Otum 6:10 - Ohwihwim Olehe

¹⁰ Ambo Ogbgaodzi o shri edgu okaobmyekyeŋ o shri o da Estifanu. Ambo moa a la a klo o gno odlo baŋ mbo.

Otum 6:10 Referans Kwoze

Oluka 21:15

Okyku eshi omba he lo ame é shri edgu odlo bimi é ba e lu é da gimi. Nga ame é shri okaobmye é da gimi, nga moafpu gimi á kpo á gre gimi a gbu mbo, nga á tla odlo bimi a gbu mbo.

1 MoaOkorinti 2:4

Ame e ka e lu odlo nga e nyum oshpa la oyioyi ba okaobmye ba arehwĩ angyiŋ mbo, ambo ame e kpo lo la adlidzi la a tsa ozhiozhiŋ, la ekʼpo ba Ogbgaodzi ba Ahogbrẽ angyiŋ.

Eyohana 7:46

Moa la a kʼpu lo a tno ma a lu mi le, Adlidzi angyiŋ agi e gno arekyeŋ a kpla edgu egba ba alom he a la a kpla ondakyeŋ mbo!

Oluka 1:17

Á yi eka anwyeadga ba Ahogbrẽ, la oshye, ta la ekʼpo eka ba Eliya arehwĩ ba Ahogbrẽ a hom ŋa otum. Á shri moada, pa la moanwye á zga ozhẽ okyekyeŋ. Nga á zhiŋ moa la a shye eshri a da mo a dzu moare ba odlodzi. Á nyuŋ odzudzu ba moarehwi ba Adigi-odne á kpo o tsa baŋ a ba.

Otum 7:51

E ka, agimi e shye eshri nzenze! Eso bimi e wo eka eso moa la a wo evbu. Agimi e klo e gno odlo Ahogbrẽ mbo ku-ku. Agimi e wo okyekyeŋ angyiŋ pa la moadigimi. Agimi a mbo e la e tla Ogbgaodzi!

Otum 5:39

Ambo o wo ba alo o wo o ba Ahogbrẽ angyiŋ le, agimi e kpo e gbu bimi e nyom lo mbo. Agimi e nyuŋ e kpo-kpo mbo, agimi e ta eko ta la Ahogbrẽ! Moandakʼpo la a sõ ombgu lo a kpo otum ta la odlo ba Egamaliya a lu.

Otum 6:9

Ambo moarekyeŋ ba akulu moa a bzi lo ma Moarehwi moa a Shla mo a wo ma. Eshki mo, moaEyahuda la a zgi Esirini ta la Alaksandriya moa a wo a ba akulu he lo. Moahi lo pa la moaEyahuda la a zgi Esilisiya, ta la Asiya moa a zga esi o kla odlo ta la Estifanu.

Otum 6:11

Moa a hre moarekyeŋ amgbaŋ a da mo a zgi egŋe akpro-kpro eshri Estifanu a lu mi le, Agi e gno ba Estifanu la a lu odlo ototno eshri Omusa ta la Ahogbrẽ!