1 Samuel 28:4 - Eipomek

⁴ Ura atalak ara, sik Pilistin ninye arye, ‘Israel nang ap opdanamabe’ tenen, akunum kintinibikce, sik baju doltakna aik ara, Sunem mutuku dam binuka dobik. Dobik talak babye, Saul ap, Israel nang, sik yin bon nang nirya ap, Gilboa mutuku binuka, sik baju doltakna aik dobik. Ara, amutuku dam ‘Israel nang ap, Pilistin nang ap opdanuyap’ tenen, kintinibik. Amutuku bitinye ara, mitik damto kibuk.

1 Samuel 28:4 Referans Kwoze

1 Samuel 31:1

Atalak ara, sik Pilistin yala nang arye, Israel yala ninye ati, ‘Obuka, sirya daknuyap’ tenen, olyanmek. Olanmekba, sik Israel ninye ilil ubukba, bikbik abuka biyik bukni, Pilistin nang arye, ninye weik obik. Ara, mutuku si Gilboa mutuku deice arye, Israel ninye weik obik. Obikba, Saul ap, el mapu koproba ap, el melin nang ap, nirya bikbik abuka bindobik.

Yosua 19:18

Isakar yala nang ati arebuk mutuku ara ani. Yisreel mutuku ap, Kesulot mutuku ap, Sunem mutuku ap,

2 Raja-Raja 4:8

Tonok sum Elisada, Sunem mutuku biyuk. Biyukce, amutuku ulamuk bona utotoa talin kil arye, elti, nyabuk. “Din neika dipnamabe,” nyabuk. Ati ara, yata wiribuka talak do, amutuku tamubuka balamuk talak nirya ara, akil dam binukapna arye, sik din neika dipna arye, tuba balamuk.

2 Samuel 21:12

Nyabikura, Raja Daud kekebukce, adiparyuk bikbik abuka, minop talak weiamik nang, Saul el yoka ap, Yonatan el yoka ap, Yabesh mutuku bukni, Gilead mutuku nang ulamik sukum binuka dolbiyuk. (Sik anang arye, ayoka nirya ara, Bet-San asikak, amutuku noutam arye, akunum ubula dopromik. Ara, sik Pilistin nang arye, Gilboa mutuku dup arye, Raja Saul obikce, el nong ap, Yonatan el nong ap, dirilkwetelyanamik sukum ara, Gilboa mutuku dup, Raja Saul akunum obuka, sirya dakik. Obuka sirya dakik arye, sik nong dobuka, amutuku Bet-San asik noutam deiplobik.) Daud birye, ayoka nirya anyak arye doprobuk.

2 Samuel 1:21

Ayupu ton nyabuk. “Se, na kwit capu, Gilboa mutuku dam umunye ninye ati, nyapnusine. ‘Mok ap, mok puru ap, anggun dam pia kum sakanamle’ tenen, moropne. Tonda, ‘Mok kum ceplirye, anggun wa win dam malye upliba, batakikcopura, tuku nirya, kel-kel abuka mikdopnamle. Ninye din lilamak ning, pia kum danamle’ tenen, moropne. Aning nyapsin yupu deiyok ara, ‘Sik mutuku noutamak ara, mikip weiknye, Saul, el ting atonun ning, akunum malye kiplobik. Tonda, Saul el ting atonun ning ati, tuba tamubuka, tonap basam meta dobuka, kum liknamake. Aning babye, akunum singnibikba, sisilya arang burubuk’ tenen, nyapsine. Anya arye tamubuka, kum teleb kipdeiptinge.”

2 Samuel 1:6

Ayupu boyanmoknye, kamnye birye, Daud biti nyabuk. “Na dipkoprob Gilboa mutuku deice unmanurye dimanubuk, sik Pilistin mutuku yin nang arye, ‘Saul opnuyap’ tenen, kereta basam balye deice bukuka, bikbik abuka yanguba, Saul bira, minopce bindopman kum upua ati, el ninye on kama taice ketebuk ning, talibuka tekmoba eipmanue.

1 Samuel 28:5

Sik nirya bulubuka, kintibika wekikba, sik Pilistin yala nang, sik yin talin nang ara, pia weik bulubuka wekmekba, Saul eibukce, ilil pia weik ubukba, ikin kanye bobukce, yok sirim talibuk.

1 Raja-Raja 1:3

Nyabuka sik anang arye, Israel mutuku noutam nirya, kabunye kil urasin pia teleb kil ati elbiyik. Epra banmeka ani, Sunem mutuku kam kil, urasin pia teleb kil tonok, el si Abisag eibik. Eibikopura, Abisag adiparyuk boyanuka, Israel ninye deiyoknye Raja Daud el dam boyayik.

1 Samuel 31:8

Tonda, sik nirya mapmeka, berekukopura, sik Pilistin nang arye, ambusum oplopmapu nang, ‘Sik nong ongolamungu ning ap, sik bon-bona ap dopropnuyap’ tenen, opdanmekak yanuka dipdeyik. Gilboa mutuku deice, binuka dipdeyikba, Saul ap, el mapu winilye nang ap, oplopmekba, atuba upmokak eibik.