Otum 4:13 - Ohwihwim Olehe

¹³ Moandakʼpo la a sõ ombgu a ka egbregbre a gre eshri ba Ebitru ta la Eyohana moa a lu odlo la eyli mbo. Moa a sa a ka egbregbre moa a lu mi ma moahi lo a wo moa la a yi engla angyiŋ mbo. Moa a ka a bmye ba moahi lo a wo moakyeŋazba ba Eyesu.

Otum 4:13 Referans Kwoze

1 MoaOkorinti 1:27

Ahogbrẽ a ka ayga a sla ekplo ba moarehwi ba obiŋ hi a sko lo a zga e ba adro, okyku o da moarehwi la okaobmye he a gbu anzi, nga a sla ekplo moarehwi ba obiŋ hi a ka eka ba alo e wo oshye mbo, okyku o da moarehwi la a wo oshye nzenze a gbu anzi.

Eyohana 7:15

MoaEyahuda a ka egbregbre a gre eshri, nga moa a lu mi le, Alom he a kpo anyu a yi engla nzenze eka he, ambo a gre engla ondakyeŋ a ka mbo!

Amatiyu 11:25

Omba he lo nga Eyesu a lu mi le, Adugu, Adigi-odne la a ri Oreŋ Ongyeŋ ta la obiŋ hi! Ame e vye la ŋo okyku boŋ o tsa moare la a yi ekplokyeŋ mbo, eshyẽ ba odlo boŋ, nga o ra moa la a wo okaobmye la o wo ogyugyuŋ, pa la moa la a yi engla nzenze o zga.

Amatiyu 26:73

Ambla fi nga, moarealom la a wo ekpazhi lo a ba okro Ebitru nga moa a nyuŋ ŋa a lu mi le, Aŋo o wo akyeŋ eshki moanwyeotum baŋ angyiŋ, okyku eshi edgu odlo boŋ o lu o zgi egŋe boŋ o wo ta la Eyesu angyiŋ!

Eyohana 7:49

Moare he lo a yi odaŋ ba Omusa mbo, okyku eka he ombgu ba Ahogbrẽ o wo eshri mo!

Oluka 22:8

Eyesu a hom Ebitru, ta la Eyohana otum a lu mi le, E yi e nyuŋ algo bi ba Apaska e kpo okyku o da gi e ri.

Amatiyu 26:71

Ebitru a gre a yi a tspi ayizhẽ esakpa. Anwyeshe-odne akyeŋ a ka ŋa nga a lu a da moarealom la a wo ma, a lu mi le, Aŋa a wo ta la Eyesu ba Anazarata angyiŋ.

Eyohana 19:26

Eyesu a ka anaŋ, ta la anwyeotum la a wo a ba eso baŋ, moa a tspi ahe lo. Nga Eyesu a nyuŋ anaŋ a lu mi le, Ashe, o ka anwye boŋ he.

Otum 4:14

Ozhẽ-okyeŋ moa a lu odlo o bga moanwyeotum lo o wo ma mbo, okyku eshi alom moa a shaŋ ŋa he lo a tspi okro he lo ta la Ebitru, ta la Eyohana.

Otum 4:19

Ambo Ebitru ta la Eyohana a tno mo ma a lu mi le, Eka bimi e ka, oyaŋ o wo odzi egi ayi Ahogbrẽ, agi e fa olbi e da gimi angyiŋ le, e fa olbi e da Ahogbrẽ?

Otum 4:29

Adigi-odne o wo boŋ o bmi le, o gno eka ba moa a klo o ta gi eyli, nga o da gi moanwye boŋ e nyum oshpa boŋ la oshye eso.

Otum 4:31

Ambla moa a fa olu a khwo nga, okro moa a shki ma lo o suŋ. Ahogbrẽ a bli mo la Ogbgaodzi nga moa a nyum oshpa Ahogbrẽ la oshye-esõ.

Otum 9:27

Abarnaba a ba a kpo a ghwo a ŋa nga a shri ŋa a gre okro moa la a nyum oshpa, nga a lu a da mo eka ba Eshawlu a ka Adigi-odne ozhẽ, nga ba Adigi-odne a lu odlo ka la ŋa. Nga a lu a da mo eka ba Eshawlu a nyum oshpa ba Eyesu osku ba Adamasku la eso ekyekyeŋ.

Otum 9:28

Eshawlu a dzu pa la mo nga a gre ekro andandandim osku ba Orushalima nga a la a nyum oshpa ba Ahogbrẽ la eso ekyekyeŋ.

1 MoaOkorinti 14:25

Aga baŋ la a dga eshyẽ, oshpa lo ó ta lo edzi, nga á kʼpu obiŋ nga á hlu Ahogbrẽ eshko, á ghwo obiŋ okro baŋ nga á lu mi le, Adlidzi angyiŋ Aho-gbrẽ a wo ahe ka la gimi.

2 MoaOkorinti 3:12

Okyku okayiozhẽ ba agi e wo la alo ma he lo, o da gi e shye eso e gre eshri.