1 Tawarikh 1:4 - Eipomek

⁴ Nuh birye, mapu winilye nang deiamuk. Sik si ara, ani. Sem ap, Ham ap, tonda Yafet ap, deiamukak ulamik.

1 Tawarikh 1:4 Referans Kwoze

Kejadian 5:32

Nuh bira, yupa weik, keting tamun 500 tahun akunum wisi deibuk talak aryuk, el mapu winilye deiamuk. Ara, Sem ap, Ham ap, Yafet ap deiamuk.

Kejadian 9:18

Nuh birye deibuk mapu, sik mek lia yo aik pum arye, el ap yayik mapu sik si ara, Sem ap, Ham ap, Yapet ap ulamik. (Ham bira, elce deibuk mi si ara, Kanaan ulamuk.)

2 Peterus 2:5

Tonda, minop talak ulamik ninye, pia malye-malye ubuka ulamikbuk, Allah arye nyapdeibukura, weik mok pia celamukbuk, amutuku-amutuku nirya ara, weik mekwen welebukce dibuk. Dibukura, sik malye-malye ulamik ninye nirya dibik bukni, Allah arye pin barye ninyeuk lyebuk. Elce lyebuk ninye kan-kan arye, tonok telebnye diksukum un ning peterelamuknye, Nuh ulamuk.

Ibrani 11:7

Ura, Nuh arye Allah ati, diba tenelamuka anya arye, Allah arye, “Ninye kum elilamik ning bukni, mok weika arye cepliba, weik mekwen deipnamla anya arye, tukwak ninye nirya opnamsina ati, kanye mouplulume,” nyapdeibukba, Nuh kekebukce, elda, ‘Allah weik mambule,’ tenyamuknye anya arye, ilil ubuk. Ilil ubukba, ‘Na mapu silip nirya lyepnamsil’ tenen, weik mek liya yo kintinibukce, amek liya yo deice, weik aik ton dobuka kintinipdeibuk. Awinibuka deiyok ara, Allah ati, weik arye diba tenelamuka deice arye winibuk. Nuh bira diba tenyamuk bukni, atalak sik malye winilamik ninye ara, aning nirya kum kekebuka, diba kum tenyamik. Sikce ayupu batakikba, Allah arye aninye nirya wenebuka oplobukce, sirya dakuk. Allah arye ninye teleb ulina ati, lipsisikuka delisilya ara, diba tenenyaba deice aryuk teleb kilisulule. Aning atonun, Nuh diba tenebuka deice arye, Nuh babye doprobukba, Allah arye, Nuh biti, diksukumuk kibuka teleb kipdeibuke.

Lukas 17:26

Minopa Nuh ulamuk talak ara, el ap ulamik nang winilamik atonun, na Ninye Mi Koprop Atonunye yanamne talak ara, ninye mutuku-mutuku nirya atonun wininamake.

Lukas 3:36

Salmon el li si ara, Kenan. Kenan el li si ara, Arpaksad. Arpaksad el li si ara, Sem. Sem el li si ara, Nuh. Nuh el li si ara, Lamek.

Yehezkiel 14:14

Winipmanto ara, pia ikin weik aulamuk bukni, na batakna kumce, pia diksukumuk winilamik nang, sik punun nang, winilye nang ara, Nuh ap, Daniel ap, Ayub ap nirya ara, amutuku noutam ulamtinga babye, sik awinilye nang, sikce pia teleb dolamika deice arye, sik nong koproba lyepdeiptinye bukni, yuk ning ton teleb kum kipdeiptinye. Yuk nang ap, yuk ning nirya ap, kum kipdeiptinye. Nara Allah Yahweh, pia deice tam erebuka, aning-aning nirya talibuka, Pia Mikip Weik Deiyok ununye birye, nyapsine.

Kejadian 9:29

Nuh el keting tamun nirya ara, yupa weik 950 tahun kam ulamuka ani, dibuk.

Kejadian 7:1

Nuh birye apil dopra ulamuka ani, aminyan talak ara, Allah el si Yahweh arye, nyabuk. “Winira akunuma. An ap, an mapu silip nirya ap, anggun nirya adopmalum mek lia yo aik wekelbilulume. Wini talak ulamak ninye nirya kum bukni, an tonok ara dipdekisiba, diksukumnye ulyama ati, anyaik weklyame.

Kejadian 9:19

Nuh el mapu arye, sik mapu deibuka, dadeipdanin balamika ani, delilamik mapu arye, deiamik ninye ara, tukwak mutuku im sirya, mutuku sirya nirya binuka ulamik. Ati, Nuh el mapu winilye ara, tukwak mutuku ninye sik apu yapu ulamik.

1 Tawarikh 1:5

Yafet birye, mapu ton deiamuk. Anang sik si ara, ani. Gomer ap, Magog ap, Madai ap, Yawan ap, Tubal ap, Mesek ap, tonda Tiras ap, sik winibuka nang deiamukak ulamik. Sik anang nirya ara, sik ni koproba si ara, Yafet ulamuk. Ati Yafet birye, anang nirya deiamukba, ulamik.

Kejadian 10:1

Nuh elce deiamuk mapu, sik si ara Sem ap, Ham ap, Yapet ap, weik mekwen ceprobukba, aminyan talak sikce deiamik mapu ap, anang arye, deiamik ninye ap ati, ayupu sekeipsine.