1 Tawarikh 7:23 - Eipomek

²³ Aminyan talak ara, Efraim el kil ap neika malamrikce, daulamrika ani, el kil akunum mi bomuka ani, mi ton deibuk. Mi deibukopura, ami el li Efraim birye, ami el si ara, Beria nyabuk. Ara, Efraim el mapu bitinye obikura, diamdikak, imun kanye bomrika ati, asi domuk. Sik Ibrani yupu deice arye, asi el deiyok ara, ‘Imun kanye bon ning,’ tenena ati nyalamik. Ati el mi deibukce, asi Beria nyamuk.

1 Tawarikh 7:23 Referans Kwoze

2 Samuel 23:5

“Tenipdelulume. Narye deipseba, dadeipdanin yangalamik nang, na yala ninye ara, Allah arye sikti, ‘Telebe,’ tenebuka, kanye kum delilul do? Anggun kele, Allah arye nati, “Winipnamsine,” nyabuka, nyalina yupu nyalilamsuk yupu ara, kum bataknamle, pia aunamle. Allah arye, ‘Wininamne,’ tenelamnuk ning nirya ara, tonok ning babye kum bataknamle. Elce tenepnuk ning nirya, dipkoprob na ap, na yala ninye ap ati, winipnamsile. Aning atouk, elce lyepnamnil ning ara, dipkoprob winipnamle. Tonda, na patalamnil ning nirya ara, elce tonok ning babye kum bataklirye, nirya arepnamnile. Nyalilamnuk ning nirya ara, kum bataknamle, aning nirya akunum kintinibuka arepnamnile.” Raja Daud birye nyabuk.

1 Tawarikh 7:22

Obikba, sik ni koproba Efraim birye, asum-asum nirya, el mapu akunum diamdika ati, tenilamukce, engana uk ulamuk. Winilamuk ning ara, el kayapu nang arye, sik kwet el melina ati, el kanye pin-pin kipdeibikba, el kanye teleb ubuk.

1 Tawarikh 7:24

Efraim birye, kilmu ton deibuk. Akilmu el si ara, Sheera nyabuk. Sheera birye, mutuku si Bet-Horon itam mutuku nang ap, Bet-Horon arah utara mutuku nang ap, tonda Uzen-Sheera mutuku ap domuk. Ara, akil arye bulubuka, anyasik winilye domuk.