1 Samuel 25:1 - Eipomek

¹ Samuel dibukba, Israel ninye nirya, bulubuka yanamikce, yanuka engelamik ani, Samuel el nong weibikak ara, el mutuku koproba, Rama mutuku weibik. Akunum weibikopura, aminyan talak Daud adiparyuk mek kum ati, ninye kum ulamik mutuku, mutuku si Paran mutuku biyuk.

1 Samuel 25:1 Referans Kwoze

1 Samuel 28:3

Ura, atalak ara, Allah el yupu laka nyalamuknye, Samuel bira akunum dibuk. Dibukopura, Israel ninye nirya engenmika ani, el nong bobukabikce, el mutuku koprop, mutuku si Rama mutuku weilbiyik. Tonda anoutam ara, Raja Saul birye, Isa Mutuku Dongonye si erelamik nang ap, asing keten nang ap, akunum diamik ninye kanye arye, yupu asik selamik nang nirya ap ara, Israel ninye ulamik mutuku noutamak ara, min arye akunum yakuka, dopkwetebukba binamik.

Ulangan 34:8

Musa dibukopura, Israel ninye arye, Musa el dibuk ning ati, Moab mutuku noutam bulubuka, like yupa tonok kepdopnye pamubarye (30) sum noutamak nirya arye, Israel ninye nirya bulubuka engelamik. Atalak engelamika ani, like yupa tonok kepdopnye pamubarye (30) sum akunum kibukopura, batakik. Sikce Musa biti engelamik ning ara, sirya batakik.

Bilangan 20:29

Kolukrikce, “Harun akunum dipmale,” nyabuka, yan laka nyaprikba, atalak ara Israel ninye nirya arye, like yupa tonok, keba tagu barye, 30 sum deice arye, bulubuka weklamikce, weika arye engelamik.

2 Tawarikh 33:20

Ura, aminyan talak ara, Raja Manasye dibukba, el li yapu dipneura, weilamik touk bukni, el nong bobuka, ninye deiyok nang ulamik pia teleb aik, istana Raja aik pum tamuk binuka weibik. Winibikce, el pununa ati ara, elce deiamuknye, el si Amon, elce punubuka, ninye deiyoknye Raja kibuk.

Rasul 8:2

Bukni, sik bayik akarye batakik nang, Allah nyalilamuk yupu pia talibuka diksukumuk ulamik nang arye, Stefanus nong dobuka weibikak arye, sikce elti, pia bico ubukura, mambul kanye bobuka engelamik.

Bilangan 10:12

Ara, Allah arye arelamuk weik dua lobuka balamuk touk, aning elilamikce, adua balamuk touk, sik Israel ninye babye, melibuka balamik. Winibuka winilamika ati ara, adua balamuk touk, sik min arye ulamik mutuku, Sinai mutuku deiyok dam arye panabuka mok kum ati, ninye kum ulamik mutuku noutamak, talye diamuk balamika ani, aminyan talak mok ap, mek ap, kum ati, ninye kum ulamik mutuku, amutuku si Paran mutuku, adua binuka tikmok. Adua binuka tikmokopura, Israel ninye babye, Paran mutuku uk binuka, sik cang kain bol doltakna aik dobikce, amutuku uk ulamik.

Kejadian 21:21

Aminyan yuk talak ara, el lin ap, el ap, ninye mitik anun ulamik. Mutuku si Paran mutuku, ulamdik talak ara, el lin birye, yuk nang ap yupu sisikukce, Mesir mutuku kil arebikba, Ismael birye dobuk.

1 Raja-Raja 2:34

Nyabuka ati, Benaya bira, Allah Yahweh el si erena ati, domik aik dam biyukce, Yoab biti binuka oplobuk. Obukopura, Yoab el nong dobuka, bai tam bobiyukce, amutuku noutam Yoab birye, el mining dolamuk aik dam binuka, tuku lukik.

Bilangan 13:3

Allah Yahweh arye nyabuk ati, anyapmok touk, Musa birye Israel ninye ayala-yala nirya bukni, yuk-yuk noutamak arye, ninye obarye nang (12) wipdeibuk. Wipdeibukce sikti, “Kanaan mutuku makameil bilulume,” nyapdeibukba, Paran mutuku mek kumak tonda ninye babye una kum mutuku dopdeibukba, Kanaan mutuku noutamak makameil biyik.

