1 Samuel 28:1 - Eipomek

¹ Ura atalak ara, Pilistin mutuku yin bon nang nirya, bulubuka yupu talibik. ‘Israel ninye olbinamap’ tenen, kintinibik. Kintinibikopura, tonoknye el si Akhis birye, Daud biti nyabuk. “Anda moubuka tenepnulyame. An ap, an amu tam unyak yin bon nang ap, nirya bulubuka, kintinipmunba, na ap, na yin bon nang ap arye, yuk mutuku nang ati, mal olbinamabe,” nyabuk.

1 Samuel 28:1 Referans Kwoze

1 Samuel 17:1

Atalak ara, Pilistin ninye, sik yin talin nang nirya bulubukabikce, kintinibik. Ara, mutuku si ton, Soko mutuku bulubik. Yehuda yala nang, talibuka ulamik mutuku tam, sik aik ara, Soko mutuku bulubik. Sik doltakna baju aik ara, Aseka mutuku atam, Soko mutuku otam, anoutamak, mutuku si Efes-Damim mutuku dam, yanuka dobik.

1 Samuel 27:12

Daud birye, ‘Dipkoprop yupu nyana kumce, tilila yupu aryuk nyanamneʼ tenelamukce, Raja Akhis biti, aninguk lak nyalamuka anya arye, Raja Akhis birye, Daud biti aning ara, utenelamuk. ‘Kume, dipkoprob Daud el mutuku koproba unyak ninye, sik Israel mutuku yala nang arye, Daud biti yu tenebikirye, ‘Anye bira, nun like,’ tenepnamake. Ati ara, el mutuku koproba tamubuka, kum binmanto unamla anya arye, Daud bira, ‘Na mutuku tam ulirye, na pil pia donamnile,’ tenelamuk.

1 Samuel 13:5

Atalak ara, Pilistin ninye arye, Israel ninye olbana ati, ninye weika arye bulubik. Sik yin talin nang ara, laut mekwen kup-kup keil wenenga, pasir atonun ubika arye, nukmanto kum ubik. Tonda, sik kuda basam arye libuka, kereta bukuka, tuku deice ban ning ara, yupa weik, tiga ribu (3.000) kereta kintinibik. Aning atonun, akereta talin nang, yin talina deiyok nang ara, enam ribu (6.000) nang wipdeibik. Israel ninye olbana ati, Mikmas mutuku binuka kintinibik. Mikmas mutuku ara, atam keting yangan tam ara, Bet-Awen mutuku binuka kintinibik.

1 Samuel 7:7

Atalak ara, yuk nang arye, “Israel ninye nirya, Misba mutuku uk bulubuka wekmake,” nyabikba, Pilistin ninye taleamika deiyok nang kekebikopura, deiyok koubuka, sik mapu yin nang arye, Israel ninye ap olana ati, “Misba mutuku binuyabe,” nyabikce kintinibik. Kintinibikba, Israel ninye aning kekebikce, ilil weik ubuk.

1 Samuel 31:1

Atalak ara, sik Pilistin yala nang arye, Israel yala ninye ati, ‘Obuka, sirya daknuyap’ tenen, olyanmek. Olanmekba, sik Israel ninye ilil ubukba, bikbik abuka biyik bukni, Pilistin nang arye, ninye weik obik. Ara, mutuku si Gilboa mutuku deice arye, Israel ninye weik obik. Obikba, Saul ap, el mapu koproba ap, el melin nang ap, nirya bikbik abuka bindobik.