1 Tawarikh 5:11 - Eipomek

¹¹ Ruben yala nang, sik tam mutuku ara, arah utara, dabu tam Basan mutuku ulamik. Basan mutuku noutama ara, sik Gad yala nang ap, mening damuk ulamik. Gad yala nang arye amutuku binuka, anang arye dipdongobuka, binamuk ani pia karin sukum keting yangan tam, Salkha mutuku biyikce, asik dobikce dabinuka ulamik.

1 Tawarikh 5:11 Referans Kwoze

Yosua 13:11

Aning atouk, Gilead mutuku ap, Gezur yala nang ulamik mutuku noutam ap, Maakha yala nang ulamik mutuku ap, weik bukamuk mutuku, Hermon mutuku ap, amutuku kon dana-dana tam uamuk tuku ap, tonda Basan mutuku noutam nirya, dipdongobuka osirya ara, Salkha mutuku ap binuka uamuk. Amutuku nirya ara, Yosua birye, bokuka arebuk.

Yosua 12:5

Amutuku nirya taleamukce, ulamuk mutuku ara, Hermon mutuku ap, Sikha mutuku ap, Basan mutuku nirya diprongobuka, pera mutuku tam, Gesur mutuku ulamik nang ap, Maakha mutuku noutam ulamik nang ap, taleamuk. Tonda, Gilead mutuku bukni, dana tam tonokuk taleamuk. Asukum arye, ubuka pera weik mutuku ninye deiyoknye, Raja Sihon, elce taleamuk mutuku deiyok ara, Hesyebon mutuku arye taleamuk.

1 Tawarikh 5:12

Gad yala nang ara, Yoel birye sik ayala nang ati, min deiyoknye kibuka ulamuk. Yoel bira, weiknye ulamuk bukni, el pil melina ati, bitinye anye bira, Safan birye talibuka ulamuk. Tonda, Yaena ap, Safat ap ara, Basan mutuku ulamik yala nang ati, ‘Winiplulume,’ nyabuka, yupu bokolina ati, sik deiyok nang kibuka ulamdik.

Bilangan 26:15

Tonda, Gad yalanye birye deibukba, dadeipdanin balamik nang, sik Gad yala nang ton ulamik. Tonda, Sefon birye deibukba, deipdanin balamik nang, sik Sefon yala nang ton ulamik. Tonda, Syuni birye deibukba, dadeipdanin balamik nang ara, sik Syuni yala nang ton ulamik.