1 Samuel 30:17 - Eipomek

¹⁷ Wininmekce, asum sintam arye, deiyok koubuka, alukunyan ap, beren tam ap, keting noutam ap, anyapce sintam ap, atalak noutamak nirya, Daud ap, el yin talin nang ap arye, sik Amalek yala nang ati, mal pibiyik. Pilbiyikce, pia olanmek ani, lukunyan kibuk. Daud ap, el yin talin nang ap arye, Amalek nang weika arye, obuka sirya dakikura, amutuku ulamik kam nang yupa ara, empat ratus (400) nang, ‘Bura sakuka binuyap’ tenen, unta nyalamak ning, balye deice bukukabikce, bai sakuka bindobik. Bindobik bukni, yuk Amalek nang nirya ara, tonok babye, ton kum biyik. Anang nirya obuka, sirya dakik.

1 Samuel 30:17 Referans Kwoze

1 Samuel 11:11

Nyabuka mapmika ani, akunum berekukopura, asum noutamak ara, Saul birye, el yin bon nang bokuka, yupa winilye kintinibuka deibuk. Winibuka unmokba, inipmoka ani, akunum bereknuyuk talak ara, el yin talin nang nirya arye, sik Amon mutuku doltakna aik, mapmeka noutamak yanuka warikik. Atalak aniryuk deiyok koubuka, Saul el tam nang arye, sik Amon mutuku ninye nirya ati, olanmika ani, berekukce, keting purupan talak arye, olanmeka ani, keting duk-dukan babye, tuba olanmekba, ninye weika arye obik. Obikce, Amon mutuku nang, mitik tonun dem batakdongobikba, anang nirya, bai sakuka bindobik. Biyik talak ara, sik ninye bitinye-bitinye kibuka, balona kumce tonok-tonok bokdanuka, bisik yuk-yuk bindobik. Sik nirya ilil weik ubukba, yuk-yuk bokdanuka, tonok-tonok bindobik.

Mazmur 18:42

Anang ara, na ap, sik ap olanmabu talak ara, sikce, ‘Se, yatanye birye yalirye, melibuka lyepsutu do?’ tenen, an Allah ati morobik bukni, ance sikti, bataknauk winiplume. Diba, na mal olan nang ara, ‘Allah Yahweh arye yanuka melipsutu do?’ tenen, anti weik yupu deice morolamik bukni, an Yahweh ara, anang arye morolamkik yupu pia kum kekelamlume.

1 Samuel 15:3

Ati wini talak ara, anggun nirya bimunce, ‘Bico,’ tenena kum diparyuk, Amalek ninye nirya opnamlulume. Tonda, sik talibik ning nirya ara, tonok ning babye, ton kum bataknamlulume. Aning nirya obuka, sirya daknamlulume. Sal ap, kilapu ap mapu ap, kilmapu ap, moum din mapu, aling pum lin mapu ap opnamlulume. Tonda, Amalek nang, sik sapi ap, domba ap, unta basam ap, keledai basam ap, nirya obuka, sirya daknamalulume,’ Allah arye nyapmakile,” Samuel birye nyabuk.

Hakim-Hakim 4:16

Winibuk talak ara, Barak ap, el mapu silip ap arye, sik kuda basam libuka adeice bukuka banmek nang ati dobolbanmika, Haroset-Hagoyim mutuku nang dam biyik. Abisik banmek talak ara, sik parang ya arye, Sisera el mapu binuka obuka, sirya dakik. Tonok babye ton kum batakik.

Hakim-Hakim 7:12

Ura, sik Midian yala nang ap, Amalek yala nang ap, tonda yuk yala nang, keting panalyangalamle tam ulamik nang ap, mekinak, weik lyu noutamak akunum aik dobuka ulamik. Sik ninye ara, sul kwising pia weika arye amulamak tonun, nukmanto kum pia weik ulamik. Tonda sik unta basam ara, mek wininga yamulamla atonun, pia weik ubika ati, kum nukmanto kibuk. Ati sik ninye ap, unta basam ap ara, kum nukmanto ubuk.

2 Samuel 1:1

Saul akunum dibukopura, Daud birye Amalek mutuku nang, obuka kum danaibukce, tamubuka Ziklak mutuku dam yanuka, like bitinye mabuk.

1 Tawarikh 4:43

Sik anang ara, Simeon birye deibukba, dadeipdanin yangalamik nang ara, Edom tam noutam, Amalek yala nang ton, mitik tonun sirya tuba aulamik nang dam, binuka obuka sirya dakamik mutuku ulamik nang obuka, sirya dakikce, malye kibik talak ara, adiparyuk, amutuku tuku babye, alubuka doprobikce, talibuka ulamik.

Yeremia 41:15

Anang weik tam ara, Yohanan tam kipdobikce, biyik bukni, Ismael melibuka banmik nang, ninye pinbarye nang ara, Netanya el mi Ismael melibuka banmik. Bikbik abuka banmika ati, Ismael ap, abanmek nang ap, sik Amon yala nang ulamik mutuku biyik.

2 Raja-Raja 7:5

Sik anang ara, keting otam weknuyuk talakuk, Aram nang tia aik, cang kain doltakne tenda aik dobuka ulamikak biyikura, adiparyuk aik kum biyik. Aik damuk binuka wekuka dinmekba, awinipmek talak ara, ninye tonok babye, aik pum ton kum unmek.