Otum 9:5 - Ohwihwim Olehe

⁵ Eshawlu a zhĩ a lu mi le, Adigi, aŋo o wo ayi angyiŋ? Enzi lo e tno ma e lu mi le, Ame angyiŋ e wo Eyesu boŋ o la o kpo ŋa ewu.

Otum 9:5 Referans Kwoze

1 Etimoti 1:13

Ambo ayga ame e lu odlo ba ototno eshri baŋ, nga ame e kpo ŋa ewu, nga ame e dzĩ ŋa. Ambo Ahogbrẽ a ka me ayiekŋe okyku eshi ame e bmi ba adlidzi mbo, nga ame e ka e yi ekplo ba ame e kpo mbo ku-ku.

Otum 26:9

Ame eshrishri eme a mbo e zga eso okyku o kpo ekployaŋ a mbo ba ame e kpo e gbu, okyku o bga eshko Eyesu ba Anazarata.

1 MoaOkorinti 10:22

O wo eka he le, agi e klo e tpi Adigi-odne eso ayi? Eka bimi e ka, agi e wo la oshye e gre ŋa?

Otum 5:39

Ambo o wo ba alo o wo o ba Ahogbrẽ angyiŋ le, agimi e kpo e gbu bimi e nyom lo mbo. Agimi e nyuŋ e kpo-kpo mbo, agimi e ta eko ta la Ahogbrẽ! Moandakʼpo la a sõ ombgu lo a kpo otum ta la odlo ba Egamaliya a lu.

Otum 9:4

Eshawlu a tsi a gbu obiŋ nga, enzi e zgi ongyeŋ e nyuŋ ŋa e lu mi le, Eshawlu, Eshawlu! Okyku eshi aŋo o la o kpo me ewu?

Otum 9:6

O kso o yi osku eshyẽ, moa á lu ekplo boŋ ó ba o kpo á da ŋo ma.

Otum 10:14

Enzi lo e sa e lu e daŋ, e lu mi le, O bzi emakyeŋ ba Ahogbrẽ a sko lo a zga edzi o da lo e dzu eshre mbo.

Otum 26:14

Agi mvye nga e tsi e ygi obiŋ. Nga ame e gno enzi e lu la olom ba Eyahuda e lu mi le, Eshawlu, Eshawlu! Okyku eshi aŋo o la o kpo me ewu? Aŋo o la o ta eŋo etsa angyiŋ omba boŋ o la o hre adga boŋ o yi egi okũ, eka ba andu a la a hre adga a la a sheŋ opi are la a kpaŋ ŋa.

MoaEfilibi 3:12

Ame e sko eshri me e zga eka ba ame e sheŋ e kpo ohe lo e khwo angyiŋ mbo. Nga ame e sko lo e zga eka ba ame e sheŋ e bli angyiŋ mbo. Ame e la e zga ayi okyku o da me e hwiŋ alo angyiŋ, okyku eshi ame e sheŋ e wo arehwĩ ba Ekristi Eyesu angyiŋ a mo.