Otum 6:1 - Ohwihwim Olehe

¹ Eshki moanwyeotum e la e ta ma-ma. Okyku eka he ambla fi nga amgbu a kso agʼbaha moaEyahuda la a lu olom Egrise ta la moaEyahuda ba odne. MoaEyahuda la a lu olom Egrise a kpaŋ abile ma moaEyahuda ba odne a la a shri anzho a da moashe-eshaku mo mbo.

Otum 6:1 Referans Kwoze

Otum 4:35

Moa a shri lo a da moa la a nyum oshpa, nga moa a shri ekployaŋ a mbo ba areyaŋ a mbo a klo a shri a daŋ.

Otum 2:41

Moare nzenze eshki lo a gno oshpa lo nga moa a bmi ba adlidzi, nga moa a kpo mo abaptisma. Moa la a zhiŋ onda he lo a wo ezbietra.

Eyakubu 5:9

Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!

Otum 9:39

Okyku eka he nga Ebitru a knye a gre a yi a ka mo. A gbu a khwo nga moa a shri ŋa a daŋ a gre aku lo ongyeŋ. Moashe-eshaku pyeŋ a ba a ta Ebitru a kpaŋ nga moa a la a wu okũ, nga moa a shri ariga ta la okotu ba Odokas a kpo omba baŋ a yi a wo ma, a shri a tsa ŋa.

Otum 6:7

Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

Otum 2:47

Moa a la a hlu Ahogbrẽ eshko nga, moare a la a klo mo. Nga olum ondayaŋ a mbo Ahogbrẽ a la a tsa moare a da mo a ghwo obiŋ nga, Ahogbrẽ a da moare a ghwo obiŋ ombamba pyeŋ. Moare la a lu Ahogbrẽ ma nga a ta ma-ma.

MoaEfilibi 3:5

Moa a sheŋ me ongyum omba ba ame e kpo asati akyeŋ. Ibu ba ombrombre ame e wo arehwĩ ba Esrayila angyiŋ. Ame e wo arehwĩ ba ogu ba Ebenjami, arehwĩ ba embre ba Eyahuda arehwĩ ba amanzhli baŋ a dzum mbo ku-ku. Ozhẽ ba okpaŋodaŋ moaEyahuda angyiŋ le, ame e wo arehwĩ ba Efarisi angyiŋ.

Otum 11:20

Ambo moa la a bmi ba adlidzi la a zgi Esapru, ta la Esirini a gre Antakiya, moa a nyum oshpa a ygi moa la a wo moaEyahuda mbo a mbo mvye. Moa a nyum Oshpaodzadzi ba Adigi Eyesu a ygi mo.

Otum 9:41

Ebitru a gre osusku nga a kpo a ghwo a ŋa a daŋ a tspi angyeŋ. A bzi moa la a bmi ba adlidzi, pa la moashe-eshaku, nga a shri Atabita la eso ma a shri a da mo.

Otum 9:29

Eshawlu a nyum oshpa nga a kla odlo pa la moaEyahuda la a lu olom Egrise. Moa a klo o bga ŋa.

Otum 5:14

Moare la a bmi ba adlidzi lo, a la a ta ma ombamba mvye. Moa la a bmi ba adlidzi ta la Ahogbrẽ a wo moarealom pa la moashe.

Otum 4:4

Ambo moare nzenze la a gno oshpa lo moa a bmi ba adlidzi. Moa a hwiŋ moare eka ezbietno.

MoaIbrani 13:1

O raŋ o gre ba agimi e klo egimi eka moanáŋ eshko ba Ekristi.

2 MoaOkorinti 11:22

Moa a wo moaEyahuda angyiŋ? Ame a mbo e wo a ba Eyahuda angyiŋ. Moa a wo moaEsrayila angyiŋ? Ame a mbo e wo a ba Esrayila angyiŋ. Moa a wo moa ba ogu ba Ebrahim angyiŋ? Ame a mbo e wo a ba ogu ba Ebrahim angyiŋ.

Otum 2:45

Moa a la a shri anzho moa a wo alo ma a shri a gbmo, nga a la a shri amgbaŋ a ba nga a da mo a gʼba lo otsotse ta la emo, eka ekplo areyaŋ a mbo a klo.

Amatiyu 23:13

A ba eshri bimi la e nye odaŋ ta la agimi Efarisi! Agimi la e bile moare! Agimi e la e so moare ayi ozhẽ la o yi Oreŋ Ongyeŋ. Agimi a mbo e klo e yi mbo. Moa la a klo a yi a mbo, agimi e nyom mo o gre o yi. [

Eyakubu 4:5

Agimi e ka eka ba odlo ba Ahogbrẽ o wo odlo ototno angyiŋ mbo. O lu mi le, Ogbga ba Ahogbrẽ a da lo o dzu esõ bi o la o wo la ekhwo la e lbi.

Eyakubu 1:27

E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.

1 Etimoti 5:9

Aŋo o ta eshko ba ashe-eshaku eshki ba ashko lo mbo, ambo o ta eshko ba ashe-eshaku la a gbu eyi ekʼpoefĩ. Nga o dzu omgbybi baŋ a dzu ashe la a kyu eble odgo okyekyeŋ sha.

1 MoaOkorinti 10:10

O raŋ bimi e nyi agla eka moakyeŋ eshki mo a kpo mbo, okyku eshi moa a da Anwyeadga ba Eku a bga mo.

Otum 5:28

Agi e shĩ gimi e lu mi ma agimi e nye arekyeŋ eshko alom hi nga mbo. Ambo agimi e pre odaŋ lo! Agimi e sheŋ e nyum oshpa alom he lo osku ba Orushalima mvye bgu. Agimi e klo o da ombgu alom he lo o dzu eshri bi!

Otum 6:2

Okyku eka he moa la a nyum oshpa otsko lo a pla moanwyeotum mvye a shki nga, moa a lu mi le, Alo o wo odzi ba agi e dzu otum Ahogbrẽ e zga nga e la e kla anzho mbo.

Otum 11:26

Ambla baŋ a ka ŋa nga, aŋa a daŋ a ba Antakiya ka la ŋa. Moa a kpo eyi ekyeŋ Antakiya, nga moa a la a nye moare nzenze la a lu Ekristi ma. Moa a nye eshki nzenze. Osku ba Antakiya moa a zga esi a bzi moare la a lu Eyesu ma moa-Ekristi.

Otum 11:29

Moanwyeotum a hwim ma areyaŋ a mbo eshki mo a klo ekplo baŋ a kpo a gbu okyku o da mo a yi a kpo a ghwo la moanáŋ la a wo obiŋ ba Eyahuda.

MoaOroma 12:7

O wo ba alo o wo okyku o kpo o ghwo la moahwõ angyiŋ le, o raŋ o gre bi e kpo e ghwo eka he lo. O wo ba alo o wo okyku onyenye angyiŋ le, o raŋ o gre bi e nye eka he lo.

1 Etimoti 5:3

Aŋo o ka moa la a wo moashe-eshaku ba adlidzi la olbi.