1 Tawarikh 9:4 - Eipomek

⁴ Yerusalem mutuku tamubuka yayik nang ara, Yehuda birye deiamukba, el mapu sikce deibikura, dadeipdanin yangalamik nang ara, yupa mitiktoa arye, ila tamubuka, Yerusalem mutuku yayikce ulamik. Yehuda elce deiamuk nang tamubuka, Yerusalem mutuku yayik nang, sik si ara, ani. Utai el li koproba ara, Amihud ulamuk. Amihud el li koproba ara, Omri ulamuk. Omri el li koproba ara, Imri ulamuk. Imri el li koproba ara, Bani ulamuk. Bani el li koproba ara, Peres ulamuk. Peres el li koproba ara, Yehuda ulamuk. Sik winibuka nang tamubuka yayik.

1 Tawarikh 9:4 Referans Kwoze

1 Tawarikh 2:5

Yehuda elce deiamuknye, Peres bira, mapu bitinye ton deibuk. Sik si ara, ani. Hesron ap, tonda Hamul ap, deiamukak ulamdik.

Kejadian 46:12

Tonda, Yakub birye deiamuk mi Yehuda ap, elce deiamuk mapu sik si ara, Sela ap, Peres ap, Sera ap, tonda Peres birye deiamuk mapu, Hesron ap, Hamul ap biyik. (Yehuda birye, el mapu bitinye ton, sik si ara Era ap, Onan ap deiamuk bukni, amapu ara, min arye Kanaan mutuku noutamak akunum dipdika anya arye, sikda Mesir mutuku kum neika kum biyik.)

Bilangan 26:20

Sik Yehuda yala nang arye deiamikba, dadeipdanin yangalamik nang, anoutam arye Syela ap, Peres ap, Zera ap, Hesron ap, Hamul ap ulamik. Sik nirya ara, yuk-yuk bukni, mapu deibikura, dadeipdanin balamikce, sik si ara, sik aulamik touk, sik yala nang babye daulamik. Ara, Syela yala nang ap, Peres yala nang ap, Zera yala nang ap, Hesron yala nang ap, Hamul yala nang ap daulamik.

Nehemia 11:6

Peres birye deibukba, dadeipdanin balamikce, Peres yala ninye pia weik Yerusalem mutuku ulamik. Aninye yupa ara ani, 468 ninye ara, mikip weik ubuka, ilil kanye kum bolamik ninye ulamik.

Nehemia 11:4

Ura, Yehuda yala ninye ap, Benyamin yala ninye ap, Yerusalem mutuku noutam unyak ninye sik si ara ani. Ara, Yehuda yala ninye sik amutuku nang ati, Uzia el mi Ataya, elda Zakaria birye deibuk noutam sik apu yapu ara, yata wiribukap do, ara, Amarya ap, Sefaca ap, Mahalalel ap, Peres ap, sik winibuka ulamik.

Nehemia 10:13

Hodia ap, Bani ap, tonda Beninu ap, sik aLewi yala ninye nirya arye, tanda tangan kina ati, sekuka lak kililamaka atonun, asurat deice arye akunum winipdeibik.

Nehemia 8:7

Tonda, atalak uk, Allah arye, ‘Wininamlulume, aning ara ton kum wininamlume,’ nyabuka minop talak nyalamuk yupu ara, sik Lewi yala nang, Mem Yupu peterena deiyok nang unmeka anya arye, anang arye, “Allah nyalamuk yupu deiyok ara, ani, ani,” nyabukabikce, Israel ninye ati lak nyabuka peterenmek. Sik Lewi yala nang, peterenmek nang, sik si ara ani. Yesua, Bani, Serebya, Yamin, Akub, Sabetai, Hodia, Maseya, Kelita, Asarya, Yosabad, Hanan, tonda Pelaya. Anang arye peterenmekba, sik atikmek nang moubuka kekenmek.

1 Tawarikh 4:1

Yehuda birye deiamuk nang ara, ton tam nang, sik si ara, ani. Peres ap, Hesron ap, Karmi ap, Hur ap, tonda Syobal ap, ulamik.

1 Tawarikh 9:5

Tonye bira, Syela birye deibukba, dadeipdanin yangalamik nang, sik duweit nirya ati bulubuka, deiyok kiamuknye bira, Asaya ulamuk. Asaya bira, Syela el minyuma deiamuk mi ulamuk. Ati, Asaya birye deibukba, deipdanin yayik nang babye, sik apu koproba ara, Syela ulamuk.