1 Samuel 4:8 - Eipomek

⁸ Tonda, nyabik. “Se, dipkoprop, nun ikin upsile. Nunda yatanye birye lyepdopsutu do? Israel ninye arye, ‘Allah atonun ning, mikip weik ning arye, nun obuka sirya daksilyak’ tenen, yatanye birye lyepsutu do? Yuk isa mer nirya ara, ton kum lyepdopsitinge. Nun kele, minop talak ton, Mesir mutuku noutamak omukce, pata mutuku yangalamik talak ara, ninye nirya ati, wenepre yangalamuk Allah ara, nunce kum bisiptibye. Tonda, sik ni koproba Allah arye, Mesir mutuku ulamik ninye ati, kanye imun ning aning-aning nirya arelamuk ning ara, nun ton kekelamupe.

1 Samuel 4:8 Referans Kwoze

Keluaran 9:14

Nyapmakin bukni, anda malye winibuka, na yupu kum kekepnimince, ‘Israel ninye bana kume,’ nyapminyopura, anggun mutuku noutamak nirya, na mikip deice arye kanye imun ning pia weika arye arepnamasine. Ara, an ap, an pil dona deiyok nang ap, anggun amu tam unyak ninye nirya ap, ikin weik unamlume. Winipnamna deiyok ara, an ap yuk ninye nirya ap, ‘Se, Allah ara, tukwak mutuku im sirya, mutuku sirya nirya noutamak ara, el atonunye ton kum ulule’ tenen, kel biknamnululuma atia.” Allah arye Musa biti, “Ayupu ara, Firaun dam laka nyalbanamlyame,” nyabuk.

Keluaran 7:5

Aning nirya akunum winipnyopura, adeice arye, Mesir mutuku nang eibikirye, kel biknamake. Ara, ‘Se, anye mikip weik arye, kanye imun ning weika arye deipmasilnye bira, ara dipkoprob Allah Yahweh, elda Allah ulule. Atalak ara, ‘Na Allah arye, Mesir ninye noutamak arye, Israel ninye, sik ayala-yala nirya lobuka bobinyopura, Mesir mutuku ninye nirya kel kipnamniyake.’ Allah arye, Musa biti nyabuk.

Wahyu 11:6

Anang bitinye ara, mikip deiyok ning, sik nong deice akunum ulula anya arye, sikce Allah el yupu nyanamdak talak nirya, sik nyapdica deice arye, mok pia kum cenamle. Tonda, sik tenepdice talak nirya ara, sik mikip deice arye yupu nyaprikba, tukwak mutuku mek nirya ara, ining biuk unamle. Tonda sikce nyapdicopura, tukwak mutuku im sirya, mutuku sirya nirya unyak ninye ati, kanye imun upnamle uk, ayala-yala nirya weik dinamle.

1 Samuel 4:7

Sik Pilistin ninye nirya arye, ayupu pia moubuka kekenmek talak ara, sik ilil weik ubuk. Sik ilil ubukba sikce nyabik. “Se, sik talibuka unyak Allah ara, sik baju bol doltakna tenda aik domiknye dam yanuka deipmakba unmale. Se, nun bicoe. Awinipmala atonun ning ton, minop talak arye, dipdongobuka wini talak ton, pia kum winilamsuke. Ati ara, aning nun dam yanmala ati, kanye imun upsile,” nyabuka, malye yupu nyabik.

1 Samuel 4:9

Ati ara, dipkoprob engopmasile. Ati, se, nun Pilistin ninye nirya ara, talima mikip kibuka unamabe. Mikip arye ninye olbalamaka atonunuk kibuka unamalulume. Anggun nirya arye, aning atonun kum winipmunyopura, Ibrani ninye arye obuka, sirya daksiceura, nun nirya anggun pil melin ninye atonun, kibuka unamabe. Ara, ‘Minop talak sik Ibrani ninye nirya nun amu tam ulamik touk, sikce obuka sirya daksicopura, nun babye atonun winibibyak’ tenen, nyapsiyabe. Ati ara, anggun babye sal anya arye, mal olan talak ara, mikip kibuka kintiniplulume,” sik Pilistin deiyok nang arye, sik amu tam yin talin nang ati nyabik.

Keluaran 15:14

Winipminyopura, ninye mutuku-mutuku nirya kekebikirye, ilil ati sirim talipnamle. Pilistin mutuku nang arye, ikin kanye bopnamake.

1 Samuel 5:7

Sik Asdod mutuku kili sal pia weik, suse sik nong deice arebukba, dilamuk ning ap, winipre balamika deice arye, uk dilamuk ning ap, abitinye ning winilamuka deice arye, sik Asdod mutuku noutamak ulamik kili sal nirya arye, moubuka elilamikce, nyalamik. “Se, Israel ninye arye, si erenyak Allah arye, sikti, el nyalin yupu areamunkba, amarikna Peti Perjanjian pum bisik deibik ning ara, nun dam pia kum bataknamabe,” nyalamik. “Tonda, anyalamuk yupu deiyoknye bira, el taruk mikip deice arye, ikin ning weik aresulule. Nunce si erenyap isa, el si Dagon babye, elti, pia ikin weik ning arelule,” nyalamike.