Otum 4:12 - Ohwihwim Olehe

¹² Ozhẽ oshla o wo okro Eyesu sha. Arekyeŋ a wo ma obiŋ hi mbo ku-ku ba Ahogbrẽ a shri a di ba agi e kpo e gbu bi e hwiŋ oshla okro baŋ.

Otum 4:12 Referans Kwoze

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

1 MoaOkorinti 3:11

Okyku eshi Ahogbrẽ a sheŋ a sla Eyesu Ekristi akya-kyeŋ a daŋ a dzu ahwim lo. Moa a kpo a gbu ba moa a ta ahwim-akyeŋ ondundum nga mbo.

Eyohana 3:36

Areyaŋ a mbo la a bmi ba adlidzi ta la Anwye le, aŋa á wo eso ba gbagbu-amo ma. Areyaŋ a mbo la a bmi ba adlidzi ta la Anwye lo mbo le, á hwiŋ eso mbo, nga ombgu ba Ahogbrẽ o dzu eshri baŋ gbagbu-amo.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Amatiyu 1:21

Aŋa á mbre nga aŋo ó daŋ eshko ó daŋ á ri Eyesu, okyku eshi aŋa angyiŋ á ba a shla moarehwĩ baŋ abgo ba odlobi mo.

MoaIbrani 2:3

Agi nga é kpo anyu é ba e gro o wo ba agi e tla e tsi oshla ogagre eka he e ghwo ayi? Adigi-odne ababgo baŋ a zga esĩ a su oshla he lo. Nga moare la a gno osu baŋ he lo moa a tsa gi ba alo o wo adlidzi angyiŋ.

Otsotsa 20:15

Areyaŋ a mbo ba moa a ta eshko baŋ akpa ba esõ mbo le, moa a shri ŋa a ta enzheovo.

MoaIbrani 12:25

Agimi e nyuŋ e kpo-kpo nga e tla o ngli atuŋ o gno odlo baŋ a la a lu mbo. Okyku eshi moarehwĩ la a tla o ngli atuŋ o gno odlo ba Ahogbrẽ ba arekyeŋ a la a lu obiŋ hi, moa a gro mbo ku-ku. Nga o wo ba agi e tla odlo ba are la a dzu Ongyeŋ a la a lu he, agi e ka é ra abgo é gro mbo ku-ku!

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

Otum 2:5

MoaEyahuda, ta la moa la a lu Ahogbrẽ ma a zgi ebiŋ andandandim obiŋ hi a ba Orushalima omba he lo.

Otum 13:26

Agimi anáŋ, agimi anwye ba Ebrahim, pa la moa la a wo moaEyahuda mbo, la a wo ahe mvye la a la a hlu Ahogbrẽ eshko, moa a shri oshpa ba oshla he lo a kom gi angyiŋ!