1 Timotius 5:2 - Eipomek

² Yuk kam nang atonun unyak ninye ara, ‘Na weit yapu atonun,’ tenebuka unamlyame. ‘Wisi kilapu ara, na nin yapu atonun,’ tenebuka, namin arye unamlyame. Yuk kam kilapu ati ara, malye tenena ap, malye winina ap, pia kum arye, ‘Na weit kilapu atonun unyake,’ tenepmince, telebuk wininamlyame.

1 Timotius 5:2 Referans Kwoze

1 Timotius 4:12

Tonda, yuk nang arye, anti, “Anda kamnye atonun ulyama ati ara, an yupu kum kekepnukiyap ati, dauplye,” nyapkicopura, sik anang ati yupu sekenamlyame. ‘Dauplye,’ tenena kume. Aning kum bukni, an winilaminye ning, yuk nang eipkikirye, ‘Kel biknamak’ tenen, winipmantonye bira anuk unamlame. Ara, an yupu nyana ap, an winin ning nirya ap, yuk nang ati bico tenebuka melina ap, Allah ap, el yupu ap, diba tenelulum ning ap, mingne ubuka, diksukum una ap, winipminye deice arye yuk nang kel biknamkiake.

Matius 12:50

Yata ninye do nirya, Allah arye ‘Wininamake,’ tenelul touk pil dolamikce ninye ara, sikda, na weit yapu ap, na weit kilapu ap, na nin yapu ap, atonun unyake,” Yesus arye nyabuk.

Pilipi 4:8

Telebe na kayapu, asurat sirya dakana ati ayupu nyapnusine. Ara, yata teleb ning do nirya, pia dipkoprop mambul ning ap, kwalina kumce diksukum una ap, malye ning pia kum mingne ning ap, ninye nirya arye, ‘Aning dipkoprop teleb,’ tenenyak ning ap, apia teleb ning niryauk ara, tenenauk unamlulume. Yata ning do nirya, awinin ning ati ara, ‘Allah arye kanye delilule,’ tenenyap ning nirya ara, aninguk tenebuka unamlulume. Malye winin ning yala-yala nirya ara, kum tenenamlulume.

1 Timotius 5:3

Sik dipkoprop youwak kilapu unyakbuk, yuk nang nirya akunum batakamikibuk, sik yuk unyak youwak kilapu ara, kibuka melinalyame. Timotius, ance yuk ninye nirya ati, ayupu peterenalyame.

2 Timotius 2:22

Ati Timotiuso, sik kam kili sal arye malye ning patapliba, winilamak ning ati, bita dipdemince, yuk karin ak unamlyame. Amalye ning nirya batakuka, diksukum winin ninguk tenebuka unamlyame. Tonda, Yesus ati diba tenena ap; yuk nang ati bico tenebuka melina ap; malye kanye bona kum arye, yuk nang ap, kanye deibuka, ‘Nimalye arye neika unamabe’ tenena ap; aning nirya ara, tenenauk unamlame. Ara, anuk kum bukni, sik yuk nang, tenepce arye talye nyana kum bukni, sik kanye talima diksukum unyak ninye arye, nun Deiyoknye Yesus ati, diba tenenyak nang ap, ateleb ninguk tenebuka, neiktotouk unamlulume.

1 Tesalonika 5:22

Malye winin ning yala-yala nirya ara, pia leibuka yukak unamlulume. Tonok ning babye, winina meme.

1 Timotius 5:1

Ara, yuk yupu ton nyapnukine. Wisi nang ati ara, mikip arye wenena ap, derelana ap, meme. Aning kum bukni, ‘Anang ara, na ni yapu atonun unyak,’ tenebuka, nimalye arye, “Naio, winina telebe,” nyabuka, peterenalyame.