Otum 9:2 - Ohwihwim Olehe

² okyku o daŋ a yga akpekpa la a tsa moa a shri ekʼpo a shri a daŋ, okyku o daŋ a yi anwyeakulu andandandim moaEyahuda osku ba Adamasku, okyku o daŋ a vu moare la a lu Eyesu ma, moarealom pa la moashe nga okyku o shri mo o ba Orushalima.

Otum 9:2 Referans Kwoze

Otum 19:23

Omba he lo a mi, moa a kpo ambgu Afisu okyku Ozhẽ ba Adigi-odne.

Otum 19:9

Ambo moakyeŋ a shye eshri a gre eshri, okyku eka he moa a bmi ba adlidzi mbo. Moa a lu odlobi eshri Ozhẽ ba Adigi-odne egi ayi ba eshki mvye. Okyku eka he nga, Oblus pa la moa la a bmi ba adlidzi moa a zhiŋ ogbu nga a dzu mo a zga. Aŋa a la a kla odlo elulum pa la moare aku engla ba Etiranu.

Otum 24:14

Ame e bmi ta la odlo he egi ayi boŋ. Ame e lu Ahogbrẽ moadigi ma, nga ame e la e sõ Ozhẽ moa a la a lu mi ma alo o wo o ba akpro. Nga ame e bmi ta la ekployaŋ a mbo moa a ta odaŋ ba Omusa, ta la akpekpa moarehwi ba Ahogbrẽ a hom mo otum.

Otum 24:22

Ambla he nga Efliki a sheŋ a gno oshpa ba Ozhẽ he lo, a shki ombgu nga a nyuŋ mo a lu mi le, Ame é sõ ombgu bimi omba ba Elisiya á gbu.

Otum 18:25

Moa a nye ŋa odlo Adigi-odne, nga aŋa a la a nyum oshpa lo, nga a la a nye moare ayakplo adzadzi eshri Eyesu la oshye nzenze. Ambo a hwiŋ onyenye eshri abaptisma ba Eyohana sha.

Otum 9:14

O ka, aŋa a yga ekʼpo okro moandakʼpo olu ba Ahogbrẽ a ba okyku o vu moare mvye la a bmi ba adlidzi ka la ŋo.

Otum 26:12

Okyku eka he angyiŋ ame e gre Adamasku la ekʼpo ba moandakʼpo olu ba Ahogbrẽ.

Otum 7:19

Ahe lo a bile moarehwi bi, nga a kpo moadigi ewu. A da mo a se moanwye mo a zgi odne mo omgbybi, okyku o da mo a kpu.

Otum 6:9

Ambo moarekyeŋ ba akulu moa a bzi lo ma Moarehwi moa a Shla mo a wo ma. Eshki mo, moaEyahuda la a zgi Esirini ta la Alaksandriya moa a wo a ba akulu he lo. Moahi lo pa la moaEyahuda la a zgi Esilisiya, ta la Asiya moa a zga esi o kla odlo ta la Estifanu.

Amatiyu 10:17

Agimi e nyuŋ e ka, moare la á ba a ba á vu gimi nga á shri gimi á yi akuombgu á yi á ba. Moa á taŋ gimi andzu aku ba moa a la a shki eshki ma.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Otum 9:21

Moare la a gno oshpa ba Eshawlu a nyum mvye, moa a ka egbregbre nga a zhĩ a lu mi le, Alom he angyiŋ a wo la a la a bga moare la a bmi ba adlidzi ta la eshko Eyesu Orushalima mbo? Aŋa a ba ahe okyku o daŋ a vu mo a yi a kom moandakʼpo olu ba Ahogbrẽ mbo?

Otum 26:10

Ame e kpo eka he angyiŋ Orushalima. Ame e yga ekʼpo okro moandakʼpo olu ba Ahogbrẽ nga e vu moare la a lu Ahogbrẽ ma e ygi aku. Nga, omba moa a sõ mo ombgu ba eku, ame e la e bmi ta la alo.

2 MoaOkorinti 11:32

Omba ba ame e wo osku ba Adamasku ogomna la a wo abgo ba anyuŋ-areŋ la a ri Areta, a da moa la a kʼpu, a kʼpu anyuŋ ayizhẽ pyeŋ okyku o da mo a vu me.

MoaEgalasiya 1:17

Nga ame e ka e gre Orushalima okyku o ka moare la a wo otum ba onyumoshpa lo a sku me mbo. Ambo ame e gre obiŋ ba Arabiya, ambla he nga ame e bla e gre osku ba Adamasku.