Otum 6:3 - Ohwihwim Olehe

³ Okyku eka he, agimi anáŋ, o raŋ o gre bimi e sla moanáŋ afoha, moa la ba Ogbgaodzi o kpo otum pa la mo, nga a wo la okaobmye ma. Agi e da moahi lo angyiŋ á ba a kpo otum o gʼba anzho lo.

Otum 6:3 Referans Kwoze

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

3 Eyohana 1:12

Areyaŋ a mbo a la a tsom Edemetriyu. Adlidzi a mbo ababgo baŋ a lu odlo la o wo odzi eshri baŋ. Nga agi a mbo e sa e ta egŋe bi e pu ma. Agimi e yi ba ekplo ba agi e lu he lo e wo adlidzi angyiŋ.

Eyakubu 1:17

Okpogbu odzadzi pyeŋ, ta la ototno la o bli pyeŋ, moa a zgi Ongyeŋ okro ba Ahogbrẽ angyiŋ o ba. Aŋa angyiŋ a kpo ayimom pyeŋ la a wo ongyeŋ. Ahogbrẽ a wo eka ba ayimom ta la amu la e nyiŋ ombamba mbo. Aŋa a la a nyiŋ mbo ku-ku.

MoAfisu 5:18

Agimi e da owowa o kpo gimi ayi mbo. Alo ó tpi gimi ayi sha angyiŋ. Ambo e da Ogbgaodzi angyiŋ o bli gimi.

1 MoaOkorinti 16:3

Ambla ba ame e ba, ame é da moarehwi ba agimi e bmi pa la mo é da mo a shri akpekpa ta la okpoghwo lo á shri á kom mo osku ba Orushalima.

Otum 22:12

Alomakyeŋ a wo ma eshko baŋ e ri Ahananiya. A wo are la a lu Ahogbrẽ ma adzadzi, nga a la a kpaŋ odaŋ Ahogbrẽ. MoaEyahuda pyeŋ la a wo Adamasku a la a ka ŋa la olbi.

Otum 10:22

Moa a tno ma a lu mi le, Andakʼpo Okoniliyu angyiŋ a hom gi otum. Aŋa a wo arehwĩ adzadzi angyiŋ. Aŋa a la a hlu Ahogbrẽ eshko, nga moaEyahuda a fa olbi a daŋ nzenze. Anwyeadga ba Ahogbrẽ a nyuŋ ŋa a lu mi ma aŋa a bzi ŋo okyku o doŋ o ba o yi odne baŋ, okyku o doŋ o lu ekplo la e wo ma o daŋ a gno.

Otum 6:6

Moa-eshki a shri moahi lo a ndba moa la a nyum oshpa. Moa a fa olu nga moa a shki mo abgo eshri.

Otum 2:4

Moa mvye a bli la Ogbgaodzi, nga moa a lu elom andandandim. Ogbgaodzi lo angyiŋ o shri ekʼpo he lo o da mo.

Otum 1:21

Okyku eka he o dzu omgbybi ba arekyeŋ a nyiŋ ŋa okyku o da gi e zgi egŋe ba Eyesu Adigi-odne a kso ongybi. O dzu omgbybi ba are he lo a wo akyeŋ eshki moare la a dzi ka la gi omba mvye bi e la e dzi ta la Adigi Eyesu. O zga esi omba ba Eyohana a nyum Oshpaodzadzi nga a kpo abaptisma, nga a dzu ka la gi ma-me o tsa onda ba moa a sko Eyesu a gre Ongyeŋ.

Amatiyu 23:8

Agimi e da mo a la a bzi gimi ma are la a nye mbo, okyku eshi, agimi mvye e wo moanáŋ angyiŋ, nga agimi e wo are la a nye akyekyeŋ sha e ma.

1 MoaOkorinti 12:8

Ogbgaodzi o shri oshpa ba okaobmye o shri o da areabze, nga Ogbgaodzi he lo o shri oshpa ba oyioyi angyiŋ o shri o da areabze.

Otum 16:2

Moanáŋ mvye osku ba Elistra ta la Ekoniyom, moa a klo Etimoti a gre eshri.

Otum 15:23

Moa a hom moahi lo otum la akpa he lo. Moa a ta ma a lu mi le, Agi la e nyum oshpa, ta la moandakʼpo, agi e wo moanigimi. Agimi e shko moanáŋ, moa la a wo moaEyahuda mbo la a wo osku ba Antakiya, ta la Esiriya, ta la Esilisiya.

Otum 9:30

Omba moanáŋ a gno eka he nga, moa a sko Eshawlu a gre Esizariya nga moa a shri ŋa a gre Atarsu.

Eyohana 21:23

Okyku eka he oshpa lo o ngla eshki moare la a lu Eyesu ma ba anwyeotum he lo á ba a kpu mbo. Ambo Eyesu a lu eka he angyiŋ mbo, a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo?

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 6:2

Okyku eka he moa la a nyum oshpa otsko lo a pla moanwyeotum mvye a shki nga, moa a lu mi le, Alo o wo odzi ba agi e dzu otum Ahogbrẽ e zga nga e la e kla anzho mbo.

Otum 6:5

Moa-eshki mvye moa a gno oraŋ ta la ohwihwim moa la a nyum oshpa a shri a ba lo. Okyku eka he moa a sla Estifanu, aŋa a wo la obmi ba adlidzi ma, nga a bli la Ogbgaodzi. Nga moa a sa a sla Efilibu, ta la Opokro, ta la Enikano, ta la Etimo, ta la Apamina, ta la Eniklo la a zgi Antakiya. Alom he lo a wo a ba Eyahuda mbo, ambo aŋa a zhiŋ a sõ ozhẽ moaEyahuda.

Otum 28:14

Agi e hwiŋ moa la a bmi ba adlidzi ahe lo. Moa a klo bi e dzu pa la mo asati akyeŋ. Ambla he nga agi e ba Oroma.