.

2 Samuel 10:16

Tonda ninye deiyoknye, Raja Hadadezer arye, ninye ton wibuka deibukce, “Siria mutuku bukni, keting yangan tam, weik balamuk mek, Efrat mek tam oulamik nang ati, “Anggunda, na dam yanamlulume, nyabuka morolbinamlulume,” nyabuka, yupu deibuk. Nyabukura, ayupu laka nyalbana nang kekebikce, laka nyalbiyikba, otam nang arye kekebik. Kekebikopura, Raja Hadadezer, el yin talin nang, sik weik deiyoknye, el si Sobakh, ara Zoba mutuku ulamuknye, elce deiyok koubukba, sik otam yin talin nang nirya, Helam mutuku yayik.

2 Samuel 10:18

Olanmika ani, Daud el tam yin nang arye, mikip weika arye, sik Siriya tam nang ati obikopura, sik Siriya yala nang ap, sik yin talin nang ap arye, ‘Se, obuka sirya daknusiakʼ tenen, ilil ubukba, bai sakuka, yukak bikbik abuka, bindobik. Daud el yin nang arye, sik Siriya tam nang dobolbiyikce, binuka obisibikce, Daud ap, el yin nang ap, sikce Siria mutuku yin talin nang weika arye obik. Ara, sik yin nang bukni, kuda basam dobuka, tapu kirikdongobuka lipdopneba, tuku deice ban ning, el si Kereta perang, aning deice tikuka, mal olalaban nang ara, tujuh ratus (700) nang obik. Tonda, sik kuda balye deice bukuka, ban yin nang ton empat puluh ribu (40.000) nang obik. Aonmika aryuk, sik yin talin weik deiyoknye, el si Sobakh babye, mal arye yaribuka obikba, olanmika aryuk dibuk.