1 Korintus 16:1 - Eipomek

¹ Winira, yuk yupu ton nyapnusine. Sikce nati, “Allah dib tenebik ninye, talye bona utotowa talina kum ninye unyak nang, sik melina ati, yo bok bulubuka deibupu ning ara, yata wiripnamap do?” nyabuka, asipdenulum ning ati, nyapnusine. Sik Galatia mutuku unyak ninye, Allah dib tenenyak ninye ati, ‘Winipnamlume,’ nyabuka laka nyapse touk, anggun Korintus mutuku ninye babye, aning atonun wininamlume.

1 Korintus 16:1 Referans Kwoze

1 Yohanes 3:17

Yata ninye do? Yuk talye kankan ninye, sikce aning-aning pataplyeba, aubuk ning nirya talibuka unyak nang arye, asing arye eibikce bukni, pia bico tenena kum ati, kum melinyake. Winilamak ninye ara, Allah arye ninye ati bico tenesilye touk, anang ara yuk ninye ati, yata ubuka bico tenepting do? Kume. Allah arye ninye bico tenena arisilye ning ara, sik talima ak kum ulule.

Roma 12:13

Tonda, Allah ati diba tenekirye, el mapu unyak ninye nirya ati, sik patalul ning kum upliba, mambul kanye bobuka ucopura, anggun talilulum ning noutam arye bokuka, aninye ati melibuka arenamlulume. Tonda, ninye asik nang nirya ap, anggun kayapo nang nirya ap ati, anggun aik buplan kukeipmunce, “Telebe,” nyabuka inilonamlulume. Aning atonun, anggun unamlum mutuku noutam yanuka unamak ninye asik nang nirya babye, teleb kibuka melinamlulume.

Galatia 2:10

Sik anang arye, nunti, “Anggun peterelbinamlum talak nirya noutamak arye, aning-aning nirya kum talinyak ninye, talye bona utotoa talina kum ninye luba kina kum arye, melinauk unamlulume,” nyapsik. Nyapsik bukni, na babye atonun, ‘Bona utotoa talina kum ninye ati, kanye deibuka melinamabe,’ min arye akunum tenyamse.

Rasul 24:17

Min arye Yerusalem mutuku winilamse bukni, amutuku batakuka yuk mutuku binuka ulamse ani, keting tamun weik tonun akunum mapsopura, tuba tamubuka Yerusalem mutuku tamubuka yase. Yasirye, na yala ninye bona utotoa talina kum ninye ara, Yahudi yala ninye ati, yo bok ap, yuk ning ap, ‘Talya melibuka arepnamne’ tenen, yase. Tonda, Allah el si erena ati, ‘Teleb ning arepnamne’ tenen, yase.

Pilemon 1:7

Na weit kopropa atonunye Pilemon, ance na talima pia kwa daknulumce, kanye deibuka, pia pin-pin kilinilyame. Ara, talye ati kume. Deiyok ara, ance Allah el mapu ati, sik kanye kwa dilamlum ning ap, sik ikin ulamik ning ati, melilamlum ning ap, adeice arye, anang ati bico tenebuka, kanye deiyamlume. Winiminya deice arye, pin-pin kilinilyama anya arye, na kanye deipkine.

Pilemon 1:5

Wininuna deiyok ara, yuk nang arye an ati, laka nyapnikceura, akunum kekebuka kel bikikinune. Allah arye wiamuk ninye, el mapu nirya ati, ance talima arena ap, nun Deiyoknye Yesus ati, weik arye diba teneluluma ap ati, “Telebe,” nyabuka, Allah moronune.

Ibrani 6:10

Allah arye, nun teleb asa wininyap ning ati, tuba tenesilirye, nun wininyaba atonun, yupu lepsisikuka bogolisulule. Deiyok kum upmalibuk, talye ati, kum wenesulule. Ura, anggunce teleb pil dolulum ning nirya ara, kum luba kipnamsile. Sikce elti, diba tenyamik ninye, el mapu ati, bico tenebuka melilamlum ning ap, tuba melilulum ning ap, adeice arye el Allah ati, talima arilulum ning ara, tuba tenesulule.

