1 Samuel 30:27 - Eipomek

²⁷ Ara, sik Betel mutuku ulamik nang ap, Yehuda yala nang bukni, Ramot Negeb mutuku nang ap, tonda Yatir mutuku ulamik nang ap ati, Daud birye, abona bokuka, arebukba doprobik.

1 Samuel 30:27 Referans Kwoze

Yosua 15:48

Atonun, mutuku tam ton, weik asik dolamik ning ap, mitik asik dolamik ning ap, dobuka ulamik asik yupa ara, koklombarye (11) ulamik. Amutuku si ara, ani. Samir mutuku ap, Yatir mutuku ap, Sokho mutuku ap, Dana mutuku ap, Kiryat-Sana mutuku ap, (aning ara, Debir mutuku ton nyalamik), Anab mutuku ap, Estemoa mutuku ap, Anim mutuku ap, Gosyen mutuku ap, Holon mutuku ap, tonda Gilo mutuku ap, winibuka mutuku doprobikce, sik mutuku dem kipdobik.

Yosua 19:8

Atonun, anyasik si yuk-yuk sekmap ning ap, asik pia weik dobuka ulamik sukum mutuku dam nirya ap, amutuku dam bukni, mitik-mitik asik dolamik ning ara, weik tonun dobuka ulamik. Anyasik dobuka ulamik mutuku ara, amutuku arye, dipdongobuka binamuka ani, selatan tam Bahalat-Beer mutuku tam binamuk. Bahalat-Beer mutuku atibuk ton si ara, Rama mutuku nyalamik. Amutuku ara, pata weik uamuk arye, mek kum balamuk mutuku sukum tam, el si ara, Negef mutuku noutam uamuk. Amutuku noutam nirya uamuk tuku ara, Yosua birye arebukba, sik Simeon yala nang ap, sik duweit dem arye, aning nirya talibuka ulamik.

Kejadian 28:19

Winibukce, amapmok mutuku si ati, “Betel mutuku,” nyabuka si dopdeibuk. (Ibrani yupu deice ara, Betel deiyok ara, ‘Allah el aik,’ tenebuka nyalamik.) Yakub mapmok mutuku mitik anun otam, ninye aik si ara, Lus mutuku nyalamik bukni, elce amutuku ati winiryuk si dopdeibuk.

1 Raja-Raja 12:29

Yerobeam birye nyabuka aning akunum winibukopura, tonok sapi basam mi urasin atonun kintinip deibuk ning ara, Betel mutuku deibuk. Ton yuk ning ara Dan yala nang ulamik mutuku deibuk.

Yosua 16:2

Amutuku wilinak ara, Betel mutuku arye binuka, dukdongopbuka biyukce, Lus mutuku tam dinikilbiyuk. Adinibuka, otam mutuku, Atarot mutuku bisibuka, Arki yala nang ulamik mutuku bisik balamik tamuk, binuka eibik.

Yosua 7:2

Daulamuka ani, aminyan talak aryuk, ninye si Yosua bira, Yeriko mutuku arye, Ai mutuku dilbana ati, ninye ton nukukabukce, wipdeibuk. Ai mutuku dilbana ati ara, tonok mutuku keting yangan tam, Betel mutuku dam, otam mutuku si Bet-Awen mutuku dilbiyik. Ara, Yosua birye, anang wipdeibukce, nyabuk. “'Ai mutuku unyak nang, obuka sirya daknamapʼ tenen, Ai mutuku ulul ning nirya, dilbimunce biknululume,” nyabukopura, anang wibuka deibukce, apil arukukba, biyik. Sik Ai mutuku dilbiyik nang ara, amutuku noutam ulamik nang ap, wilamik ning nirya ap ati, dilbiyikce bikik. Sik anang arye, pil arukamuk ning, akunum dobuka sirya dakikce, tamubuka, Yosua dam yayik.

Kejadian 12:8

Yangapdeibukce, asukum panabuka bisik banmoka ani, Betel mutuku bukni, keting yangan tam ara, mutuku kon welebukce binuka, tenda cang kain aik dobuk. Betel mutuku ara, keting wekelban tam, Ai mutuku ara, keting yangan tam noutam ara, el tenda aik dobuk. Asukum ton Allah el si Yahweh ati, el si erena ap, el arena ap ati, keil pala dobukabukce, keil yangapdeibukce, Allah el si Yahweh yukubukce morobuk.

Yosua 8:9

Aning nirya akunum nyabukura, Yosua birye el yin talin nang yupa pia weik, 30.000 nang wibuka dopdeibukba, Ai mutuku atam, Betel mutuku otambuk noutam duknulbiyik bukni, sik duknupmekak ara, Ai mutuku keting wekelban barat tam binuka, duknulbiyik. Winibikce, sik mal olan nang ati binuka kalikik. Binuka kalikik bukni, sik deiyoknye Yosua bira, el tam koproba nang, Israel ninye ara, sik tenda aik dopdeiamikak binuka mabik.

Yosua 16:1

Yusuf el mapu arye deibikba, deipdanin balamik nang ara, sik ulamik mutuku bokuka dolona ati, Allah arye sikti, ‘Amutuku tam talibuka unamakʼ tenen, kintinibuka arebuk. Arebuk mutuku tam wililamik ara, “Winiplulume,” nyapdeibuk. Amutuku wilinak ara, Yordan mekin otam, Yeriko mutuku arye dipdongobuka binamuka ani, keting panalyangan tam, bilamuk mek pu nirya ap, tonda, mek wenenga kan-kan ap, binuka doprobik. Ara, Yeriko mutuku arye, eitam weik mutuku bulbiyukce, Betel mutuku dup binuka, dukdongobuk mutuku nirya dopromik.