1 Samuel 9:1 - Eipomek

¹ Benyamin yala nang bona weik talinanye tonok, el si ara Kish. Tonda, el li bira, Abiel. Abiel el li bira, Zeror, tonda el delilyangananye Bekhorat, Bekhorat el yalanya, Apiah. Sik nirya, Benyamin yala nang ulamik.

1 Samuel 9:1 Referans Kwoze

1 Samuel 14:51

Saul el li koproba, el si ara, Kish ulamuk. Tonda, Abnar el li koproba ara, Nar ulamuk. Nar el li, el si ara, Abiel ulamuk.

Rasul 13:21

Samueltikuk talak ara, sik anang arye morobik. “Nun weik yupu bokolinanye Rajanye wipdeipsilyame,” nyabuka morobik. Sik morobikura, Allah arye, Benyamin yalanye, el si ara, Kis, el mi Saul, ‘Sik weik ninye deiyoknye Raja unamle’ tenen, wipdeibukura, Saul arye keting tamun yupa ara, 40 tahun deice arye, sik weik ninye deiyoknye Raja ulamuk.

1 Samuel 25:2

Ura, ninye tonok, el si Nabal, Moan mutuku ulamukce, el bona weik talinanye ulamuk. El tuku ap, bon-bona ap ara, weika arye talilamuk. El taleamuk tuku ara, mutuku si Karmel mutuku uamuk. Nabal el domba basam yupa weik, tiga ribu (3.000) domba weilamuk. Tonda, Nabal el kambing basam ara, yupa weik seribu (1.000) kambing weilamuk. Winilamuk ani, Nabal el domba basam potong kon talak kibukura, Karmel mutuku yanuka unmokba, Daud amutuku yayuk.

Ayub 1:3

Tonda, el pil don nang babye pia weik ulamik. Ulamikce, domba basam yupa tujuh ribu (7.000) ap, unta basam yupa tiga ribu (3.000) ap, tonda keledai basam yupa ara, pamubarye ratus (500) ap, sapi basam yupa ara seribu (1.000) ap, aning nirya talibuka weilamik. Winilamikbuk, sik keting yangan tam ulamik ninye noutamak bona weik nang ton aulamik bukni, el Ayub bira pia weik sisinanye ap, pia telebnye bira, el tonok ulamuk. El atonunye ton kum ulamuk.

2 Samuel 19:32

Barsilai, el ulamuk talak ara, keting tamun yupa weik delapan puluh tahun (80) deice, akunum wisi danamuk. Wisi akunum danamuk, diparyuk yayuke. Minop talak ara, bona utotoa talinanye ulamuka anya arye, Raja Daud Mahanaim mutuku bai tam binuka, ulamuk talak ara, Barsilai birye, minop talak arye Raja Daud, el dina ati, kintinibuka bobinamukce, arelamuk.

1 Samuel 10:23

Nyabukba, kekebikopura, adiparyuk Saul dugnupmokak, bikbik abuka, binuka eibikce, el inibuka boyayik. Boyayikopura, aninye urasinak tikukba, sik Israel ninye nirya, bumang nang ulamik bukni, elda cang weiknye anya arye, el kisok ara, sik nirya bisibuk.

Ester 2:5

Atalak ara, Persia mutuku weik deiyok asik kota Susan mutuku noutamak, ninye tonok ton, Yahudi yalanye, el si ara, Mordekai ulamuk. Mordekai el li bira, Yari. Yari el li bira, Simei. Simei el li bira, Kis ulamuk. Sik anang nirya ara, Benyamin yala nang ulamik.