1 Korintus 4:21 - Eipomek

²¹ Aning ati ara, anggun patapsilye ning ara, dan ning do? Yu upniliba, wenepsinirye, kama dobuka olyanamsin do? Akumopura, bico tenepsinirye, kanye deibuka nimalye aryuk yanamsin do? Anggunce, ‘Teleb ning dan do?’ tenen, wipnamlulume. Na Paulus arye, nyapsine.

1 Korintus 4:21 Referans Kwoze

2 Korintus 13:2

Ara, like bitinye talak anggun dam yanuka neika ulamubu talak arye, sik malye winilamik ninye ati, “Kanye mouplulume,” nyabuka wenyamse touk, wini talak ababye atonun, yukak unman bukni, tuba tamubuka tonap, anang ati nyapnusine. Narye anggun dam Korintus mutuku tamubuka yanyopura, anggun minop talak peterelamsise bukni, tuba tamubuka malye wininyak ninye ap, yuk malye wininyak ninye ap, ‘Dauplye’ tenen, “Nun malye wininyabe,” nyabuka, sik malye winin ning kum batakanyak ninye tuba winikibuk eipnyopura, “Dauplye,” nyabuka nimalye arye kum wenepnamsine.

1 Tesalonika 2:7

Ikin kum kipdeiamsube. Aning kum bukni, sik nin yapu arye, siki mapu ati, pia bico tenebikirye, nimalye arye melilamaka atonun, nunce anggunti atonun winilamubu.

2 Korintus 13:10

Adeiyok ati ara, na ap, anggun ap neika kum unyap talak noutamak arye, asurat deice nyapmasin touk, ayupu wenebuka sekeisunune. Tonda, ‘Na yupu kekebikirye, sik malye winin ning nirya bataktingopura, narye sik dam binuka unamap talak ara, nimalye aryuk utinyeba, talye kanye deibuka neika unamap’ tenen, ayupu atonun yupu sekuka surat dolkwetesunune. Nun Ninye Deiyoknye Yesus arye, ‘Na ti dib tenenyak ninye ati, deiyoknye unamle’ tenen, pil areamnuka deiyok ning ara, ‘Aripniba, elce sik dib tenenyak ninye ati, sik talima mikip kipdeipliba kanye talima wisipnamle’ tenen, arenulule. ‘Anggun nong deice ikin ning deiplibuk, sik kanye talima sukunamle’ tenen, pil dona deiyok ning arepnilibuk, kum pil donune.

2 Korintus 2:3

Atalak arye ikin surat sekeipsina deiyok ara, nyapnusine. Ara ‘Kume, na kanye delina ati, teleb uptingba, na kanye deiptinye,’ tenenun ninye ara, anggun Korintus mutuku ululum ninye anya arye, ‘Sikce malye ubikiba, narye sikti, ikin kanye bonune’ tenen, minop talak ara, surat tonok sekuka dopdeipsise. Ara, ‘Malye winibicak’ tenen, yupu sekelongona ati, mince asurat sekeipsise. Tonda, utenepsise. ‘Kume, sik Korintus ninye nirya ara, na teleb kanye bonun touk, anggun babye atonun teleb kanye bobuka, neika unamabe,’ tenepsirye kanye teniltona kumce, aninguk dib tenepsise.

2 Korintus 1:23

Ara, yuk yupu ton nyapnusine. ‘Diba tenepnamnulum’ tenen, Allah dinmasil deice arye, ayupu dipkopropuk nyapsine. Na minop arye anggun dam Korintus mutuku tamubuka kum yase deiyok ara, ‘Ikin ning anggun nong deice kum deipnamne,’ tenepsa ati, anggun dam tamubuka kum yanamse.

Yakobus 3:17

Amalye un ning akunum nyapmasin bukni, Allah arye weik kel bikilina deiyok ning arisulula ara, winira nyapnusine. Minop ara, el kel bikilina deiyok arisilye ning ara, yuk malye ning tonok babye tabakuka kum ulule, diksukumuk ulule. Ton anang ara, ‘Nun nirya talima nimalye aryuk, telebuk neika ulamtibye’ tenen, patalule. Tonda, sikce, ‘Na yupu nyapnikcopura, yuk nang kekebikirye, alye una ap, ilil una ap, kanye ikine ap, kanye delina ap, unamak do, kum do?’ tenen, minopce moubuka teniltonyake. Tonda, ninye arye yupu nyabikibuk, moubuka kekebikirye, nimalye aryuk unyake. Tonda, yuk nang malye ubicopura, ‘Na adiparyuk wenebuka optinye,’ kum tenebikirye, anang ati, bico tenebuka luba kilongonyake. Sik yupu nirya ara, duknuna kum arye, lak akuk laka nyanyake. Ton ninye urasin eibikirye, sik kanye kum bokolinyake. Sik teleb ubuka diksukum unyak ning noutam nirya ara, duk telebuk moulule.

