1 Tawarikh 23:1 - Eipomek

¹ Raja Daud akunum wisi dayuk talak ara, elce deiamuknye Salomo boyanuka, ‘Sik Israel yala ninye deiyoknye una ati punupnirye, Raja unamleʼ tenen, erepdeibuk.

1 Tawarikh 23:1 Referans Kwoze

1 Tawarikh 29:28

Winibuka pil ouku weik taleamuka ani, wisi dayukce, daulamuka ani, adiparyuk Daud dibuk. Atalibuka ulamuk talak ara, ninye deiyok Raja Daud bira, sisinanye ulamukce, bona weik talinanye ulamuka ati, sik nirya arye kanye pia delilamik. Bukni el li koproba Daud akunum dibukopura, adiparyuk el mi Salomo punubukce, el ninye deiyoknye Raja tikuk.

1 Tawarikh 28:5

Wipdeipnukopura, elcuk narye deiamse mapu nirya ara, weik tonun arepnuke. Tonda, arepnuk mapu nirya noutam bukni, na mi Salomo tonok ati, ‘Israel mutuku noutam unyak nang talibuka, Raja unamleʼ tenen, wipdeibuk. Ara, Allah Yahweh, elce aning-aning deice tam ulirye, Israel nang nirya talilul bukni, el tukwak tam melina ati, na mi Salomo biti, deiyok weik ning arepliba, elce sik Israel nang nirya talipnamle.

1 Raja-Raja 1:1

Atalak ara, Israel ninye, sik deiyoknye Raja Daud bira, akunum wisi danamuk. Wisi dayukce, baribuka bulamuka ati, el melin nang arye, ‘Bupu kiptuba, teleb arye maptue,’ tenebikce, el man amsuna selimut weik ning arye, tokdeiamikba, anyamsuna deice malamuk. Malamuk bukni, el nong ara, arukna pia ulamuk.

1 Raja-Raja 1:30

“Na kilo, anti mince, ‘Winipnamne,’ nyabuka nyalin yupu nyapkise touk, arup arye dipkoprob winipnamne. Ara, ‘Na dipnyopura, na pununa ati, an deiplum mi Salomo, elcuk Israel ninye sik ninye deiyoknye Raja kipnamle. Raja bulamak ning deice bulamsirye, ninye deiyoknye ulamse touk, wini talak ara, Salomo birye unamle. Winiplirye na punupnamle atia.’ Aning nyapkise ara, talye kum nyapse. Israel ninye ati, ‘Sik ikin kanye bobicak’ tenen, melibuka pia kalikilul Allah, el si Yahweh, el si deice arye, akunum nyapkisa ati, anyapmakin touk dipkoprob nong kipnamle,” Daud birye Batsyeba biti nyabuk.

Ayub 5:26

Allah arye milikilya deice arye, an babye ulaminya ani, pia wisi deipmince, nong mikip tuba unamlam karin aryuk, dipnamlame. Allah arye bico tenesilye ninye nirya babye, atonun unamabe. Winipmanto ara, wa wiamice bukni, pia wisiplyeura, lilamak tonun upnamabe. Elifas birye Ayub biti, ayupu nirya nyabuk.

Kejadian 35:29

Daulamuka ani, sirya talak ara, dibukce, isin dakrobukba, el mapu Esau ap, Yakub ap arye, tuku lukuka, sik ni el nong weiprik. Isak dibuk talak ara, akunum pia wisi dayukce dibuk.

Kejadian 25:8

Winibuka ulamuk bukni, pia wisi dayukura, dibuk. El dibuk talak ara, pia wisi akunum dayukce dibuk. Dibukopura, Allah arye Abraham el kanye dobuka, el apu yapu dam bobinuka deibuk.

1 Raja-Raja 2:12

Salomo bira, el li koproba, Daud ninye deiyoknye Raja ulamukce, weik nang bun ning deice bulamuk touk, el mi Salomo babye, amutuku nirya mikip arye taleamukba, amutuku nang nirya, el amu tamuk ulamik.

1 Tawarikh 23:2

Aning akunum winibikopura, ninye deiyoknye Raja Daud birye, sik Israel mutuku noutam taleamik ninye deiyok nang nirya ap, sik Allah si eren aik pum tam pil dolamik nang, imam-imam nang ap, sik yuk Lewi yala nang ap, anang nirya bulupdeibuk.

1 Raja-Raja 1:27

Ati, asipdekine na nio. Aning nirya ara, dipkoprob na deiyoknye Raja, ance, ‘Adonia birye na punupnilirye, Raja unamleʼ tenen, ati nyaplumba, apil nirya donmal do? Tonda, an amu tam pil don nang nirya ati, ‘Na pununa ara, anye biryuk Raja unamle,’ nyabuka, laka kum nyapsulumbuk, aning wininmal do? El kanye aryuk, aning nirya wininmal do?” nyabuka asipdeyuk.