1 Timotius 5:4 - Eipomek

⁴ Wininalam bukni, dan youwak kilapu do nirya, sik mapu ap, sik mapu arye deiamikce mapu ap, tuba ulamicopura, talye parabuka melina kume. Ayouwak kilapu, sik mapu nebikcopura, sik adiparyuk sik babye, sik nin yapu koprop ati, melinamake. Ara, minop kel bikting ning ara, ‘Allah dib tenenyaba ati ara, talye kum nyaplopnuyabe’ tenen, kel biknamake. Allah diba tenen ninye arye, sik tam ninye nirya ati, melilamak atonun, ‘Nun babye wininamap’ tenen, kel biknamake. Winipnamaka deice arye, anggun ni yapu ap, anggun nin yapu ap arye, sik mitik talak, bico tenebuka melilamsik atonun, anang pununa ati, kam nang arye sik nin yapu ap, sik ni yapu ati adiparyuk melinamake. Tonda, winipnamake nyabuka, Allah arye pia kanye deilinamsile.

1 Timotius 5:4 Referans Kwoze

Kejadian 47:12

Tonda Yusup birye el li ap, el du yapu ap, sik mapu silip nirya ap ati din ning ton arelamuk. Ara, sik mapu aulamik touk nukukabikce, sik patalamuk touk bokuka, sik nirya bukni, aik yuk-yuk bokuka arelamuk.

1 Timotius 2:3

Winibuka una ati ara, Allah nun Lyena Deiyoknye kanye delisulule. Ara, teleb una atia.

Lukas 2:51

Amenyan ara, Yesus ap, sik bitinye ap, sik mutuku kopropa Nasaret mutuku tamubuka biyikopura, el lin el li nyalamrik yupu nirya kekebuka ulamuk. El lin Maria arye, Yesus nyanmok yupu ap, sik elinmarik ning ap, aning nirya ara, el kanye pum tam pia teninmok.

Amsal 31:28

Winilya deice arye, el mapu arye sik nin biti, ‘Elda pia teleb kil ulula anya arye, Allah arye teleb kilinamle’ tenen, elti, teleb yupu uk nyakirye, weik arye kanye delinyake. Aning atonun, el akanye birye, el kil ati pia kanye delilule.

Rut 2:18

Rut birye winipmok ning ara, bobuka, el aik tamubuka, bobiyuk talak ara, el yamal kil dam biyukce, el dopropmok ning binuka, lak nyabukura, Naomi eibuk. Tonda atalak ara, el keting duk-duk arye dinmoka ani, boubukba, ton bopmuk ning babye, el yamal kil binuka, arebuk.

Rut 2:2

Naomi ap, Rut ap, Betlehem mutuku neika ulamrik talak ara, tonok sum ton, Moab mutuku kil, Rut birye Naomi biti, nyabuk. “Nongo, ance telebe nyapniminba, nara gandum lilbinune,” nyabuka morobuk. “Ara, yuk nang gandum wa dam binibuk, nati bico tenepnilinye birye, ‘Asukum liptume,’ nyapnutuba, ‘Liptinye’ tenen, nyapne. Telebe nyapniliba, sik gandum wa wiamice likiba, ‘Tukak talye saklye ning bunaman’ tenen, nyapne,” nyabuk. Nyabukura, Naomi birye, “Yo, akilmuo, dadilbilyame,” nyabukura, biyuk.

Yesaya 14:22

Allah Yahweh aning-aning nirya talibuka deice tam erebuka, mikip weiknye bira, im deice yin talin malaikat nirya, sik deiyoknye ulule. Elce ayupu nyabuk. “Narye Babel mutuku noutam unyak nang nirya ara, obuka sirya daknamne. Amutuku ap, amutuku unyak nang ap, sikce deibikba, dadeipdanin yanganyak mapu nirya ap, sikce deiamik mapu ap, sikce deipnamak mapu ap, sik nirya obuka kum kipdeipnamne. Anang nirya akunum opnyeura, tonok nang babye kam tuba kum unamake. Winipnyeura, yuk mutuku nang nirya arye, Babel mutuku nang, sik si tuba kum tenenamake. Ninye nirya arye, ayala nang, sik si lubakinauk upnamake. Na Allah Yahweh arye, ayupu nirya ara kunum nyapsine ati, aning nirya ara, dipkoprob winipnamne.

Ayub 18:19

Allah arye, sik deiamik nang arye, deibikceba deipdanin banamak nang nirya ara, akunum kum kipdeiplirye, sirya daknamake. Ati, sik anang aik dobuka ulamikak ara, aminyan talak nirya noutam, tonoknye babye, tuba ton bataklirye, pia kum unamake. Winiplyopura, sik ulamik mutuku noutam nirya ara, anang pia kum danamaka atia.

Hakim-Hakim 12:14

Anye tikamuk talak ara, el mapu ara, empat puluh (40) ton deiamuk. Tonda, el mapu arye deiamik mapu nirya ara, tiga puluh (30) nang deiamik. Sik adeiamik nang nirya ara, tujuhpuluh (70) keledai basam yuk-yuk bisik bukuka bana ati kintinip deiamik. Atalak ara, Abdon el pil dona ati, ninye deiyok kibuka ulamuk talak ara, el mapu koproba sik Israel nang ati, keting tamun ara, pinbarye (8) tahun deice arye, ninye deiyoknye kibuka tikamukce ulamuk.

Kejadian 47:28

Ura, Yakub bira, keting tamun yupa weik 17 tahun deice arye Mesir mutuku noutam ulamuka ani, elda keting tamun yupa weik 147 tahun wisi dayuk.

1 Timotius 5:16

Ara, yata dib tenen kilapu do nirya, anggun yala kilapu youwak akunum ubikcopura, sik adiparyuk ayouwak kilapu ati melinamake. Ara, yata mutuku do nirya, Allah dib tenen ninye arye, ayouwak kilapu nirya ati, ‘Se, yata wiribuka melipnamap do?’ tenen, ‘Ikin kanye bobicak’ tenen, nyapne. Ati youwak kilapu kum bukni, Allah dib tenenyak ninye, mutuku-mutuku nirya arye, dipkoprop ikin kanye bobuka unyak youwak kilapu, sik yala nang kum unyakbuk, ‘Aning-aning pia kum uplyopura, pataplye kilapu melinamak’ tenen, nyapkine. Na Paulus arye nyabuka sekeibkine.

Titus 1:11

Atilila yupu nyanyak nang ara, sik malye yupu peterenyaka deice arye, anyasik-anyasik ninye akunum diba tenelamik bukni, tonok-tonok ton kum, sik nirya arye, dib tenebik ning, Allah yupu batakuka, weik kanye mambul kilinyake. Ara, atalye yupu nyanyak nang arye, yuk nang ati, peterenyaka deice arye, tonok-tonok kum bukni, anang weika arye minop talak kunum diba tenelamik ning, bataknamyak ati, atilila yupu nyanyak nang arye, yuk nang ati, weik kanye mambul kilinyake. Aning ati ara, atilila yupu, tenepce arye nyanyak ninye ati, “Amalye winin ning ap, tilila yupu nyanmalum ning ap, adiparyuk bataklulume,” nyabuka, yupu sekenamlyame. Amalye nang talye yupu peterenyaka deiyok ara, ‘Yo bok weik arye dolonamap’ tenen, tilila yupu tenepce arye, nyanyake.