Yesaya 14:18

Tonda, sik yuk mutuku nang nirya ara, sik talibuka ulamik deiyok nang, Raja-Raja dibiceura, sikce, ‘Se, nun deiyoknye dipsileʼ tenen, weik arye engebuka, sik Raja-Raja nong kanye deibuka, urasin teleb bobuka, weilban sukumuk weilbanyake. Raja-Raja nirya, yuk-yuk bukni, teleb sukumuk weibikirye, anang ati, tuba si renyake.

Mazmur 120:5

Se, nara, bico tenena kumce, pia yu upliba, yuk nang ati, oltakanauk wininyak ninye noutamak ununa anya arye, na malye kanye bonune. Ara, sik yu weik ninye, Mesek mutuku nang ap, Kedar mutuku nang ap atonun, ubuka wininyak ninye noutamak neika ununa ati, na malye kanye bobuka unune.

1 Samuel 7:17

Nirya banmana ani, aning akunum winipnopura, el mutuku koproba, Rama mutuku tamubuka yangalamuke. Amutuku babye, Samuel biryuk Israel ninye, sik yupu lipsisikuka bokolina deiyoknye ulamuk. Tonda, Allah el si Yahweh kibuka, el si eren ati, Samuel birye keil pala dobuka, Rama mutuku noutamak biyukce, keil pala lelebuka yangapdeibukce, kam ning obuka, akeil pala deice uku dalamukce, Allah ati arelamuk.

Bilangan 13:26

Kanaan mutuku binamikce, elilamik ning ap, ulamik ning nirya ap ati, ninye kum mutuku Paran mutuku bukni, Kades mutuku ara, Musa ap, Harun ap, Israel nang ap, ulamikak minopce tamubuka, amutuku uk yayikce, Kanaan mutuku dilbinamik nang arye, Kanaan mutuku moulamuk anggur tapu duk ap, yuk yo duk ap, dakuka boyanamik ning ara, Israel ninye kel kina ati, yanuka laka nyabikba, aninye nirya eibikce, kel bikik.

Bilangan 12:16

Like tekbarye sum akunum ubukba, Miryam tamubuka yayuk talak ara, Israel ninye ara, Haserot mutuku arye batakuka, Paran mutuku biyik. Ara, Paran mutuku ara, mek kumak anya arye, ninye ton kum ulamik. Amutuku noutamak biyikce, sik baju bol doltakna aik binuka dobik.

Kejadian 50:11

Sik nirya wininmek bukni, amutuku ulamik nang Kanaan tam ninye eibikce nyabik. “Se, sik Mesir tam ninye arye weik yupu arye malye nyana ap, engena ap unmaka ara, urdem ati kume. Ara, sisinanye dibuka ati unmaka anya arye, mambule.” Nyanmeka ati ara, otam arye dipdongobuka anoutam talak nirya ap, amutuku si ara Habel-Misraim nyabuka si dobikce, si silamik.

2 Raja-Raja 21:18

Raja Manasye, el akunum dibukopura, urasin teleb ning kouamikak, el si ara, taman istana, ninye si Uza, elce deibuk ning noutam ara, Manasye el nong bobinuka weibik. Winiplyopura, Manasye el mi Amon, el li punubukce, ninye deiyoknye kibuka, Yehuda tam ulamik ninye talibuka ulamuk.

Kejadian 23:2

El dibuk mutuku si ara, Kanaan mutuku noutamak bukni, Kiryat-Arba mutuku, tonda amutuku bukni, si ton Hebron mutuku ton nyalamik. Dibukba, Abraham arye, ‘Se, na kil dipmanile,’ tenebukce, ikin kanye bobuka, engenmokce, malye yupu nyanmok.

1 Samuel 1:19

Asum ara, sik nirya mapmeka ani, beren tam koproba arye, Elkana el bona nirya bukuka, Yahweh el si akunum erebikopura, tuba tamubuka, sik mutuku koproba, Ramataim mutuku biyik. Aminyan talak ara, Elkana ap, el kil Hana ap, asukumuk daulamdikce, el kil ap neika mapdikura, Allah arye mi arebukba, Hana birye Allah ati, morolamuk ning ara, akunum arebukura, aminyan talak sal mi deibuk.

Zakaria 1:5

Bukni, asipdesine. Anggun moubuka tenipdelulume! Anggun apu yapu nang ap, sik minop talak ulamik nabi nang ap ara, wini talak ara, dan mutuku unyak do? Ati, sik anang nirya ara, pia tuba-tuba kam kum unyake. Anang nirya ara, akunum dibikba, kum dayike.