2 Peterus 3:6 - Eipomek

⁶ Tonda, aning atonun aminyan ara, Allah arye nyapdeibukura, mok weik arye pia celamukbuk, mekwen weik arye deibuka deice arye, minop talak ulamuk ning nirya ap, ulamik ninye nirya ap ara, mekwen arye dibukura, kum dayuk.

2 Peterus 3:6 Referans Kwoze

2 Peterus 2:5

Tonda, minop talak ulamik ninye, pia malye-malye ubuka ulamikbuk, Allah arye nyapdeibukura, weik mok pia celamukbuk, amutuku-amutuku nirya ara, weik mekwen welebukce dibuk. Dibukura, sik malye-malye ulamik ninye nirya dibik bukni, Allah arye pin barye ninyeuk lyebuk. Elce lyebuk ninye kan-kan arye, tonok telebnye diksukum un ning peterelamuknye, Nuh ulamuk.

Lukas 17:27

Ara, Nuh ulamuk talak weik mekwen min kum deiamuk talak ara, sik aninye nirya arye, mek dina ap, din ning yala nirya dina ap, kil talye dolana ap, anirya winipnin balamika ani, Nuh weik mek bukna yo pum wekdopnuyuk sum babye, tuba wininmek. ‘Mekwen dipsilyak,’ tenena kumce, talye kanye bobuka winipra balamik. Winipra balamikura, weik mok celamuk akarye, mekwen deibuka weik obuk akarye, aulamik ninye nirya dibuk. (Sik talye mangkau kanye bobuka ulamikbuk, mekwen deibuka dibuk atonun, na Ninye Mi Koprop Atonunye yanamne talak ara, atonun talye mangkau kanye bobuka ‘Yesus tamubuka kum yanamle’ tenen, unamake.)

Ayub 12:15

Aning atonun, Allah arye, ‘Wini talak ara, tukwak mutuku nirya ara, mok pia kum cenamle,’ teneplirye, kum dopkweteptopura, tuku nirya ara, sisal septurye, amutuku nirya ara, kata uk uptue. Tonda, Allah elce, ‘Mok pia weik tonun cenamle,’ teneplirye, mok weik dopkweteplyopura, mek weik tonun deiplirye, weik tonun oplyopura, tuku deice wamlye ning nirya, dalubuka bobalule.

Kejadian 9:15

Eipnyopura, narye anggun tukwak mutuku ululum ninye ap, kam ulye ning ayala-ayala nirya ap ati, “Tuba tonap weik mekwen deiplirye, tuku tam kam ulye ning pia kum dipnamsile,” nyabuka, nyalin yupu nyapmasina ara, pia tenenamne. Kum luba kipnamne.