1 Timotius 4:15 - Eipomek

¹⁵ Anyapmakin yupu nirya ara, batakna kum arye pia pi dobuka, pil donalyame. An kanye ap, nong ap, mikip ap nirya arye, pia piribuka dopminyopura, yuk ninye eibikirye, ‘E apil donmala ara, teleb winipnin banmala atia,’ tenenamake.

1 Timotius 4:15 Referans Kwoze

Matius 5:16

Ati ara, ‘Ninye eipnamak’ tenen, upna delilamak touk, anggunda ninye dinak nirya, weik dirina atonun unamlulume. Winimunyopura, yuk nang arye, anggun teleb winilulum ning eibikirye, anggun ni Allah im deice ululnye ati, kel kibuka el siuk erenamake. Yesus arye, el mapu ati nyabuk.

Mazmur 143:5

Bukni, ikin unilye talak ara, minop talak winilamlum ning ati, tuba teninauk unune. Ara, ance akunum mambul pil, pia weik tonun dolamlum ning ara, tuba bikinune. Tonda, an taruk mikip deice arye, pil dolamlum ning nirya ara, tuba bikinune.

Mazmur 104:34

Atalak-atalak noutamak nirya, na kanye talima noutamak tenenamne ning nirya babye, Allah dinilirye, kel biknilyopura, ‘E, el tenelul ning ara, telebuk ulule, tenepnilirye, kanye delinamnile’ tenen, moronune. Ara, talye ati, kum nyapne. Na ni Allah Yahweh, el tibuk, na kanye delinuna ati nyapne. El melinilya deice arye, kanye delinune.

Rasul 6:4

Bukni, Yesus arye wipdeipsuk nang, nunda teniltotona kumce, Allah morona ap, Allah yupu ninye melibuka peterena ap, apiluk talibuka donamape,” nyabik.

Titus 2:14

Nun Lyena Deiyoknye Yesus arye, nun lyena ati, el mining nonguk arepsukce, nun pununa ati dipsuke. Malye winin ning noutam akuk ulamupa ati ara, nun wenena ati talye luparabuka oplopsutu bukni, ‘Akili sal ara, deknamne,’ tenelamukce, nun pununa ati, tukwak mutuku yanuka dibuk. Winibuka deksuka deiyok ara, ‘Ninye tukwak kili sal, sik malye un ning nirya kilipnirye, dekuka lopdeipniba, ‘Na’ tenen, ninye pia teleb una ninye unamake. Winibikirye, teleb winin ninguk talibuka, kanye deibuka diksukumuk unamak’ tenen, el nong deice arye deksukce, lyepsuke.

Mazmur 119:97

Dipkoprop nara, Allah ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu atibuk, kanye deibuka unune. Asum-asum nirya noutamak, ayupu moubuka tenepnirye wininune.

Yosua 1:8

Narye, ‘Anng wininamlume. Aning ara, pia kum wininamlulume,’ nyabuka, mem yupu nyapsiba, Musa sekamuk yupu ara, Yosua an ap, na mapu Israel nang ap, ‘Deiyok ning nirya kel biknamabe’ tenen, moubuka teninamlume. Ara, keting noutam babye, lukunyan babye, na yupu moubuka teninamlume. Winipminyopura, asekuk ning atonun winipmunyopura, anggun wininamlum ning ara, telebuk kipnin banamsile. Ara, anggunce aning-aning, ayala-yala nirya dopropnamlulume. Tonda anggunce, ‘Winiptibye’ tenen, kiklipdenamlum ning nirya ara, telebuk kipnamle.

1 Timotius 4:6

Timotiuso, winiryuk nyapmakin ning nirya dobuka, yuk nang dib tenen ninye ati, peterepminyopura, adeice arye Yesus Kristus, el teleb pil melinanye una ati, teleb unamlame. Winipminyopura, Allah el yupu dib tenenyap ning ap, sikce teleb ubuka peterepkikbuk, kel biklumce moubuka talilyam ning ap, anoutam arye nebuka kanye wisinamkile.

Mazmur 119:148

Aning atonun, inipmaliba, lukunyan noutamak ninye arye, mapmace talak nirya babye, ance nunti, “Winibuka melibuka, teleb updeipnamsine,” nyabuka, nyalina yupu deice nyapdeiamsulum yupu ati, moubuka nuknirye, ‘Deiyok dan do?’ tenen, pia teninuk unune.

Mazmur 119:99

Dipkoprop nara, Allah ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu atibuk, kanye deibuka unirye, asum-asum nirya noutamak, ayupu moubuka tenepnirye, talinune. Ati ara, na moubuka teninun ning ara, weik arye teninun bukni, na peterena deiyok nang ara, ‘Deiyok ani’ tenen, sik mitika aryuk, bikinyake. Sik tenelamik atonun, kum tenenune. Nara, pia weik arye tenebuka bikinune.

Mazmur 119:48

Narye ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu ati, kanye deipnirye, ayupu ap, an ap ati, pia telebe nyabuka, si erekunune. Tonda, ance nunti, nyapdeiamsulum yupu ati, ‘Deiyok noutam ning ara, dan do?’ tenen, ayupu nirya ara, nuknirye moubuka tenenamne.

Mazmur 119:15

Ance, “Aning ara, wininamlulume. Aning ara, pia kum wininamlulume. Teleb winina ara, ani,” nyalisilyam yupu nirya ara, ‘Deiyok noutam ning dan do?’ tenen, narye pia moubuka tenepnirye, talibuka wininamne. Aning atonun, ance, “Aning ara, wininamlulume,” nyapdeiamsulum ning ati, pia teninamne. Malye winin ning tenena kumce, an yupu uk moubuka tenenauk unamne.