2 Korintus 10:6

Ara, anggun Korintus mutuku ninye kan-kan, ton nang arye, sik malye wininyak ning batakikce, Kristus ati, pia teleb ubuka dobolbanyake. Ton nang ara, tuba malyeuk wininyake. Aminyan talak, Allah yupu yanibuka tuba malye winipnamlum nirya ara, akunum kintinyamipye arye, wenebuka yupu sekelongonamabe.

2 Korintus 2:1

Aning ati ara, narye utenepse. ‘Kume, mince sik Korintus mutuku ninye dam binamsirye, pil dolamsiba, sik ikin kanye bolamik touk, tonap kum wininamake,’ tenepsirye anggun dam tuba tamubuka tonap kum yase.

2 Korintus 10:8

Allah arye pil dona deiyok ning arepsuk ning ara anggun dib teneplum ninye ati, kanye talima kwa dibuka melina ap, peterena ap, talima wisilina ap ati, areamsukce, ‘Peterena deiyok nang unamak’ tenen, akunum wipdeipsuke. Ara, ‘Sik Korintus mutuku unyak ninye, sik nong deice ikin ning debibyeba, sik talima, uk dinamle’ tenen, kum pil donyabe. Allah arye apil dona deiyok ning areamsuk ning ati, kanye lon yupu nyaptinya babye, alye kum dakdanamne.

2 Korintus 3:10

Minop talak yayuk yupu, mem yupu yayuk talak ara, dirina weik kibukba, “Ayupu ara, mambul weik,” tenelamik bukni, wini talak yangalye yupu ara, pia teleb ubuka, weik mambul ulula anya arye, minop yupu ap, wini talak yupu ap, neiktoto tenipdepyopura, ‘Winiryuk yanmasil yupu ara, weik mambul anya arye, minop mem yupu yayuk ning ara, mitik mambul uka,’ tenenyabe.

1 Korintus 5:5

Ara, ‘Isa Mutuku Dongonye arye, anye talibuka, el nong deice pia ikin ning deiamliba, el nong ap, el malye winilul ning nirya ap, kulabuka oplopnamle bukni, nun Deiyoknye Yesus tamubuka tukwak mutuku yanamle talak arye, el kanya arebuk ning tonok ara, tuba lyebuka dopropnamle’ tenen, anye dobuka, Isa Mutuku Dongonye areplulume nyapsine. Na Paulus arye, nyapsine.

1 Korintus 4:18

Ura, anggun Korintus mutuku ninye kan-kan bukni, ton nang ara, ‘Paulus ara, nun dam kum dilyanamsile’ tenen, weik kanye erebuka kwalinyake.

2 Korintus 12:18

Na kwit Titus ati, “Korintus mutuku unyak ninye ati peterelbilyame,” nyabuka mikip arye nyapdeipsiba, el ap, tonoknye nun weit atonunye ap, neika yarik. Titus ap, anggun ap neika ulamlum talak noutamak arye, Titus tenepce arye talye nyabuka, anggun ning ubula dololamsuk do? Kume. Elda kanye talima diksukumuk winilamuknye bira anggun kele. Nun ap, anggun ap neika ulamubu talak, teleb ubuka winilamubu touk, Titus babye atonun, anggun ap neika ulamlum talak ara, diksukumuk winilamuk.

Galatia 6:1

Winira yuk yupu ton nyapnusine. Na weit yapu atonun ninye, anggun kayapu arye malye winibica, eipmunyopura, Allah El Dib Kanye arye, anggun talima talisilye ninye umunya anya arye, anggun namin asa arye malye winipmace ninye ati wenepmunce, lipsisikuka peterenamlulume. Yu upu deice arye kum wenenamlulume. Malye wininyak ninye ati, namin asa arye wenenamlum bukni, anggun bidamang talima noutamak malye ning lilosululba, ‘Malye winibibyak’ tenen, anggun babye, anggun bidamang ati, pia moubuka kalekelanamlulume.