1 Samuel 8:15 - Eipomek

¹⁵ Tonda, anggun gandum wa ap, anggur tapu duk wa ap, wilamunyeba, nong akunum uplyopura, awiplum ning ati, Raja arye, ton bokuka, seper sepuluh dalubuka dopropnamsile. El ti arepnamlume. Arepmunba, Raja arye, el amu tam pil dona weik deiyok nang ap, el dam melin nang ap ati arepnamle.

1 Samuel 8:15 Referans Kwoze

Daniel 1:18

Ura, Babel mutuku ninye deiyoknye, Nebukadnesar birye, “Keting tamun winilye deice arye, kel biknamake,” nyapdeiamuk touk, akunum ubikopura, atalak ara, Aspenas birye, sik akam nang nirya duknubuka, Raja el un dam boyayuk.

Daniel 1:3

Winibikopura, ninye deiyoknye Nebukadnesar arye, el amu tam pil donanye Aspenas biti, “Winipnulyame,” nyabuk yupu ara, ani. “Ance Israel ninye bobuka, boyanuka deipmap nang kan-kan arye, Yehuda mutuku taleamuk ninye deiyoknye Raja, el tam nang ton, bimince, wibuka na dam boyalyame. Tonda, Israel ninye talibuka ulamik nang arye, delilamik nang kan-kan ap, ninye ton dobuka, na dam boyalyame,” nyabuk.

Yesaya 39:7

Nyabukopura, aning ton dukdongobuka nyabuk. “Ance deiplum mapu noutam arye, yata wiribuka mapu ton, ance deiplumba, dadeipdanin banamak mapu noutam arye, Babel mutuku nang arye, ton nang boyanuka, sik pera mutuku, Babel mutuku bobikirye, amu tamuk deibikirye, ikin pil arebikiba, Babel mutuku talibuka deiyoknye Raja, el aik noutamuk pil donamakca. Allah arye nyapdeipkile,” Yesaya birye nyabuk.

Kejadian 37:36

Yakub birye, malye kanye bobuka, engelamok talak ara, sik Midian mutuku bukni, Ismael yala nang arye, Mesir mutuku biyikce, Yusup bobuka, ninye si Potipar biti, dekik. Potipar bira, ara Mesir mutuku taleamuk ninye deiyoknye Piraun, el amu tam pil dolamuknye, el yin talin nang, sik deiyoknye ulamuk. Ati, Potipar birye, Yusup dekukce taleamuk.

1 Samuel 8:14

Aninguk kum bukni, anggun wa tuku ap, talye tuku ap ton, Raja birye dopropnamsile. Ara, anggun kwaning wa ap ara, yo duk wa ap, anggur tapu duk wilamlumak weinye ning ara, pia teleb ning wibuka doproplirye, Raja el aik pil don nang ati arenamle. Raja arye, anggun mapu ara, pil dilamsiliba, pil donamake nyapsine.

1 Samuel 8:16

Aninguk kum bukni, tonda, sik pil melin nang babye, sik pil melin kilapu babye, pia teleb nang ara, Raja arye dopropliba, el piluk donamake. Aning atonun, anggun sapi basam do, kambing do, keledai basam do, pia teleb ning babye, el Raja arye dolonamsile.