1 Korintus 12:5 - Eipomek

⁵ Aning atonun, yuk ninye bico tenebuka, melibuka pil donyapa ara, yala yuk-yuk aupmal bukni, nun Weik Deiyoknye Yesus, el tonok aryuk talisilibuk, apil donyabe.

1 Korintus 12:5 Referans Kwoze

Matius 23:10

Aning atonun ton, anggun weik peterena deiyoknye, ninye nirya lyepnirye sik kanye talima talinamnanye bira, Kristus na ununa ati, yuk nang arye anggunti, ‘Nun weik peterenanye, nun Guru, nyapsikcak’ tenen, anggun bidamnye yupu sekeldongonamlulume.

1 Korintus 8:6

Sik dib tenena kum ninye ara, wininyak bukni, nun dib tenenyap nang ara, nun kele. Nun Ni Koprop Allah, el tonok ulule. Yuk ton pia kume. Elda Kam Una Deiyoknye ulula anya arye, el deice aryuk aning-aning nirya kintinipdeiamsuke. Winipsuka ati ara nunce, ‘Nun kam unyaba ara, Allah el si erena ap, el piluk dona ap ati, wininamabe’ tenen, unyabe. Aning atonun, nun Weik Ninye Deiyoknye tonokuk ulule. Elda, Yesus Kristus ulule. Allah arye nyabukba, Yesus pil dobuka deice arye, aning-aning nirya kintinibuka deiamsuke. Tonda, Yesus el pil dopsuka deice aniryuk, lyepdeipsuka ati, el mikip deice aryuk kam unyabe.

Pilipi 2:11

Tonda, yata mutuku ninye do nirya, ninye mutuku-mutuku nirya, Yesus el si kekebikirye, “Yesus Kristus elda, Weik Ninye Deiyoknye Allah ulule,” nyabuka lakak nyapnamake. Anyapnamaka deice arye, nun ni Allah, el si weik erepnamake. ‘Allah ara, weik mambule,’ tenepnamake. ‘Winipnamak’ tenen, Allah arye, Yesus ereipdeibuk. Na Paulus arye, nyapsine.

Rasul 10:36

Allah arye Israel nang ati aning teleb yupu nyabuk. “Anggun malye ululum ning ati, Allah deresilya ara, nun malye winin ning Yesus elcuk namin kipdeipsilya deice arye, nun ap, Allah ap, neika teleb kibuka unamabe. Yesus Kristus arye nun ap, Allah ap, ati teleb kibuka ansinilisulule, Yesus Kristus ara, aning-aning nirya talilul deiyoknye bira, eluk ulule.”

1 Korintus 12:4

Ara, Allah el mikip deice arye, arisulul pil dona deiyok ning ati yuk yupu nyapnusine. Apil dona deiyok ning ara, yala yuk-yuk ulule. Bukni, Allah El Dib Kanye tonok, el deice aniryuk aning talye aresulule.

1 Korintus 12:6

Ayupu nyapmasin touk, Allah el pil dona ati, pil aning-aning weik aupmal bukni, ninye mutuku-mutuku nirya ati, apil dona deiyok ning arisilirye, nun talima noutam melibuka pil dosilinye bira, Allah el tonok ulule. Yuknye birye ton apil dona deiyok ning kum aresulule.