Rasul 16:6

Paulus ap, el neika balamik nang ap arye, ‘Asia tam noutamak Yesus yupu peterelbinamap,’ tenelamik bukni, Allah El Dib Kanye arye yupu sekelongolamuka ati, Asia tam kum balamik bukni, Pirgia tam noutamak ap, Galatia tam noutamak ap, amutuku uk nyalbalamik.

Rasul 18:23

Antiokia mutuku biyukopura, amutuku uk mitik tonun ulamuka ani, Antiokia mutuku anirye, otam mutuku, Galatia tam noutamak ap, Pirgia tam noutamak ap, amutuku-amutuku noutamak yuk-yuk peterepra balamuk. Peterepra banmuk, talak ara, Paulus el peterelamuk yupu arye, amutuku ulamik anye Yesus ulamuk ning piribuka kel kibuka ulamik nang ati, sik talima mikip kibuka kwa deipnin balamuk.

Rasul 11:28

Anang yayikura, sik kwit tonoknye, el si ara, Akabus tikukce, Allah Dib Kanye arye Akabus ati nyapdeibukura, elce aulamik nang ati, aminyan winipnamuk ning ati yupu nyabuk. “Aminyan talak, ninye unyak mutuku nirya ara, din pia kwaning patapnamle,” nyabuk. (Akabus nyabuk touk, Roma mutuku ninye deiyoknye, el si Kelaudius, talibuk mutuku noutamak nirya ara, dipkoprop amutuku-amutuku nirya ara, din ning kum dayukba, din weik patalamuk.)

Rasul 9:41

Bukukura, Peterus arye akil taruk talibuka tikdeibukce, min arye dib tenebik nang ap, ayouwak kilapu ap, yukubukba yayikura, “Akunuma kam bukuka tekmala dipdelulume,” nyabuk.

Rasul 9:13

Yesus arye nyabukura, Ananias arye tamubuka nyabuk. “Anti dib tenelamkik nang Yerusalem mutuku unyak nang ati, anye birye ikin ning weik deililamuk. Tonda, el winilamuk ning nirya sikce nyabikura, kekepse.

1 Korintus 4:17

‘Na wininye touk anggun babye, atonun wininamlulume,’ tenenun ati ara, narye Timotius dobuka, anggun dam dopdeipnusine. Timotius ara, pia kanye deibuka bico tenenun ati, elti, na mi atonun tenenune. Nun Deiyoknye Yesus el pil dona ati ara, pia batakana kumce, etekdop asa pil dolinye ulule. ‘Luba kina kum, aninguk wininamak’ tenen, Timotius arye, anggunti peterelyanamsile. Ara, na Paulus ap, Yesus Kristus ap, kanye talima dukdongobuka pia diksukumuk unye ning nirya ara, tuba tamubuka tonap peterepsilyopura, kel kinamlulume. Na wininye ning ap, narye mutuku-mutuku nirya dib tenebuka unyak ninye ati peterenye yupu ap ara, ansinibuka ulule. Timotius arye, anggun dam yalyopura, ayupu uk peterenamsile.

1 Korintus 11:34

Yatanye do nirya, dina pataplyopura, el bidamnye aik pumuk din akunum diplirye, aminyan yanamlule. Ara, ‘Nun neika bulubibirye, wininyap ning deice arye, malye winibibyopura, aminyan talak ara, Allah arye, wenepsilyak’ tenen, nyapmasine. Tonda, na Paulus arye, anggun dam yanyopura, “Winipnamlulume, winipnamlulume,” nyabuka, yupu tonap tabakuka nyapnamsine.

1 Korintus 16:15

Ara, na kayapo, anggunda Yesus ati dib tenemunyeba, du weit atonun unyabe. Anggun kele, sik Akaya tam unyak ninye kan-kan, Stefanus ap, el aik unyak ninye ap, Allah yupu peterebupeba, sik minopce dib tenebike. Sik yuk nang nirya ara, aminyan tamuk dib tenebike. Yuk nang bukni, Allah ati akunum dib tenebikbuk, Allah arye, ‘Na’ tenen, wepdeibuk ninye nirya ati, Stefanus ap, el aik neika unyak ninye arye, ‘Aninye melinamabe’ tenen, apiluk dobuka unyake.