1 Tawarikh 1:10 - Eipomek

¹⁰ Kus birye, sal mi tonok ton deiamuk. Anye el si ara, Nimrod ulamuk. Nimrod elda, mikip weiknye ati, ninye mutuku yuma nirya ulamik nang kel kiamikce, elti, ‘Elda dipkoprob mikip weiknye ulule,’ nyalamikce ulamik.

1 Tawarikh 1:10 Referans Kwoze

Mika 5:6

Aminyan talak ara, Israel yala ninye mitik tonun dem, sirya tuba unmak ninye ara, yuk mutuku ninye kan-kan unamake. Winipmanto ara, mok ceplirye, ninye koulamice ning dam saklirye, teleb kibuka palamle ning atonun unamake. Tonda, kurye dei saklirye, palamle ning ayala-ayala nirya deice saklirye, namin upliba, teleb kibuka palamle ning atonun unamake. Mok ap, kurye dei ap ati, ninye arye, ‘Aning ara kum saknamle,’ nyanmatinga babye, tuba saklamle atonun, Israel ninye dipkoprob telebuk unamake. Sik nirya, Allah el dam anyuk kanye deibuka unamake.

1 Tawarikh 1:9

Aning atouk, Ham birye deiamuknye, el si Kus birye deibuk nang ara, sik si ara, ani. Seba ap, Awila ap, Sabta ap, Raema ap, tonda Sabtekha ap deiamukba, sikda amutuku nang ulamik. Tonda, Kus birye deibuknye Raema. Raema birye, deibuk nang ara, Syeba ap, Dedan ap ulamdik.

1 Tawarikh 1:11

Tonda, Ham birye deiamuknye, el si Mesir, elce deibuk nang, sik si ara, ani. Lidia ap, Anamim ap, Lehabim ap, Nabtuhim ap, tonda Patrusim ap, Kasluhim ap, ulamik. Kasluhim birye deibukba, dadeipdanin yangalamik nang, sik anang ara, Pilistin yala nang ulamik. Pilistin yala nang ara, sik deipkirikdeiyanamik nang ara, Kasluhim yala nang ulamik.