2 Korintus 2:2 - Eipomek

² Ara, narye anggunti wenepsiniba, anggun malye kanye bobuka, ‘Se’ tenen, engepmunyopura, yata mutuku ninye ton, teleb uptingba, na kanye deiptinye do? Yuk nang ton kum ati, ‘Na wenepsiniba engenmace nang arye, na kanye delina ati, kum winipdeibniting’ tenen, ‘Sik wenena ati, sik dam min kum binamne,’ tenepsa ati nyapsine.

2 Korintus 2:2 Referans Kwoze

2 Korintus 7:8

Ara, yuk yupu ton nyapnune. Narye anggunti, wenena surat minop ning sekeipsise. Asurat eipluma deice arye, malye kanye bobuka engeplum ning ati, ‘Se, aning ara, kum winiptinye’ tenen, malye kanye bopsi bukni, wini talak ara, aning tuba kum tenenune. Winira na kel bikse. Na surat deice arye, tia talakuk malye kanye bobuka engeplum bukni, aminyan ara, ila tuba tamubuka ton teleb ning winiluluma anya arye, wini talak ara, na kanye deipne.

2 Korintus 1:14

Ara, minop ara anggunce nunti, mitik kel bikamsulum touk, aminyan talak ara, weik arye kel biksumunce, bikamsulumce, nirya moubuka tenepsumunyopura, anggunce nunti, kanye deibuka, “Anggunda pia telebe,” nyabuka kanye deipnamsulume. Aning atonun, nun Deiyoknye Yesus arye, tukwak mutuku tamubuka yanamle talak ara, nunce anggunti, “Anang ara pia telebe,” nyabuka, kanye deipnamsiyabe.

1 Korintus 12:26

Winibuka kwepdeipsuka anya arye, nun nong noutamak kwepdeipsuk ning tonok ning ton, uk disilyebuk do, opsilyebuk do, winipsilyopura, nun nong nirya, uk disilyeba unyabe. Aning atonun, nun nong noutamak bukni, yuk tam ning ati, “Se, aning ara, urasin pia telebe,” nyapsikcopura, nun nong nirya ati, kanye deibuka unyabe.

Roma 12:15

Sik kanye deibuka pin-pin asa arye unyak ninye ati ara, anggun ap neika kanye deibukap unamlulume. Sik imun kanye dobuka engenyak ninye ati ara, anggun ap neika engebuka unamlume.

2 Korintus 11:29

Ara, yata dib teneplinye do nirya, sik kanye talima mitang upliba, ikin asa ubicopura, na babye atonun sik anang ati tenepnirye, ikin kanye bobuka mikip ara mitang upniliba, wininune. Aning atonun, malye winin ning arye sik talimak lildaliba, malye winibicopura, na talima noutamak arye, ‘Se’ tenen, malye kanye bobuka unune.

Matius 19:22

Yesus arye ayupu nyabukopura, abona talinanye urasin yupra kukabukce, malye kanye bobuka, kanupdongobuka biyuk. Anye bira, aning-aning weik arye talilamuknye anya arye, ‘Ayupu nyapnil ning ara, kum winiptinye’ tenen, malye kanye bobuka kanupdongobuka biyuk.