1 Tawarikh 8:6 - Eipomek

^6-7 Ura, Gera birye deiamuknye, Ehud birye deiamuk nang ara ani. Naaman ap, Ahia ap, tonda Gera ap deiamuk. Sik anang ara, min talak Geba mutuku ulamikce, sikce deibikura, dadeipdanin yangalamik nang, sik duweit nirya ati, ninye deiyok talibuka, bululin nang ulamik. Bukni, aminyan talak ara, yuk nang arye, sik anang ara, amutuku arye yakuka, yuk mutuku donokamik. Yakuka dobonmikba, Gera birye bulubuka deibukba, amutuku arye batakuka, Manahat mutuku binuka ulamik. Winyamik talak ara, Gera birye mapu bitinye deiamuk. Sik si ara, Uza ap, tonda Ahihut ap nyabuka, sik si dobuk.

1 Tawarikh 8:6 Referans Kwoze

1 Tawarikh 2:54

Betlehem mutuku bulubuka, asik domuknye Salma bira, Netofa yala nang ap, Atorot yala nang ap, Bet-Yoab yala nang ap, tonda Zori yala nang ap, Manati yala nang ap, sik noutam arye wilibulika ulamik nang ap, ayala-ayala nang ara, sik deipkirikropnye ulamuk.

1 Tawarikh 7:10

Yediael birye, mi tonok deiamuk. El si ara, Bilhan ulamuk. Bilhan birye mapu tekbarye (7) deiamuk. Sik si ara ani. Yeus ap, Benyamin ap, Ehud ap, Kenana ap, Zetan ap, Tarsis ap, tonda Ahisahar ap deiamuk.

1 Tawarikh 6:60

Tonda, Benyamin yala nang, sik mutuku dopromik noutama ara, Kehat yala nang ati arebik. Amitik-mitik asik si ara ani. Geba asik ap, Alemet asik ap, tonda Antot asik ap arebik. Tonda, amitik asik dana-dana tam uamukce, weik maning palamuk mutuku luak ap, arebikura, doprobik. Ara, mitik asik domik yupa, mikbarye (13) asik dobuka ulamikak ara, Kehat yala nang, sik duweituk una ati doprobik.

1 Tawarikh 2:52

Tonda, Syobal birye bulubuka, Kiryat-Yearim mutuku asik domuk. Syobal birye deibukba, dadeipdanin yangalamik nang ton, Haroe ap, tonda Menukot yala nang, sik deipkirikropnye ulamuk.

1 Tawarikh 2:25

Ezron el min yuma deibuk mi, dunye el si ara, Yerameel deiamuk. Yerameel daulamuka ani, aminyan talak ara, elce mapu pamubarye ton deibuk. Dunye el si ara Ram, anyapce ubuka bitinye anye el si ara, Buna. Aning ara, Orem ap, Ozem ap, tonda Ahia ap, deiamukak ulamik.

Hakim-Hakim 4:1

Ehud bira, minop talak Israel ninye sik yupu lipsisikuka bokolina deiyoknye ton daulamuka ani, el akunum dibukopura, Israel ninye malye weik ulamikba, Allah el si Yahweh, el kanye ara, ‘Na like,’ tenebuk.

Kejadian 46:21

Yakub birye deiamuk mi el si ara Benyamin ap, biyuk. Benyamin arye deiamuk mapu sik si ara, Bela ap, Beker ap, Asbel ap, Gera ap, Naman ap, Ehi ap, Eros ap, Mupim ap, Hupim ap, Arad ap deiamuk.

Yosua 21:17

Aning atouk, Benyamin yala nang arye, talibuka ulamik mutuku noutam arye, dumbarye mutuku taleamik ning dobuka, sik Lewi yala nang bukni, Kehat el tam nang ati, wilibuka arebik. Atalibuka ulamik mutuku si ara ani. Ara, Gibeon mutuku ap, Geba mutuku ap, tonda Almon mutuku ap, Ananot amutuku ap nirya ara, bokuka sik kayapu nang ati arebik. Anoutam domba basam ap, sapi basam ap weilamik mutuku ton arebik.