Otum 9:10 - Ohwihwim Olehe

¹⁰ Osku Adamasku he lo, anwyeotumakyeŋ a wo ma, eshko baŋ e ri Ahananiya. Aŋa a ka okoka. Ibu okoka he lo, Adigi-odne a bzi ŋa nga a tsa ŋa a lu mi le, Ahananiya! Ahananiya a tno a lu mi le, Adigi-odne, o ka, ame e wo ahe.

Otum 9:10 Referans Kwoze

Otum 22:12

Alomakyeŋ a wo ma eshko baŋ e ri Ahananiya. A wo are la a lu Ahogbrẽ ma adzadzi, nga a la a kpaŋ odaŋ Ahogbrẽ. MoaEyahuda pyeŋ la a wo Adamasku a la a ka ŋa la olbi.

Otum 10:3

Olulum onda-kyeŋ, omba amgbaŋ atra, Okoniliyu a ka okoka. Ibu okoka he lo, aŋa a ka anwyeadga ba Ahogbrẽ a gre a ba odne baŋ nga a nyuŋ ŋa a lu mi le, Okoniliyu!

Otum 2:17

Ahogbrẽ a lu mi le, Ekplo ba ame é ba e kpo amom-abgo ekpyembyeŋ, Ame é shri Ogbgaodzi me, é da moare pyeŋ. Moanwye-alom bimi, ta la moanwye-alashle bimi, moa á lu ayakplo egbregbre. Moa ola anwye bimi, moa á ka okoka ba egbregbre ayakplo, Moa atsoŋ adigimi, moa á ndze ondze.

Otum 9:9

Elum etra a ka a gbu mbo. Elum etra he lo, a ri mbo nga a wa mbo.

Otum 11:5

A lu mi le, Omba ba ame e fa olu osku ba Ojopa, ame e ka okoka. Ame e ka ashye emakyeŋ eka amgbalga, moa a gile lo emvygi enyi e zgi Ongyeŋ e ba obiŋ. Alo e ba e tspi osusku pa la me.

Otum 12:9

Ebitru a lu ŋa ma nga a zgi aku lo, ambo aŋa a yi ba ekplo ba anwyeadga a la a kpo e wo adlidzi mbo. Aŋa a la a ka ma o dzu mbo, ma aŋa a la a ka okoka angyiŋ.

Otum 16:9

Onda he lo okyukyku nga, Oblus a ka okoka. Okoka he lo, aŋa a ka alom ba Amasidoniya nga a vẽ ŋa a lu mi le, Aŋo o ba Amasidoniya okyku o kpo o ghwo la gi!

Otum 16:10

Ambla ba Oblus a ka okoka he lo nga, agi e vu anzho abgo e khwo nga e gre Amasidoniya. Agi e ka tki, Ahogbrẽ a klo bi e yi e nyum Oshpaodzadzi e ygi moarehwi ba Amasidoniya.

Otum 18:9

Okyukyku ondakyeŋ nga, Oblus a ka okoka. Ibu okoka he lo, Adigi-odne a nyuŋ ŋa a lu mi le, O kpo eyli mbo, ambo aŋo o nyum oshpa nga o zga eso boŋ gble.

2 MoaOkorinti 11:32

Omba ba ame e wo osku ba Adamasku ogomna la a wo abgo ba anyuŋ-areŋ la a ri Areta, a da moa la a kʼpu, a kʼpu anyuŋ ayizhẽ pyeŋ okyku o da mo a vu me.

MoaEgalasiya 1:17

Nga ame e ka e gre Orushalima okyku o ka moare la a wo otum ba onyumoshpa lo a sku me mbo. Ambo ame e gre obiŋ ba Arabiya, ambla he nga ame e bla e gre osku ba Adamasku.

Otum 9:12

Omba baŋ a ka okoka lo, a ka are la eshko baŋ e ri Ahananiya baŋ a ba okyku o shri abgo o shki ŋa eshri, okyku o da ayi baŋ a hwile.