Otum 9:16 - Ohwihwim Olehe

¹⁶ Nga, ame é tsa ŋa ewu baŋ á ba a kpo okyku me.

Otum 9:16 Referans Kwoze

1 MoaEtasolonika 3:3

okyku o da arekyeŋ eshki bimi a zhiŋ a yi ambla okyku ewu he mbo. Agimi a mbo e yi ba ewu he lo e dzu ekplo ba Ahogbrẽ a shri a zga okyku gi angyiŋ.

Otum 21:11

A ba okro bi nga a ngla ashye akpa ba Oblus a bʼbu adga baŋ ta la abgo baŋ nga a lu mi le, Ogbgaodzi o lu mi ma are ashye akpa hi, ma moaEyahuda Orushalima á vu ŋa á bʼbu eka he nga moa á shri ŋa á da moa la a wo moaEyahuda mbo.

2 MoaOkorinti 6:4

Ambo, agi e la e tsa bi e wo moawaghrẽ ba Ahogbrẽ ekployaŋ a mbo ba agi e la e kpo. Agi e la e ghwo eso ta la ewu ta la avuolo, la eso ekyekyeŋ.

Eyohana 15:20

Agimi e tne e ka, eka ba ame e lu ka la gimi ba awaghrẽ a wo anyuanyuŋ a gre adaŋ-odne mbo. O wo ba moa a kpo me ewu le, moa á kpo gimi a mbo ewu. O wo ba moa a bmi ta la odlo me le, moa á bmi ta la odlo bimi a mbo ko-ko.

1 Ebitru 4:14

O wo ba moa a dzĩ gimi okyku bimi e lu Ekristi ma le, agimi e kpo ovye. O dzu eka ba Ogbagaodzi ba esesla la o wo Ogbgaodzi ba Ahogbrẽ, o ba o gile okro bimi angyiŋ.

2 Etimoti 1:12

Okyku ekplo he lo angyiŋ ame e la e kpo edgu ewu he. Ambo ame e la e gbu anzi ta la otum lo mbo ku-ku. Okyku eshi ame e yi are ba ame e bmi ba adlidzi ka la ŋa. Nga ame e yi zhezheŋ baŋ a kpo a gbu baŋ á kpaŋ ekployaŋ a mbo baŋ a shri a da me ma-me o tsa Onda mi lo.

Amatiyu 5:11

Agimi e gno oraŋ angyiŋ omba ba moare a la a dzĩ gimi, nga a la a kpo gimi efye, nga a la a sheŋ akpro a ghwo gimi okyku bimi e lu me ma.

Amatiyu 24:9

Moare á vu gimi á shri á da mo a kpo gimi ewu. Nga moa á bga gimi á ta okom. Moarehwĩ pyeŋ á tla gimi okyku me.

2 Etimoti 3:11

Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.

Otum 21:4

Agi e hwiŋ moa la a bmi ba adlidzi ahe lo. Agi e dzu pa la mo okyku asati akyeŋ. Ekʼpo Ogbgaodzi o tsa mo o da mo a nyuŋ Oblus ma a yi Orushalima mbo.

Otsotsa 1:9

Ame angyiŋ e wo Eyohana anigimi. Nga ibu okŋeogba ta la Eyesu angyiŋ, ame e pu ka la gimi ewu ba agimi e kpo, nga ame e sa e pu ka la gimi Oreŋ baŋ ta la ota esõ akpyli. Moa a shri me a gre a yi a ta anwye-obiŋ ba moa a bzi lo ma Abatmo okyku ba ame e nyum oshpa ba odlo ba Ahogbrẽ ta la adlidzi ba Ekristi a tsa.

Otum 9:14

O ka, aŋa a yga ekʼpo okro moandakʼpo olu ba Ahogbrẽ a ba okyku o vu moare mvye la a bmi ba adlidzi ka la ŋo.

Otum 9:6

O kso o yi osku eshyẽ, moa á lu ekplo boŋ ó ba o kpo á da ŋo ma.

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

Otum 21:13

Ambo a tno ma a zhĩ gi a lu mi le, Agimi e kpo eshi eka he? Agimi e wo okũ nga e kpla me eso e gbu okyku eshi? Ame e bmi okyku o da mo a bʼbu me endzi sha Orushalima mbo, ambo ame e bmi okyku o kpu okyku Adigi-odne Eyesu.