1 Tawarikh 2:42 - Eipomek

⁴² Yerameel el weit koproba, Kalep birye deiamuk mi, el si ara, Mesa nyamuk. Mesa bira, Kalep el mi dunye deiamuk. Mesa birye, el mi Zif deibuka ati, Zif el li koproba ara, Mesa ulamuk. Zif bira, el mi Meresa deibuka ati, Meresa el li koproba ara, Zif ulamuk. Aminyan talak ara, Meresa birye, el mi Hebron deibuka ati, Hebron el li koproba ara, Meresa ulamuk.

1 Tawarikh 2:42 Referans Kwoze

Ibrani 12:23

Anggunda, Allah arye, ‘Aninye ara, mambule. Anggunda, na mapu kopropa unamak’ tenen, minyuma talak akunum wipdeiyamuk ninye dam yanganmalume. Aninye ara, Allah el Mi Kopropa Yesus arye talilule. Allah arye aninye sik si sekuka im deice akunum deiyamuk. Ura, ninye im sirya, mutuku sirya nirya ati, ‘Teleb ning ani, malye ning ani,’ nyabuka, yupu lipsisikuka bokeipnamsil Deiyoknye Allah, el dam yanganmalume. Tonda, diksukum ulamik ninye delilamikba, Allah arye sik dib kanye dobuka, akunum pia ansinibuka, teleb updeibukba, sik unyakak dam yanganmalume.

Roma 8:29

Ayupu ara talye ati kum nyapsine. Deiyok ara ani. Ara, minop talak Allah arye akunum tenebuka kel bikamsukce, ‘Sikda, na mapu unamake anya arye, aninye teleb kipdeipniba, na Mi Kopropa el teleb kibuka ulul touk, sik babye atonun unamak’ tenen, akunum wibuka deiamsuke. ‘Unamake’ tenen, wipdeiyamsuka deiyok ara ani. Ara, Allah arye, ‘Na mi kopropa Yesus Kristus ara, minyuma du mi atonunye ulyopura, el weit yapu ara, noutam mapu atonun kibuka tabaknin bakirye, weik upra banamake,’ tenyamsukce, wipdeiyamsuka ati nyapsine.

1 Tawarikh 8:29

Benyamin birye deiamukba, dadeipdanin yangalamik nang arye, tonye el si Yeiel deibik. Yeiel birye bulubuka, Gibeon mutuku asik dobukce, ninye deiyok talibuka amutuku noutam ulamuk. Yeiel el kil si ara, Maaka ulamuk.

1 Tawarikh 2:52

Tonda, Syobal birye bulubuka, Kiryat-Yearim mutuku asik domuk. Syobal birye deibukba, dadeipdanin yangalamik nang ton, Haroe ap, tonda Menukot yala nang, sik deipkirikropnye ulamuk.

1 Tawarikh 2:49

Kalep el kil Maakha birye, mapu yuk ton bitinye deibuk. Anang si ara, ani. Saaf ap, Sewa ap nyapdik. Saaf birye bulubuka, el mi Madmana deibuk. Tonda, Sewa birye bulubuka, Makbena ap, tonda Gibea ap deibuk. Tonda, Kalep birye, kilmu ton deibuk. Akil el si ara, Akhsa nyabuk.

1 Tawarikh 2:45

Maon el li koproba ara, Shamai ulamuk. Bet-Zur el li koproba ara, Maon ulamuk.

1 Samuel 26:1

Tonok sum ton, Zif mutuku ninye arye, Saul Gibea mutuku ulamukak, yayikce nyabik. “Daud bira, Yehuda yala ninye, Hakila mutuku dam eitam bukni, utam ara, Yesimon mutuku bukukak, duknubuka unmale,” nyabik.

1 Samuel 23:19

Daud bira, amutuku uk ulamuka ani, Zif mutuku nang arye, Saul ap, Gibea mutuku arye epdayikce nyabik. “Na nio, Daud bira, nun tam Hores mutuku noutam bukni, Akhila mutuku kon deice, mutuku dam keil deia duknubukce, binuka ulule. El ululak ara, Yehuda yala ninye, sik mutuku kon tam, amutuku ara, dabu tam (arah selatan) mutuku ulule,” nyabuka, lak nyabik.

Kejadian 49:3

Ruben, anda narye min yuma dunye deipkise. Na mikip weik ulamse talak, min yuma deipkise mi ara, an uka. Yuk nang ati si erelamak bukni, anti ara weika arye si erekinyake. Yuk nang ton mikip ara mitik anun unyak bukni, anda mikip weik deiyoknye ulyame.

1 Tawarikh 2:41

Yekamnya birye, Elisama deibuk.

1 Tawarikh 2:43

Hebron nepnin balamuka ani, aminyan talak ara, elce mapu ara, dumbarye deiamuk. Amapu sik si ara, ani. Korah ap, Tapuah ap, Rekem ap, tonda Shema ap deiamuk.

Yosua 15:55

Atonun, weik asik dobuka ulamik ning ap, tonda mitik asik dobuka ulamik ning ap nirya ara, takubarye (10) asik dolamik mutuku si ara, ani. Maon mutuku ap, Karmel mutuku ap, Zif mutuku ap, Yuta mutuku ap, Yisreel mutuku ap, Yokdeam mutuku ap, Zanoa mutuku ap, Kain mutuku ap, Gibea mutuku ap, tonda Timna mutuku ap, winibuka mutuku asikbuk, sik mutuku dem kipdobik.

1 Tawarikh 2:9

Peres elce deiamuknye, Hesron bira, sal mapu winilye deiamuk. Anang sik si ara, ani. Yeramel ap, Ram ap, Kalep ap, ulamik.