Otum 6:7 - Ohwihwim Olehe

⁷ Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

Otum 6:7 Referans Kwoze

Otum 19:20

Ozhẽ egbregbre he lo, odlo Adigi-odne o ngla o ta ma-ma, nga o tspi osheshye.

Otum 12:24

Odlo Ahogbrẽ o la o ngla nga o ta ma-ma.

MoaOkolosi 1:6

Oshpaodzadzi o shri owlama nzenze o la o shri o ba, nga o ngla o tsu o gre yoŋ obiŋ hi pyeŋ, eka ba alo o kpo ka la gimi omba ba agimi e zga esĩ e gno oshpa ba okpoghwo ba Ahogbrẽ, nga e yi okpoghwo lo zhezheŋ eka ba alo o wo.

MoaIbrani 5:9

Omba ba moa a bli ŋa a khwo, a dzu esĩ ba oshla ba gbagbu-amo, okyku moare pyeŋ la a la a kpaŋ odlo baŋ.

MoaOroma 16:26

Ambo ohuhuhi moarehwi ba Ahogbrẽ a hom mo otum, moa a ta odlo he lo akpekpa, okyku o da areyaŋ a mbo a yi adlidzi lo. Nga okyku odaŋ ba Ahogbrẽ ba gbagbu-amo a jygu gi, moa a shri odlo ba adlidzi he lo a kom moarehwi ba obiŋ hi pyeŋ, okyku o da mo a bmi ba adlidzi ta la lo nga a kpaŋ lo.

MoaOroma 1:5

Okro baŋ Ahogbrẽ a hwile me ozhẽ okyku o da me e dzu are la a nyum oshpa okyku Ekristi, okyku o tsa moarehwi ba obiŋ hi mvye okyku o da mo a bmi ba adlidzi nga a yga lo.

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

MoaIbrani 11:8

Obmi ba adlidzi angyiŋ o da Ebrahim a bmi ta la obzi ba Ahogbrẽ a bzi ŋa omba ba Ahogbrẽ a bzi ŋa okyku o daŋ a yi obiŋ ba Ahogbrẽ a hwim baŋ á shri á daŋ. A kso a sku obiŋ baŋ ambo a ka a yi okro baŋ á ba a yi mbo ku-ku.

2 Etimoti 2:9

Okyku ba ame e la e nyum Oshpaodzadzi he lo angyiŋ, ewu he e hwiŋ me. O ka, moa a ta me aslika eka ba ame e gre abgo. Ambo odlo ba Ahogbrẽ lo o wo aslika lo ko mbo.

2 MoaEtasolonika 1:8

ta la ovo la o vu nzenze, okyku o kpo moare la a yi Ahogbrẽ mbo ewu la alo, nga okyku o kpo moare la a kpaŋ Oshpaodzadzi ba Adigi-odne Eyesu mbo.

Otum 21:20

Ambla moa a gno oshpa he lo a khwo nga, moa a hlu Ahogbrẽ eshko. Nga moa a nyuŋ Oblus a lu mi le, Anáŋ o ka eka ba ayakplo a wo. MoaEyahuda nzenze la a bmi ba adlidzi a wo ma, moa a la a kpaŋ odaŋ ba Omusa lo adzadzi.

Otum 13:8

Ambo alom la a la a kpo agum lo, eshko baŋ ba Egrise e ri Elima, aŋa a klo ba ogomna a gno oshpa lo mbo.

Eyohana 12:42

Ambo omba he a mbo, moandakʼpo ba Eyahuda nzenze moa a bmi ba adlidzi ta la Eyesu. Ambo okyku eyli ba moaEfarisi moa a lu akplokyeŋ eshri baŋ la eyayi mbo, okyku o da mo a se mo eshki mbo.

Oluka 2:34

Esimiyo a fa anyuadzi a ygi mo a khwo nga, a nyuŋ anaŋ anwye a lu mi le, Ahogbrẽ angyiŋ a sla anwye he lo. Okyku ŋa moare nzenze ba Esrayila moa á tsi á gbu, nga okyku ŋa moare nzenze ba Esrayila moa á vre. Á dzu egŋe la e zgi okro Ahogbrẽ e ba, nga moare nzenze á tla ŋa.

Amatiyu 19:30

Moare nzenze ba ori á dzu moa ba ambla, moa nzenze ba ambla nga á dzu moa ba ori.

Otum 2:47

Moa a la a hlu Ahogbrẽ eshko nga, moare a la a klo mo. Nga olum ondayaŋ a mbo Ahogbrẽ a la a tsa moare a da mo a ghwo obiŋ nga, Ahogbrẽ a da moare a ghwo obiŋ ombamba pyeŋ. Moare la a lu Ahogbrẽ ma nga a ta ma-ma.

Otum 6:1

Eshki moanwyeotum e la e ta ma-ma. Okyku eka he ambla fi nga amgbu a kso agʼbaha moaEyahuda la a lu olom Egrise ta la moaEyahuda ba odne. MoaEyahuda la a lu olom Egrise a kpaŋ abile ma moaEyahuda ba odne a la a shri anzho a da moashe-eshaku mo mbo.

MoaEgalasiya 1:23

Moa a yi ekplo ba moahwõ sha a lu. Moa a lu mi le, Are la a kpo gi ewu ayga, ohuhuhi aŋa a la a nyum oshpa ba obmi ba adlidzi baŋ e mbi a zga ngre okyku o bga lo ayga!

MoaEgalasiya 6:10

Okyku eka he, ombayaŋ a mbo ba agi e wo la anvaŋ ma le, e kpo e ghwo la areyaŋ a mbo, ambo, o raŋ o gre ba agi e kpo e ghwo la moa la a wo moanigi ozhẽ obmi ba adlidzi e gre.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.

Eyahuda 1:20

Ambo agimi akyemeazba, agimi e zga gble nga e mbdzi egimi obmi ba adlidzi bimi ba esesla la o gre pyeŋ. Agimi e fa olu la ekʼpo ba Ogbgaodzi.