2 Korintus 8:5

Nunce sik Makedonia tam ninye ati, ‘Winibuka wininamake,’ tenelamubu touk kum winibik. Kume. Sik Makedonia ninye arye, minop talak sik bidamang kanye talima ap, sik badamnye nong ap bobuka, ‘Allah el amutamuk unamap’ tenen, Allah ati arebik. Sikce nong Allah ati arebik, aminyan talak ara nunti arepsik. Aning nirya winibuka winibik ning ara, Allah arye, ‘Amutuku nang arye wininamake,’ tenyamuk touk akunum winibik.

Mazmur 105:5

Allah arye, ninye kum winipmanto pil dolamuk ning ap, “Aninguk moubuka talipnamlume,” nyapdeiamsuk yupu ap, ninye yupu bokeiyamsuk ning nirya ara, moubuka tenepmunce, talibuka unamlume. Tonda, pia luba kum kipnamlulume.

Mazmur 49:3

Ara, ninye deiyok nang babye, talye amu tamuk unyak nang babye, kekepnululume! Tonda, anggun bona talin nang, ululum nang babye, anggun talye bona uto-toa talina kum nang babye, moubuka kekepnululume!

Mazmur 19:14

Tonda, na moropkin ning ara ani. ‘Na ni Allah narye nyanamne yupu ap, na talima pum tam arye tenenamne ning nirya ap, diksukumuk uptuba, ance nati kanye deipnutum’ tenen, moropkine.

1 Korintus 16:15

Ara, na kayapo, anggunda Yesus ati dib tenemunyeba, du weit atonun unyabe. Anggun kele, sik Akaya tam unyak ninye kan-kan, Stefanus ap, el aik unyak ninye ap, Allah yupu peterebupeba, sik minopce dib tenebike. Sik yuk nang nirya ara, aminyan tamuk dib tenebike. Yuk nang bukni, Allah ati akunum dib tenebikbuk, Allah arye, ‘Na’ tenen, wepdeibuk ninye nirya ati, Stefanus ap, el aik neika unyak ninye arye, ‘Aninye melinamabe’ tenen, apiluk dobuka unyake.

Mazmur 119:23

Tonda, amutuku noutamak talibuka wininyakce, ninye deiyok nang nirya arye, bulubuka wekikirye, nati on yupu talinamniak. Sikce winibuka yupu talinamniyak talak nirya babye, nara an pil donanye ununa anya arye, ance, “Teleb winina ara, ani,” nyapdeiamsulum yupu uk, talibuka dobolbanirye, pia tuba tenebuka wininamne.

Mazmur 77:12

Winipmanto kum ununa ati, Allah Yahweh arye, ninye kum winipmanto ning, pil dolamsuk ning ara, tuba ton ap tenebuka unamabe. Tonda, minop talak nun Israel nang ati, mikip weik ning melibuka, pil dolamsulum ning ara, tuba tonap apia teninamabe.

Mazmur 63:6

Na mapmanye talak babye, antibuk tuba tenenamkine. Tonda, lukunyan talak noutamak nirya babye, pia antibuk, tuba tenekunune.

Mazmur 1:2

Bukni, sik Allah ati dib tenenyak ninye ara, sik patalul ning ara, Allah Yahweh arye, ‘Wininamlulume, aning ara kum wininamlulume,’ nyabuk yupu nirya atibuk, kanye deibikirye, moubuka kekenyake. Ara, keting noutam talak babye, lukunyan talak babye, Allah Yahweh elce nyalilamsuk yupu nirya kekebikirye, ‘Deiyok ara, aning ati nyabuk do?’ tenen, moubuka tenebikirye, unamake. Aninye ara, Allah arye melilamliba, telebuk unamake.

2 Korintus 4:14

Nun kele, nun Deiyoknye Yesus Kristus dibukura, kam bukeibuknye, Allah arye nunti kam bukdeipnamsile. Winipsilirye, Kristus ap, nun ap, anggun Korintus mutuku ninye ap dobuka, Allah el ulyak neika deipnamsile. Aning dib tenenyaba anya arye, ayupu nyasinyabe.

1 Timotius 4:14

Minop talak apil min kum dolamlum talak ara, Allah yupu aik deiyok nang arye, sik taruk an nong deice deibuka, “Allah el pil moubuka winipman kum pil winibuka, winibuka donamle,” nyalilamkika deice arye, Allah El Dib Kanye arye pil bita dona deiyok ning arepkuk. Aripkuk ning ara, ‘Dauplye’ tenen, batakna meme. Anyuk tenebuka pi dobuka mikip arye pil donalyame.

1 Timotius 4:16

An winin ning nirya ap, an petereminye ning nirya ap, ‘Malye nyapnikcak’ tenen, pia moubuka dildanamlyame. Ara, ‘Na babye, na peterenye yupu kekenyak ninye babye, Allah arye lyepnamsil’ tenen, an adiparyuk batakna kum arye, tuba-tuba wininamlyame. Winipminyopura, Allah arye an ap, an peterepnalam ninye ap, lyepnamsile. Na Paulus arye nyabuka sekeibkine.

Bilangan 8:26

Na Allah ap, ninye ap, eldana ati tenda aik pum tam, na si eren pil akunum batakikcopura, abatakikce nang sikce anyaik pia mambul weik pil tonap binuka kum pil donamake. Bukni, sik Lewi yala nanguk sik kayapu yuk nang ton anyaik binuka pil dokcopura, sikce ananguk melibuka unamnyake. Aning wininamaka ati, sik Lewi yala nang pil dona ara, aninguk pil donamake, nyapne.” Allah arye, Musa biti nyabuk.