Otum 9:3 - Ohwihwim Olehe

³ Omba baŋ a yi Adamasku, omba baŋ a gbu osusku ta la Adamasku nga, ayimom a gnyu a zgi ahrẽ a ba a tra egi ayi baŋ laŋ.

Otum 9:3 Referans Kwoze

1 MoaOkorinti 15:8

Ame e wo eka are ba moa a mbre ŋa la egbregbre, ambo amom-abgo ekpyemgbyeŋ nga, aŋa a da me a mbo e ka ŋa.

Otum 22:6

Omba ba ame e gbu osusku ta la Adamasku nga, omba he lo olum o vu eshri. Ayimom la a shka ayi a gre eshri a gnyu a zgi ongyeŋ a ba a tra egi ayi me.

Otsotsa 21:23

Osku he lo o klo ayimom ba olum ta la ayimom ba ohwa mbo, okyku eshi ayimom ba esesla ba Ahogbrẽ a la a tra osku he lo, nga Anwye Ekylu angyiŋ a wo emgbuovo ba osku he lo.

1 Etimoti 6:16

Aŋa sha a wo la á kpu ku-ku mbo. Aŋa a la a dzu ayimom ba arekyeŋ a yi osusku ta la alo a gbu ku-ku mbo. Arekyeŋ a ka ŋa a ka ku-ku mbo, nga arekyeŋ á ka ŋa á gbu mbo ku-ku. Onyuonyuŋ ta la ekʼpo pyeŋ ba gbagbu-amo, moa pyeŋ moa a wo a baŋ angyiŋ! Amin.

Otsotsa 22:5

Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.

Otum 9:17

Ahananiya a gre odne lo nga, a shri abgo baŋ a shki eshri Eshawlu nga a lu mi le, Anime Eshawlu, Adigi-odne Eyesu eshrishri eŋa angyiŋ a hom me otum. Aŋa angyiŋ aŋo o ka ozhẽ omba boŋ o ba ahe. Aŋa a hom me otum okyku o da me e hwile ŋo ayi, nga moa a bli ŋo la Ogbgaodzi.

Otum 9:27

Abarnaba a ba a kpo a ghwo a ŋa nga a shri ŋa a gre okro moa la a nyum oshpa, nga a lu a da mo eka ba Eshawlu a ka Adigi-odne ozhẽ, nga ba Adigi-odne a lu odlo ka la ŋa. Nga a lu a da mo eka ba Eshawlu a nyum oshpa ba Eyesu osku ba Adamasku la eso ekyekyeŋ.

1 MoaOkorinti 9:1

Ame e wo are la a hwile egʼba mbo? Ame e wo are la a nyum oshpa angyiŋ mbo? Ame e ka Eyesu Adigi-odne mbo? Agimi e zhiŋ okyku otum ba ame e kpo okyku Adigi-odne mbo?