Otum 5:12 - Ohwihwim Olehe

¹² Moa la a nyum oshpa a kpo egbregbre ayakplo a gre eshri egi ayi moarehwi. Moare la a bmi ba adlidzi mvye a pla emo a shki enjygu ba Osolomo.

Otum 5:12 Referans Kwoze

Otum 19:11

Ahogbrẽ a la a kpo ayakplo ba egbregbre abgo ba Oblus.

2 MoaOkorinti 12:12

Ayakplo la a tsa ba ame e wo are la e nyum oshpa, ame e kpo lo oheheŋ angyiŋ egi ayi bimi. Alo o wo egŋe, ta la egbregbre ayakplo.

MoaIbrani 2:4

Nga Ahogbrẽ a sa a kpo ayakplo a ta egŋe mo ozhẽ ba ayakplo ba egbregbre, ta la ayakplo nzenze ba moare a ka lo a bmye mbo. Nga a shri okpogbu ba Ogbgaodzi a shri a da moare eka baŋ a klo.

Otum 14:3

Moa la a nyum oshpa moa a dzu ahe lo omba nzenze. Moa nyum oshpa ba Adigi-odne osheshye. Moa a lu mi ma oshpa mo eshri okpoghwo ba Ahogbrẽ o wo adlidzi angyiŋ okyku eshi aŋa a shri ekʼpo a da mo a la a kpo ayakplo ba egbregbre.

MoaOroma 15:19

ta la ekʼpo ba o tsa ayakplo, ta la o kpo ayakplo ba egbregbre, ta la ekʼpo ba Ogbgaodzi. Nga omba ba ame e zgi Orushalima e gre Elirikum, ame e nyum Oshpaodzadzi ba Ekristi e ygi areyaŋ a mbo.

Otum 3:11

Omba ba alom lo a lu Ebitru ta la Eyohana ma la ovyevye a gre enjygu moa a bzi lo ma Enjygu ba Osolomo, moare mvye a knye a lu mo ma a gre lo.

Eyohana 10:23

Eyesu a la a dzi Oda ba Osolomo Anyuŋ-Akulu.

Otum 4:30

O wo boŋ Ahogbrẽ o bmi le, o ndba obgo boŋ o shaŋ moa elolo, nga o da gi ekʼpo okyku o da gi e kpo ayakplo egbregbre eshko Eyesu anwye esesla boŋ.

Otum 1:14

Moa a pla emo a shki otsotse okyku o da mo a fa olu ombamba mvye. Moashekyeŋ ta la anaŋ Eyesu, ta la moanáŋ Eyesu a mbo a wo ma otsotse pa la mo.

Amarku 16:20

Moanwyeotum nga a gre a yi a nyum oshpa ayaŋ a mbo. Adigi-odne a kpo otum pa la moanwyeotum lo, nga a shri ekʼpo a da mo a kpo ayakplo egbregbre okyku o da moare a ka adlidzi ba oshpa lo.]

Otum 16:18

Anwyeshe he lo a la a kpo eka he okyku elum eshushku. Ambla he nga, eso e tpi Oblus ayi nga a zhiŋ a nyuŋ ogbgabi a lu mi le, Eshko Eyesu Ekristi ame e lu e doŋ, o zgi o sku anwyeshe lo. Ogbgabi lo o zgi o sku anwyeshe lo embambaŋ.

Otum 9:40

Ambo Ebitru a da mo mvye a zgi a sku aku lo eshyẽ, a kʼpu obiŋ nga a fa olu. Ambla he a zhiŋ a gre okro okom lo nga a nyuŋ lo a lu mi le, Atabita, o kso! Aŋa a hwile ayi baŋ, omba baŋ a ka Ebitru nga a dzu okũ.

Otum 9:33

Osku he lo a ri a sheŋ alomakyeŋ moa a bzi ŋa ma Eniya. Aŋa a mom egʼba. Aŋa a kpo eyi efote a kso obiŋ a gbu mbo.

Otum 2:46

Olum ondayaŋ a mbo moa a la a pla emo a shki Anyuŋ-akulu, nga moa a la a ri algo otsotse adne emo, moa a la a ri algo lo la ovyevye nga eso e gbu mo obiŋ.

Eyohana 4:48

Ambo a nyuŋ andakʼpo he lo a lu mi le, Agimi e bmi ta la ekplokyeŋ mbo o wo le agimi e klo e ka anyuŋ ayakplo ba otum ba egbregbre ayga dne.

Otum 28:9

Ambla ba ohi lo o kpo nga, moare la a no olo anwye-obiŋ lo mvye, moa a ba nga aŋa a shaŋ mo.